Hierdie versameling bevat die beste verhale en humor van Bosman, nou ook in Afrikaans vertaal deur die bekroonde Afrikaanse digter, Johann de Lange. Sterlig op die veld bevat 23 van Bosman se beste stories. Dit sluit klassieke Oom Schalk-stories in soos “Die pad na Mafeking”, “Die Rooinek” en “Makapan se grotte”, en ook Voorkamerstories soos “Skoolkonsert” en “Geboortesertifikaat”. En in beroemde stories soos “’n Boere-Rip van Winkel” en “’n Ou Transvaalse verhaal” hoor ons die stem van die skrywer wat met self-ironie die kuns van die storieverteller bepeins. Die herken-blues bevat 29 stukke wat strek oor Bosman se hele loopbaan, van skoolseungrappe tot die laaste lag. Soos Bosman self gesê het, was hy bekend vir die humor wat in al sy werk te vinde was en wat hom so gewild gemaak het onder sy lojale lesers. Hierdie versameling sluit bekende juwele soos “In die skadu van die withaak”, “’n Bekkersdal-marathon” en “’n Besoek aan Blikkiesdorp” in, waarin sy satiriese ironie in volle swang is, tot ’n aantal essays wat nog nie voorheen in ’n bundel versamel is nie wat hom ewig as een Suid-Afrika se gemoedelikste kommentators bevestig.
Оглавление
Herman Charles Bosman. Die beste verhale en humor van Herman Charles Bosman
VOORWOORD
MARICO, ’N TERUGKEER
MAKAPAN SE GROTTE
DIE ROOINEK
NOOI VAN DIE VELD
DIE MUSIEKMAKER
DIE PAD NA MAFEKING
STERLIG OP DIE VELD
PRAG EN PRAAL OP RAMOUTSA
DIE PROFEET
SAAITYD EN OESTYD
KOMS VAN DIE KOMEET
GESNEDE BEELTENIS
TOT STOF
BEGRAFNISGROND
PERSKES WAT RYP WORD IN DIE SON
DIE BEGROTING
NUUS
SKOOLKONSERT
GEBOORTESERTIFIKAAT
DIE AFFÊRE BY YSTERSPRUIT
’N BOERE-RIP VAN WINKEL
DIE OSRIEM
’N OU TRANSVAALSE VERHAAL
DIE HERKEN-BLUES
VOORWOORD
AVONTUUR
HUMOR EN PITTIGHEID
DIE DILETTANT
DIE DROSTER
VOORSPEL TOT “MARA”
DIE HERKEN-BLUES
KONINKLIKE OPTOGTE
LEIER VAN ’N ROWERBENDE
ROSSER
TEX FRASER SE STORIE
JIM FISH
’N BESOEK AAN BLIKKIESDORP
OU-KAAPSE SLAWERELIEKE
WITPOORTJIE-WATERVAL
POLITIEK EN LIEFDE
NUWE OUDERLING
SKAAM JONGKÊREL
IN DIE SKADU VAN DIE WITHAAK
MARICO-MAAN
HESTER VAN WYK SE STORIE
DIE SELONSROOS
’N BEKKERSDAL-MARATHON
PLAASLIKE KLEUR
GEHEIME AGENT
RYSMIER
LAG, HANSWORS, LAG
TEOLOGIESTUDENT
OP SOEK NA ’N ONDERWERP
OM TE SKRYF
Отрывок из книги
DIE BESTE VERHALE EN HUMOR VAN HERMAN CHARLES BOSMAN
Sterlig op die veld
.....
“Natuurlik sal hy terugkom,” antwoord ek. Maar dié keer weet ek dat ek lieg. Want toe ek deur die bek van die grot loop, het ek geskop teen die kaffer wat ek vroeër daar geskiet het. Die liggaam het op sy sy gerol en ek het die gesig gesien.
Toe, die jaar ná die droogte, breek miltsiekte uit. Dit lyk of die siekte in die gras op die veld is en in die water in die damme, en selfs in die lug wat die vee inasem. Ek kom oral op dooie koeie en osse af. Ons is almal moedeloos. Amper almal in hierdie deel van die Marico het begin boer met wat die regering ons uitbetaal het. Noudat die vee gevrek het, het ons niks oor nie. Eers het die droogte ons teruggeslaan na waar ons begin het. Nou, met die miltsiekte, kan ons niks doen nie. Ons kan nie eers mielies saai nie, want teen die tempo waarteen die vee vrek, sal ons binnekort geen osse oorhê om die ploeg te trek nie. Mense begin praat oor alles verkoop en op die goudmyne werk soek. Ons stuur ’n petisie aan die regering, maar dit help niks.
