Оглавление
Группа авторов. Молитвы на святые праздники
Акафисты двунадесятым праздникам
Акафист Рождеству Пресвятой Богородицы (21 сентября)
Акафист Честному и Животворящему Кресту Господню (Воздвижение Креста Господня 27 сентября)
Акафист Введению во храм Пресвятой Богородицы (4 декабря)
Акафист Рождеству Христову (7 января)
Акафист Богоявлению Господню (Крещение Господне 19 января)
Акафист Сретению Господню (15 февраля)
Акафист Благовещению Пресвятой Богородицы (7 апреля)
Акафист в Неделю Ваий (Вход Господень в Иерусалим в воскресенье перед Пасхой)
Акафист Вознесению Господню (40-й день после Святой Пасхи)
Акафист Пресвятой и Животворящей Троице (50-й день после Святой Пасхи)
Акафист Преображению Господню (19 августа)
Акафист Успению Пресвятой Богородицы (28 августа)
Отрывок из книги
Избранней от человеческого рода и рождшейся от неплодове, Пречистей Деве Марии составим похвалу, яко Рождеством Ея начало спасения нашего бысть и пришествие в мир Избавителя возвестися. Темже радостно Ей возопиим: Радуйся, Пречистая Дево, Материю Спасителя мира от века предъизбранная.
Ангел небесный предстояй пред Богом, послан бысть к праведным Иоакиму и Анне возвестити им радость велию, яко по неплодствии своем имут родити Дщерь Преблагословенную, от Неяже всему миру радость произыдет. Темже и мы, радости сея причастницы, похвальная песни Деве воспоем: Радуйся, в Троичном Совете Материю Сына Божия от века предъизбранная; радуйся, древними пророками с патриархи многообразне в образех и сенех прообразованная. Радуйся, вящшие пяти тысящ лет от создания мира рабы Божиими, яко Матерь Избавителя, ожиданная; радуйся, в видении Иакову лествицы, яко Божие к человеком снизшествие, предуказанная. Радуйся, неопалимою купиною в пустыни Синайстей Моисеом виденною, предвозвещенная; радуйся, Чермным морем Израилю сух путь давшему, фараона же потопившему, образне преднаписанная. Радуйся, написатися нам в книзе Живота Вечнаго пособствующая; радуйся, Царствия Небеснаго невозбранный вход нам ходатайствующая. Радуйся, Пречистая Дево, Материю Спасителя мира от века предъизбранная.
.....
Новое и преславное Промышление Божественное бысть о Тебе, Дево, яко в храме Божии пищу от рук Ангельских принимала еси, Пресвятая. Темже молим Тя: напитай нас пищею благодатною, да возрастем духовно и Тебе, Всецарице, похвальная возопием: Радуйся, преукрашенная добродетельми, Отроковице, в храме Божии жити и Ангелом Собеседницей быти сподобльшаяся; радуйся, от Ангелов пищу небесную во Святая Святых приявшая. Радуйся, во храме Божественным хлебом чудесно напитанная; радуйся, к великому таинству воплощения Сына Божия тамо предуготованная. Радуйся, яко повелением Божиим Ангели на земли Тебе усердно служаху; радуйся, яко тии на небесех ныне Тебе яко Царице благоговейно пояху. Радуйся, яко и мы недостойнии песньми хвалебными присно Тя величаем; радуйся, яко и рождших Тя Богоотцев всегда ублажаем. Радуйся, Пречистая Дево, Материю Спасителя мира от века предъизбранная.
Странное Рождество Пречистыя Девы видевше, устранимся суетнаго мира, ум на небеса преложше, идеже Богоматерь во славе предстоит Сыну Своему и Богу, ходатайствующи пред Ним о всех верных, всеславное Рождество Ея любовию празднующих и вопиющих Богу: Аллилуиа.
.....
