Реклама. ООО «ЛитРес», ИНН: 7719571260.
«Кавказан баххьаш»
Оьрсийн маттера роман гочйина. Дикаева Янинас
I—II том
Авторера
Авторийн биографи
Ратиани Мурман
Ратиани Мзия
ДIадолор
Ратиани Мурманан а, Ратиани Мзийан а «Ламанан баххьаш» цIе йолчу романах лаьцна
Обарган новкъахь
Дешхьалхе
Кавказ
I том
I корта
Дишнара Дика
Балкхархо Ахия
Сванетера Ратиани Мушни
Кхарачара Ислам
Эла Мачутадзе
II корта
Зумсара Салман
Кхошкельдара Юсуп-Хьаьжа
Кечам
III корта
Нохчийн къонахий
Хевсурети. Хевисбери Муцо
Кавказан баххьаш
Маршо
II том
I корта
Дагестанера Кири Буба
Азербайджанера Мамед
Баку
Нийсо
Коба
Ирен Цукерман
Буачидзе Ной
II корта
Ортсхо Шоптакх
Довта-Мартан
ГIебартара Клишбиев Аслан
ГIебарто Шарданов Берд
Говрийн рема
ХIири Мурзанкул
III корта
Бесленеера Ислам
Чергизойн Тимаза
IV корта
ГIебарто Илес
Есаул Тараканов
Йешархойн кхеле суна йилла лаьа ткъе итта шарахь сан дас Ратиани Мурмана къа хьегна йолу книга.
Советан Iедалан муьрехь цуьнга дукхозза дехара динера книга зорбане йаккха аьлла, амма йогIуш йолчу урхаллаша боххучу кепара иза хилийта цуьнан аьтто бацара. Теша лаьа дас шен ойланехь хIоттийна хилла сурт сан кху книги тIехь кхолла аьтто баьлла хиларах. Ас шеко йоцуш дIабоху, хIара болх бечу хенахь цо нийса тидам бора, цо къаьмнаш а, динан башхаллаш а ца къестош, лаккхара мах хадабора бакъ йолчу къонахаллин а, доьналлин а.
.....
– Кху деношкахь лаьмнашкахь доккха ло ду, вайшиъ Мушнинна тIе кхачалур вац. Масех де хьалха сванийн тоба дукъа тIехьахула кхуза сехьа йаьллера. Сванашна хазахета моьтту суна дарцашкахула лела. Уьш кестта шайн цIа гIур бу, цаьрга хабар дохьуьйтур ду вай, хьо со волчохь Мушнига хьоьжуш ву аьлла – жоп делира Ахияс.
Иттех де даьллера Кута Ахия волчохь хьошалгIахь волу. Кхолламан беттан чаккхе йара иза. ГIурано лаьцнера латта. Цу дийнахь Ахия шен хьаша а цхьаьна жимма волавала араваьллера. Накъостий гIаш Абайн бIов йолчу агIор бахара, шайна тIаьхьа говраш а йуьгуш. Арахь цхьа йекъа шело йара, маьлхан зIаьнаршлахь дато бос бетташ лепара диллина доккха ло. Черекна а гайтинера гIурано шен ницкъ. Ахканан шина а йистехь ша бинера. Ткъа Кавказан ламанийн баххьаш стигланан сийналлехь шайн къоьжа кортош а лепош лаьттара. Маржа-йаI! Ма баккхийчу хиламийн теш хилла лаьтта уьш кхузахь эзар шерийн йохаллехь. Ткъа тахана цара къобалдо Кавказан обаргийн вежаралла, цара шайн Даймехкан маршонах дог ца дуьллуш арабаьккхина болу и чолхе некъ.
.....