Susodźa

Оглавление

Ingrid Juršikowa. Susodźa

Dobry a njedobry susod. Křesćan Krawc

Na přazy. Jan Lajnert

Trundlata Marja. Jan Wornar

Józef. Benedikt Dyrlich

W susodstwje. Róža Domašcyna

Šokolada. Marja Młynkowa

Wusonjeny kóń. Jurij Brězan

Silwester na hłownym křižowanišću. Beno Budar

Krawata. Měrana Cušcyna

Na narodninach. Pětr Dźisławk

Wuj Jurij. Alfons Wićaz

Cuza susodka. Dorothea Šołćina

Lětni hósć. Lubina Hajduk-Veljkovićowa

Stigma. Jěwa-Marja Čornakec

Na motawych mjezach. Benedikt Dyrlich

Kak srjedźišćo nastanje. Jurij Koch

Husličkar pod třěchu abo na wopyće pola molerja H. B. Marja Krawcec

Mać. Kito Lorenc

Kito L. Marja Krawcec

Mila. Dušan Hajduk-Veljković

Hósć na balkonje. Měrka Mětowa

Štož je było. Lubina Hajduk-Veljkovićowa

Zabłudźenka. Sylwija Šěnowa

Jěžik. Křesćan Krawc

Njepłaćiwa jězdźenka. Lydija Maćijowa

Załoženje. Dušan Hajduk-Veljković

Отрывок из книги

Raz bě Měrćin Nowak-Njechorński ze swojej Martu k nam na wopyt přijěł. Wulězeštaj z taksowki, rozhladowaštaj so a stupištaj přez wočinjene wrótka na naš dwórčk. W susodstwje, za niskim běłym płotom, žane šěsć a poł metra zdalene, dźěchu w tym wokomiku chěžine durje, a z domu stupi młody kadla. Wuj Měrćin jeho postrowi: »Pomhaj Bóh!« To młodźenc na njeho pohladny, a kaž Měrćin a Marta so na njeho přećelnje posměwknyštaj, so wón wobroći a woteńdźe.

Ja Nowakecomaj rozjasnich, zo njeje to za nas ničo nowe a zo njetrjebataj so tohodla hněwać: »Tónle susod tajki je. Njeznjese serbske słowo. To je za njeho kaž jěd.«

.....

Štož młodeho Knotha nastupa, mjeztym tež rentnar, namaj tele dny tola hišće škrička nadźije zabłyskny: Po tym zo bě so jeho syn nawróćił, je swójbu załožił, bydli ze staršimaj hromadźe jako třeća generacija w Knothec domčku. Syn, cyle po nanje, njeje hišće žane słowčko z namaj rěčał. Štož pak čłowjek njecha wěrić: Młoda žona, nutř wudata, naju njeznaje. Tež wona wot prěnjeho dnja naju njestrowi. Wona hordźe nimo naju dźe. Ja potom za njej hladam, a moja mandźelska mje postorči a rjeknje: »Začiń hubu, zhrabaj so!«

Njesměm zabyć rjec: Takle so dźensniši Knothec tež napřećo naju potomnikam zadźerža.

.....