Hierdie aangrypende roman oor ’n ongeletterde Nama-vrou van die Richtersveld speel af in die 1950’s. Katryn Jonis word van moord aangekla, maar sy kom agter die pro deo advokaat glo nie in haar onskuld nie en besluit dan om haar eie verdediging in die hof te behartig. Die vindingryke en berekende wyse waarop die reguit en passievolle Katryn die waarheid uit die staat se getuies in die hof trek, boei die leser deurgaans. Daar is baie vrae: Wie het dan die moord gepleeg, en hoekom? Hoekom het Abraham Klink en sy familie die Jonis-familie deur die jare so getreiter? Want waar Katryn en Salmon ook al geboer en gewoon het op die walle van die Grootrivier – by Kortdoorn, by Grootderm – daar het die Klinke hulle op ’n slinkse manier skade berokken. Totdat Katryn op ’n dag gedryf word tot optrede met ’n vreeslike nadraai. Omring deur vyandige getuies veg sy vir haar lewe in ’n hof in Kaapstad.
Оглавление
Jan Huisamen. Katryn
. Hoofstuk 1
. Hoofstuk 2
. Hoofstuk 3
. Hoofstuk 4
. Hoofstuk 5
. Hoofstuk 6
. Hoofstuk 7
. Hoofstuk 8
. Hoofstuk 9
. Hoofstuk 10
. Hoofstuk 11
. Hoofstuk 12
. Hoofstuk 13
. Hoofstuk 14
. Hoofstuk 15
. Hoofstuk 16
Epiloog
Johannes Christiaan. Huisamen
Erkenning
Woordverklarings
Отрывок из книги
Katryn vrou van die Richtersveld
Jan Huisamen
.....
Sy mompel ’n groet en draai om, struikel amper teen die trappies af. Op ’n drafstap vat sy die pad Kortdoorn toe. Wat gaan aan? Wat het haar familie gedoen om soveel haat in iemand te sit?
Nou is dit amper opstaantyd op die plaas. Ag, wat sal sy nie betaal as sy net vir ’n paar minute agter Salmon se rug kan inskuiwe nie. Hierdie tronk se naam moet eintlik wees “die plek van groot verlang”. Daar is ander name wat ook sal pas, soos “die plek van ledigheid” of “die plek van vrees”, maar geen swaarkry is so groot soos die swaarkry wat verlang oor jou bring nie.
