Описание книги
Monografiyada g'o'za seleksiyasida yangi yo'nalishlardan hisoblangan chigiti tarkibida (+)-gossipol miqdori yuqori bo'lgan g'o'za navlari seleksiyasi borasida mualliflar tomonidan amalga oshirilgan genetik-seleksion tadqiqotlar natijalari yoritilgan. Unda mahalliy va xorijiy olimlar tomonidan har xil g'o'za turlarida uchraydigan umumiy gossipol va uning shakllari hamda insonlar, kavsh qaytaruvchi va kavsh qaytarmaydigan hayvonlar uchun ahamiyati borasidagi adabiyotlar tahlili keltirilgan. Shuningdek, mualliflar tomonidan g'o'zaning generativ organlarida umumiy gossipol miqdorining irsiylanishi, duragay avlodlarda belgining o'zgaruvchanligi, shakllanishi hamda ayrim xo'jalik uchun qimmmatli belgilar, kasalliklar va zararkunandalarga chidamliligi bilan bog'liq jihatlari tahlil qilingan.