Описание книги
Ushbu monografiyada ajdodlar ma'naviy merosida reproduktiv xulq, sog'lom oila qurish, barkamol avlod tarbiyasiga doir masalalarning echimlari tahlil etiladi. Bola tarbiyasiga ta'sir etuvchi ijtimoiy va tabiiy omillar o'rni, ya'ni oiladagi shaxslararo munosabatlar, homiladorlik davridagi e'tiborli jihatlar hamda reproduktiv ko'rsatmalar ahamiyati haqida so'z boradi. Har qanday ota-ona bola tug'ilgandan keyin o'z zimmasiga yangi vazifani qabul qiladi. Bu so'zsiz tarbiya masalasi bo'lib, u o'z ichiga bolani sog'lom o'stirish, ta'lim berish, tarbiyalash, oyoqqa qo'yish, voyaga etgach uylantirish va boshqa qator vazifalarni o'z ichiga oladi. Monografiyada ota-onalar, pedagoglar, yaqin qarindoshlarning bolalarga bo'lgan munosabatlari har tomonlama yoritilibgina qolmasdan, balki bolaga bo'lgan e'tibor kelajakka ham bo'lgan e'tibor ekanligini tushuntirishga xizmat qiladi, degan umiddamiz. Olingan ilmiy-nazariy bilimlar asosida amaliyotchi psixologlar, barcha toifadagi pedagoglar, ijtimoiy moslashuv markazlari xodimlari va ota-onalar uchun amaliy ko'rsatma va tavsiyalar ishlab chiqilgan. Monografiya pedagog va mutaxassis psixologlar, tibbiyot xodimlari, kelgusida ota-ona bo'lishni rejalashtirgan yoshlarga va ayni damda ota-onalarga, talabalarga, o'quvchilarning keng ommasiga o'qish va foydalanish uchun taqdim etiladi.