Описание книги
Amerika romantizmining buyuk vakili, adabiyotshunos va muharrir, zamonaviy detektiv janrining asoschisi, yozuvchi va shoir Edgar Allan Poning ijodini asosan ko'plab fojiali, fantastik, hajviy hikoyalar tashkil etadi. Edgar Poning detektiv hikoya janrida orttirgan tajribalari A.K.Doyl, R.L.Stivenson, G.Chesterton singari yozuvchilar ijodida an'ana sifatida foydalanilgan, she'riy ijodi esa fransuz va rus ijodkorlariga ta'sir ko'rsatgan. Yozuvchining «Bostonlik» taxallusi bilan «Buyuk Temur va boshqa she'rlar» nomli ilk she'riy to'plami, shuningdek, «Ligeyya», «Morg ko'chasidagi qotillik», «Tilla qo'ng'iz», «Vaqt o'rog'i», «Sukunat», «Yurak gupuri», «Vabo qiroli», «Mashhurlikning intihosi», «Qora mushuk» singari ko'plab hikoyalari, shu bilan birga bir qator she'rlari ham o'zbek tiliga tarjima qilingan. Ushbu kitob Edgar Poning o'zbek tilida chop etilayotgan ilk to'plamidir.