Описание книги
Mazkur qo'llanma Respublikamizning litsey va kollejlari hamda oliy o'quv yurtlarida tahsil olayotgan, Yevropa Kengashining 2001 yilda qabul qilingan CEFR (Xorijiy tillarni bilishning Umumyevropa kompetensiyalari) asosidagi B1/B1+ va B2 darajasi talablariga javob bera oladigan o'quvchilar uchun mo'ljallangan. Shuningdek, kitobdan ingliz tili o'qituvchilari, mutaxassislar, mutaxassis bo'lmagan shaxslar hamda mustaqil o'rganuvchilar ham asosiy manba sifatida foydalanishlari mumkin.Kitob ikki qismdan iborat bo'lib, 1- qism ingliz tilining nazariy asosini tashkil etadi. Bunda ingliz tili grammatikasidagi alohida qoidalar va muhim istisnolar izohlar shaklida hoshiyaga chiqarilib, ularga alohida urg'u berildi. Har bir bo'lim yakunida keltirilgan umumlashtiruvchi jadvallar o'rganilgan grammatik qoidalarni yanada mustahkamlashga xizmat qiladi. Kerakli grammatik qoidani topishni osonlashtirish maqsadida kitobning oxirida grammatik qoidalarning indeksi keltirildi.