Көрүдьүөстэр

Оглавление

Группа авторов. Көрүдьүөстэр

«Завтра приехали!»

«Во саду ли, в огороде…»

Мас кэрдээччилэр

АРАЙ БИИР ДЭРИЭБИНЭҔЭ…

«Оруосабайдар»

«Японец»

Физкульт-привет!

МАННЫК ЭМИЭ БУОЛААЧЧЫ

ӨКҮНДҮЛЭР КҮЛЭЛЛЭР

Абырахтаммат таҥас

Кэлэйбит

Бэргэн ытааччылар

Манна туох баарый?

Кыраадыһа тоҕус уон

Бастаан утаа туттар харчыланнахпыт…

Кытаанах кымньыы

Чөрөсчүүр дьаабы эбит

Биһиэхэ холодильник элбэх

Сибиинньэ үүтэ

Эһэ хаанын испит

Ыстааныгар ыһыктаах Мэхээлэ

Окко сылдьан…

Оҕус хаайбыт

Отчут кэлбит

Туох илдьиттээххин?

КҮНДҮ КҮЛҮҮКТЭР

От дефицитэ

Биһиги Сэмэннээх буолабыт

Эһэтин тэбиэҥҥэ тэҥнээбит

Шапошниковались

Эбэн кэбиһэн иккилэммит

АНЕКДОТТАР

Туостар

Күндү ааҕааччы!

Отрывок из книги

Устудьуоннуу сылдьан, тутар этэрээккэ үлэлээн кэлэн иһэн, деканакка таарыйан ааспыппыт. Деканы солбуйан олорор преподаватель: «Когда приехали, девочки?» – диэн ыйыппытыгар, дьүөгэм Натааһа улахан баҕайытык: «Завтра приехали!» – диэн баран, ып-ырааһынан көрөн кэбиспиттээх. Бу түһүмэх саха дьоно улуу нуучча тылын кытары алтыһыыбыт туһунан…

Автобус тохтобулугар турар уолтан нууччалар: «Бириэмэ төһөнүй?» – диэн ыйыппыттар. Уол чаһытын көрбүтэ: 7 чаас буолуо 15 мүнүүтэ хаалбыт эбит. Уол төбөтүн иһигэр тылбаас бары варианнарын эргитэн көрдөөбүт да, тугу да тобулбатах. Онон ыксаан: «7 часов не хватает 15 минут!» – диэн балаһыанньаттан тахсыбыт.

.....

Эдьиийим оҕотун абитуралата үрэх баһа дойдуттан кэлбитэ. Арай «Столичнай» рынок аттынан ааһан иһэн, «Вулканцех» диэн суругу көрөн: «Хата, бу буулка сыаҕар киирэн, бурдук аһа атыылаһыах», – диэн дьылыс гынаат, төттөрү ыстаммыттаах.

Дэриэбинэттэн үөрэххэ туттарса кэлбит бырааттыылар маҕаһыыҥҥа киирбиттэр. Тоҥ нуучча атыылааччыны көрөн, харчыны хайдах бытарытары толкуйдааһын буолбут. Биир бэйэтэ нуучча көрүҥнээх уол тиийэн бытарытар буолбут. Бааһынай уол кассаҕа тиийэн, харчытын остуолга ууран баран: «Вдребезги», – диэн палк гыннарбыт.

.....