Реклама. ООО «ЛитРес», ИНН: 7719571260.
КИИРИИ ТЫЛ
Маҥнайгы түһүмэх
Олохпор өйдөөн хаалбыт түгэннэрим
Маҥнайгы булт
Куобахха туһахтааһын
Аһымаҕа
Үллэһик
Аммаҕа
Түгэнэҕэ
Көҕөннөр
Дьааҥыга
Лөкөчөөн Күүлэлээҕэр
Түүлээхтээһин
Иккис түһүмэх
Убайым Борокуопай кэпсээнэ
Хабараан
Оттуу сылдьан
Нуотараҕа
Солоҥдо
Ньукулай Харытыанап кэпсээнэ
Үһүс түһүмэх
Бүөтүр Баттынаагын кэпсээнэ
Дьааҥы чулуу булчута Дьөгүөр Состокуоп
Дабдарыга
Ээбиллэлэр
Дьикти түбэлтэ
Төрдүс түһүмэх
Атаһым Дьэримиэй кэпсээнэ
Амма улахан булчута Лөгөнтөй Кутуукап
Куолумаҕа
Аар тайҕа ыттара
Абаҕам Миитэрэйдиин бултааһын
Хатыҥ үрэххэ
Бэдэр
Сиэгэн
Тойон көтөр
Айылҕа дьиктилэрэ
Сэнээбиккиттэн сэттэҕин ылыаҥ
Бэһис түһүмэх
Бүтүн оҥоһуулаахтар иэйэхситтэрэ эҥээрдэспиттэр
Тумара, Дулҕалаах үрэхтэрин бастарыгар
Сааны туора уоппут адьырҕаттан куотуу
Адьырҕа түүйүүтэ
Алаһыайга
Буруй эрэ Моттойоҕо
Ыстаадаҕа
Хабыр хапсыһыы
Соһуччу көрсүһүү
Дьохсоҕон сиэмэх бөрөтө
Бостууктар
Булка уһуйуллуу
Аллараа Халымаҕа буурҕаҕа мунуу
Булка эбэм Дьэбдьиэ уһуйбута
Үүтээн хаһаайына
Өймөкөөҥҥө чубуку булдугар
Муммут оҕо эбэтин кэпсээнэ
Ханнык да киһиэхэ оҕо сааһа ордук күндү, истиҥ буолар эбит. Кыра сырыттахха буолбут сырдык чаҕылхай түгэн өйгөр сөҥөн хаалар. Миэхэ, сааһыран эрэр киһиэхэ, ойор-тэбэр оҕо сааһым дьикти түгэннэрэ сотору-сотору харахпар көстөн кэлэллэр. Өйбөр одоҥ-додоҥ сөҥөн хаалбыты сурукка тиһэргэ холоннум, онон эһиги истиҥ, мин кэпсиим.
Кыра сылдьан сүрдээх мэник-тэник, биир сиргэ түптээн-таптаан олорбот оҕо үһүбүн. Түөртээх-биэстээх бэдик ынах этэрбэстээх уонна Кочубей курдук бэргэһэлээх этим. Кочубей диэн киинэҕэ көстөр үрүҥнэри кытта сэриилэспит үрүҥ папаахалаах кыһыл хамандыыр. Онтон миэнэ маҥан каракуль бэргэһэ этэ. Торбос тириитэ ботуоҥкалааҕым, онно «бултуур тэрилбин»: арагаайканы уонна бадараанынан оҥоһуллубут, оһоххо хатарыллыбыт буулдьаны уктарым. Маннык таҥнан-симэнэн, хорсун кыһыл хамандыырыныы сананан, тэлгэһэм иһигэр мас аты миинэн сүүр да сүүр буоларым. Былыргы ынах этэрбэс барахсан, быата эрэ сөллүбэтэр, сүүрэргэ чэпчэкитэ сүрдээх буолара. Убайдарым моҕотойдуу баралларыгар куруук кыра диэн хааллараллара, онуоха ытыы-ытыы эккирэтэрим. Улаатан борбуйбун көтөхпүтүм да кэннэ, ыраах бултуу баралларыгар хаалларар этилэр. Хаалар сүрүн сылтаҕым: түөрт киһи «ИЖ-56» диэн көлөөскөтө суох матасыыкылга баппаппыт.
.....
Мин саабын ыллым, хомуннум даҕаны автовокзалга ыстаннаран тиийдим. Покровскай такситыгар олорсон, Уулаах Аан таһыгар тиийэн түстүм. Үрүҥ Бастан кэлэр үрэҕи батыһан мырааны өрө бардым. Үрэх сүүрдүбүт эрээри, биир да куһу харахтаабатым.
Киэһэ хойут үлтү сылайан, мааҕын сылдьыбыт уум халдьаайытыгар сынньана олордум. Бултаан бүтэн, саабын ыһан хаатыгар уктум. Ол олорон хайаан да бултуохтаах этим диэн саныыбын. Бараары туран көрбүтүм, оттоох ньалыар ууга алта көҕөн устан киирбит. Ону көрөн хаптайдым, сүрэҕим битиргэччи тэптэ, тириттим аҕай, мэктиэтигэр тобугум салҕалаата. Хамсалаах табах быстыҥа олорон уоскуйдум. Саабын хаатыттан ороон хос хомуйдум, икки ботуруону уктум. Аргыый сэрэнэн өҥөйөн көрбүтүм, икки атыыр көҕөн хос олорор, көтөөрү хонойуохтарынан хонойбуттар. Мин үгүһү-элбэҕи толкуйдуу барбакка ытан саайдым, онтон көтөн тахсыыларыгар ойон туран ыттым. Күөрэтэн сыыһан кэбистим. Ууга сүүрэн киирбитим – икки көҕөн төбөлөрүн ууга уган, кынаттарынан лаһыйа сыталлар. Дьэ манна үөрүү бөҕөнү үөрдүм, Баай Байанайбар махтал тылларым эттим. Кустарбын сүгэһэрбэр уктан, суолтан массыына тутан дьиэлээтим.
.....