Оглавление
Группа авторов. Муора арыытыгар олох
Бастакы кинигэм туһунан (Ааҕааччыга этэр тылым)
Муора арыытыгар олох
Муораҕа айан
Тунал хаар үөрүүтэ
Хаас кэлиитэ
Аҕам миигин хайдах үөрэппитэй?
Муора, кэрэҕин, дохсуҥҥун даҕаны!
Хоолдьуга
Аһынным да этэ
Кубалары атаарыы
Моржалар
Тулаайах хаас уонна оҕо саас
Отрывок из книги
Туундараҕа саас иһэр. Бөһүөлэк дьонун кэпсэлэ наар сааскы булка ким хайдах бэлэмнэнэн эрэрин, ким быйыл хас хаас мончуугун саҥардан оҥостубутун, ким Кындака, Бааччах, Араҥастаах боротуохаларын устун сааһыы барыахтааҕын, барбытын, кэлээри турар булт хайдах буолуохтааҕын тула эргийэр. Быйылгы үөрэх дьыла бүтэн, аҕам миигин сайылыыр сирбитигэр – Куба арыыта диэн муора арыытыгар илдьээри кэллэ. Онно ийэм, бырааттарым ахтан ахан эрдэхтэрэ. Аҕам маҕаһыынтан быйыл миигин булка үөрэтиэм диэн биир уостаах доруоп сааны атыыласта. Үөрүү-көтүү, өрөгөй улаатта. Саа сабыс-саҥа луоһун, тимирин сотору-сотору имэрийэн көрөбүн.
Үөрүүбүн чугас ыалбар, доҕорбор, Гриша Романовка кэпсии ыстанаары турдахпына аҕам: «Тоойуом, Сэмэнчик, наһаа киэһэримэ, эрдэ соҕус кэлээр. Гришаҥ бэлэмнэннин, эрдэ кэллиннэр. Күн-дьыл туруга бүгүҥҥүттэн уларыйбатаҕына, сарсын сарсыарда айаҥҥа турунуохпут», – диэтэ, ыттарын киэһээҥҥи аһылыктарын, силимнэһэ хам тоҥон хаалбыт балыктарын ириэрээри, тимир ohox холумтаныгар тарҕата уурталыы туран.
.....
– Аҕаа, хайа хаһан тиийэбитий?
– һы, оҕокком! Аны биир туруу холобурдаах хаалла. Сотору тиийиэхпит. Ити доҕopyҥ Гриша суолу быһа туох туһунан ыллыырый? Улахан ырыаһыт киһи үөскээн сылдьарын билбэккэ сылдьар эбиппит ээ. Хата мин биэс уоммун томточчу туолар күммэр остуолбар биир ырыаһыт киһилэнэр буолбуппун, һэ-һэ-һэ!
.....
