Реклама. ООО «ЛитРес», ИНН: 7719571260.
Күөх баттах
Куочайга
Кусчуттар (Бастакы түгэн)
Кусчуттар (Иккис түгэн)
Нормалек
Суордар
Улахан Хомустаахха
Хоту Дьааҥыга кустуу
Күөх Боллох дьүүлэ
Куобахтыы сылдьан
Кармен
Дьикти булт
Бастакы саа
Байанайдаах «түүл»
Юдомаҕа
Тыатааҕыны куттаабыт
Ньөөкүйэҕэ
Таба ытыытыгар
Ньээм
Тимирбит тайах
«Кротов»
Сүүнэҕэ быһылаан
Түһэриллибэтэх түгэн
Бүтэһик ботуруон
Үтэһэлээх кус
Буор Ууга
Арҕахха
Орто Халымаҕа
Анаҕастаахтар аартыктарыгар
Дружок
Анупа
Саас Кураанахха
Курдаттыы таайыы
Сэрэбиэйдэһии
Чукоткаҕа
Булт үллэһигэ
Айылҕа абылаҥа
Күһүн, кус оҕото көппүт кэмэ. Оскуоланы бүтэрээт, дойдубар тахсан сопхуоска оттуу сылдьабын. От мөлтөх буолан, биһиги звенобутун Ньурба аттыгар Куочайга лэбин оҕустара ыыттылар. Урут бу сыһыы олус улахан күөллээҕэ. Арыы өттө айан суолугар анньан турара, арҕаа баһа хара маһыттан уулааҕа. Ону, ходуһа сирэ оҥороору, сопхуостар түһэрбиттэрэ. Өссө урут киһи кута-сүрэ тохтуур, ырыаҕа-тойукка ылланар бурдук, оҕуруот аһа дэлэйдик үүнэр бааһыналардаах, киэҥ нэлэмэн хонуулаах, чугаһынааҕы дэриэбинэ оҕолоро кэлэн үөрэнэр оскуолалаах, арҕаа өттүгэр Аммосовка, Кэлтэгэй арыы аттыгар Александровка диэн дэриэбинэлэрдээх эбит. Билигин онно туох да суох. Ууну киллэрэн-таһааран арай өлгөм оту оттууллар дииллэр. Бу сиргэ Саха АССР Үрдүкү Сэбиэтин президиумун бэрэссэдээтэлэ А.Я. Овчинникова төрөөбүтүнэн биһиги, ньурбалар, киэн туттабыт.
Ууну түһэрбиттэрин кэннэ, бастакы сылларга Куочай бадараанынан көрөн сыппыта. От оннугар лэбин күүскэ үүммүтэ. Кус кэмэ буолан, бары саалаахпыт. Ходуһаҕа киирдэхпитинэ, кус, хаас кэлиэ диэн, саабытын сүгэ сылдьабыт.
.....
– Ася, сөпкө да сэрэйбит эбиккин, оруобуна эн эппитиҥ курдук буолан таҕыста. Биир күөл баһыгар тиийэн турбахтыы түһэн баран төнүннүбүт, – диэн дьоммун күллэртээтим.
Кусчуттар эрэйдээхтэр туохха-туохха түбэспэтэхтэрэ, тугу-тугу истибэтэхтэрэ баарай. Дьэ эрэй диэтэҕиҥ.
.....