ჭეშმარიტების ძიებაში

ეს წიგნი ეძღვნება არა მხოლოდ ადამიანებს … ჩემმა ცხოვრებამ მიბიძგა, რომ დამეწყო შეუცნობლის შეცნობა, რათა ეს საგულდაგულოდ დაფარული ცოდნა გამომეყენებინა გარე სამყაროს სასარგებლოდ. ყველაზე მეტად იმის მეშინია, ისე გავლიო ჩემთვის მოცემული სიცოცხლის დრო, რომ გვიან გავაცნობიერო, _ მე შემეძლო გამეკეთებინა რაიმე კარგი თქვენთვის, მაგრამ რაღაც მიზეზთა გამო არ გავაკეთე და ამიტომ ჩემი საკუთარი დღიურის გამოქვეყნებით მე გავბედე გაგიზიარო ჩემი ჭეშმარიტების ძიების თავგადასავლები. ჩვენი გამოცდილების, გრძნობების, შთაგონების, შეცდომების და სხვადასხვა რთული სიტუაციიდან გამოსვლის ჩვენეული მეთოდების გაზიარებით, ჩვენ დავაჩქარებთ კაცობრიობის განვითარებას, ასევე გადავარჩენთ სხვებს გამოუსწორებელი შეცდომებისა და მათი შედეგებისგან. მე დარწმუნებული ვარ, რომ დავიბადე, რათა რამე სასარგებლო გავაკეთო თქვენთვის, _ სხვა აზრს ვერ ვხედავ ჩემს არსებობაში.