Qadın taleyi

Отрывок из книги

Hər bir qadının həyatı, sətirləri göz yaşlarıyla, gülüşlərlə, susqunluqla yazılmış bir romandır. Bəziləri həyatını komediya sanır, bəziləri taleyini bir faciə kimi görür.

Mənim hekayəm isə… nəfəs dolu, sükut içində qışqıran, yağışlı yollarla, qarlı axşamlarla, günəşli səhərlərlə dolu uzun bir yürüşdür. Hər səhifəsi bir fəsil, hər cümləsi bir qaranlıq və ya işıqlı küçədir.

.....

Səhəri gün çıxıb getdim. Heç kimin üzünə baxmadım. Geri dönmək fikrim yox idi. Ardımca nə bir səs gəldi, nə bir əl toxundu, nə də bir dua yola çıxdı. Arxada buraxdım – uşaqlığımı, arzularımı, cavabsız qalan suallarımı və açılmamış səhifələri.

Dekabr ayının ortaları idi. Hava kəsici dərəcədə soyuqdu. Amma mənim içimdəki qərar – soyuqdan da sərt idi. Bir neçə yüngül geyim, kiçik bir çanta – və qatara mindim. Tək idim. Amma təkliyim yük deyildi. Çünki o qatarda mənimlə birlikdə sarsılmış inamım, dərin susqunluğum və sözə çevrilməyən qorxularım da vardı.

.....