Буранлы төндә

Оглавление

Лирон Хамидуллин. Буранлы төндә

ХИКӘЯЛӘР, ПОВЕСТЬЛАР

БУРАНЛЫ ТӨНДӘ

ЯШЬ ТИРӘК

КЫШ ҮТКӘН ЮЛДАН

КИЧКЕ ШӘФӘКЪ

ЯРЛАР ҺАМАН ИШЕЛӘ…

УРАК ӨСТЕНДӘ

ОЧАР КОШЛАР ШАҺИТ

ӘХМӘТ НИГӘ ЕЛАДЫ?

ОФЫКТАГЫ РӘШӘЛӘР

ӘЙ ГАРМУН, ГАРМУН…

ОЧЕРКЛАР

«КИТАП» ШИРКӘТЕ ҺӘМ ТУКАЙ

МИЛЛӘТЕБЕЗ БАЙРАГЫНА ТИҢ БАСМА

БЕРЛӘШЕП ЯШӘҮ ЕЛЛАРЫ

ЕРАК ЮЛ, ЯКЫН ТАРИХ

ИКЕ ХАЛЫКНЫҢ БЫЛБЫЛЫ

ЯКЫН КАРДӘШЛЕК ЭЗЛӘРЕ

ЧИТ ҖИРЛӘРДӘН КАЙТТЫ

«ХӨСӘЕНИЯ» МӘДРӘСӘСЕ»3

БЕРЕНЧЕ БАТЫРЛАР

ИСЕМЕ ҖЫРДА САКЛАНА

ҺӘР АВЫЛНЫҢ ҮЗ ЯЗМЫШЫ

ИГАНӘЧЕ ХӨСӘЕНОВ БАЙЛАРНЫҢ ВАРИСЛАРЫ

ХӨСӘЕНОВЛАРНЫҢ КЫЗЛАР МӘКТӘПЛӘРЕ

ЯКТЫ КӨННӘР КИЛЕРЕН КӨТТЕ

МИЛЛӘТЕМ ДИП ЯНЫП ЯШӘДЕ

ТУКАЙНЫҢ ОСТАЗЫ ҺӘМ ОСТА МАТБАГАЧЫ

ТУКАЙНЫҢ СӨЕКЛЕ АПАЛАРЫ

БОРЫНГЫ ТӨРКИЛӘР ҺӘМ БЕЗ

Отрывок из книги

Кыш айларына кереп, кар-бураннар башлану белән, Текә Яр разъезды урнашкан тарлавык тагын да тараеп калгандай булды. Разъездны төрле яклап ил-дөньядан аерып, томалап торган берсеннән-берсе биегрәк кыя таулар, хәзер яу-дошман гаскәрен хәтерләтеп, Зәкәрияләрне һаман саен кысрыклый, кыса барган кебек иде. Чөнки тын, аяз көндә дә ул таулардан берөзлексез кар явып, кар очып тора. Әйтерсең лә, бик зур иләген тотып, кемдер шул кыя башларына менеп баса да көн-төн алар өстенә кар или. Бу кадәр явым-төшемнән инде разъезд юллары, тәмам кысылып, тар чокыр эчендә калган кебек булдылар. Юл буендагы казарма-корылмалар, тәбәнәк ялгыз өйләр кар астында калдылар диярлек. Сыек төтен бөркеп торган ялгыз морҗалар гына караеп күренәләр.

Текә Яр бүлекчәсе бригадиры Зәкәрия өчен әллә ничегрәк, көтелмәгәнчәрәк килде бу кыш. Юл эшенең бигрәк тә шушы айларда авыр буласын ул әзме-күпме чамалый иде чамалавын, әмма болай ук йончытасын, ыжгыр җиле, бетмәс-төкәнмәс кар-бураннары белән бу кадәр теңкәгә тиячәген белеп үк бетермәгән, күрәсең. Хәер, уку дәверендә үтелгән бер-ике айлык практика вакытында гына ниләр күреп тә, ниләрне белеп бетерәсең соң? Нәрсә дисәң дә, ул вакытта бөтен җаваплылык әле барыбер башкалар өстендә булган, ә практикант Зәкәрия алар ышыгында торып кына бригадирлык иткән икән шул. Ә хәзер аның җилкәсендә сигез километрлы юл өчен җаваплылык бөтен авырлыгы белән басып тора. Түзсәң түз, түзмәсәң әнә, оятыңны җилкәңә атландырып, моннан чыгып качасың гына кала.

.....

– Базар көн үткәч, бригадага эшкә чыгарсың, документларыңны аннан соң җайларбыз,– диде.

Шулай итеп, Һарун абзый күп еллар элек Оркыяның язмышын, бөтен киләчәген хәл иткән кеше иде. Шуннан соң инде күпме гомерләр үткән. Теге вакытта шулкадәр дәрәҗәле кеше алдында басып торган Оркыя да, аңа ярдәм кулы сузган мәрхәмәтле Һарун да бүгенгә чаклы бу хәлгә үкенмиләр иде. Әле бервакытта да аларга бер-берсен битәрләшергә туры килмәде. Оркыя да эштә үзен сынатмаска тырышты, ни йомыш кушсалар да карышмады, киреләнми-сүрелми, әнә әле булса эшли ич. Йорты, тормышы бик үк рәтле-башлы була алмаган өчен инде, ул шулпаның шулпасы гына туган тиешле кешеләрне һич тә гаепле санамый иде. Киресенчә, гомере буена аларны үзенә терәк дип хис итте. Әле дә ул хис аның йөрәк түрендә иде.

.....