У чацвёртай кнізе цыкла Людмілы Рублеўскай пра прыгоды шляхцюка Пранціша Вырвіча і полацкага доктара Баўтрамея Лёдніка, дзеянні спачатку пераносяцца ў Францыю, а затым вяртаюцца ў Беларусь. Героі зноў апынуцца ў сітуацыях, з якіх, здаецца, няма выйсця – будуць шукаць спосаб выжыць ў падводнай лодцы, выратоўваць на судзе Саламею Лёднік, біцца з Германам Ватманам, працаваць як двайныя агенты і на канфэдратаў, і на караля. Акрамя гэтага, зноў сваю ролю сыграе карона святога Альфрэда. І, галоўнае, нарэшце Пранціш Вырвіч стане шчаслівым!
Оглавление
Людміла Рублеўская. Прыгоды Пранціша Вырвіча, здрадніка і канфэдэрата
Пралог
Раздзел першы. Як чорны доктар прагрэсіўных медыкусаў абедам карміў
Раздзел другі. Як Баўтрамей Лёднік на востраў Ява з’ехаў
Раздзел трэці. Пастка для Чорнага Доктара
Раздзел чацвёрты. Як Пранціш сарацынам зрабіўся
Раздзел пяты. Як Пранціш Лёдніка з-за двух акіянаў вярнуў
Раздзел шосты. Як Лёднік у партрэтысты падаўся
Раздзел сёмы. Апошняя сустрэча з егіпецкай прынцэсай
Раздзел восьмы. Як Пранціш і Лёднік вадзянога змея лавілі
Раздзел дзявяты. Пачвары тураўскіх сутарэнняў
Раздзел дзясяты. Тое-сёе пра вар’яцтвы Гіменея
Раздзел адзінаццаты. Двубоі Чорнага Доктара
Раздзел дванаццаты. Як Пранціш Вырвіч адвакатам стаў
Раздзел трынаццаты. Доктар Лёднік, меч князя Глеба і Божы суд
Отрывок из книги
Мора ля прычалу смярдзела, як быццам русалкі пераквасілі капусту. Марскую, вядома.
Крываносыя чаіцы брыдка лаяліся хрыпатымі галасамі, забыўшыся, што калісьці карміліся з рук ангельскага святога Баўтрамея і вядуць свой род ад грэцкага князя Кеіка, ператворанага ў птушку. За што ператворанага? А не трэба было параўноўваць сябе са старым раўніўцам Зеўсам, а сваю жоначку – з фанабэрыстай Герай.
.....
– Ну чаму зноў “чорны доктар”, а, Бутрым? Здаецца, тут не Вільня, не Полацак і не Слуцак, а мянушкі ў цябе ўзнікаюць падазрона падобныя.
Дзюбаносы доктар, які дамогся, каб Сафійка ўтульна ўселася яму на калені, фыркнуў, як пракудлівы шкаляр на апошняй лаве, і прабуркатаў:
