Читать книгу Нағашыларға - Мағжан Жұмабаев - Страница 1

Бір себеппен келіп қалдым бұл жаққа,

Дәм жазбады, бара алмадым ол жаққа.

Көрмесем де, көп кішілік сәлемім

Нағашымыз Махаң менен Қожаққа.

Аралап ем шығыс, батыс арасын,

Ертіс, Еділ, Сырдария даласын.

Дәм жазбады бүгінгі күн көруге

Ел-жұртымыз Баян – Шақа баласын.

Сол Шақада қажы Жүсіп дер еді,

Жақып пенен Өсіп те бар деп еді.

Ұл боп туып, тартып мінген ат жалын

Орда иесі Хасен де бар деп еді.

Жиеніңіз қажы Жұмабай әкем де,