Реклама. ООО «ЛитРес», ИНН: 7719571260.
Алаас иччитэ
Хара уоспа абааһыта
Сибиэн
Абааһылар
Чөчүөккэ
Кустуу сылдьан
Ынахтан – саҥарар оҕо
Сэттээх-сэмэлээх буолара чахчы
Бэриэтчит
Иччитэх өтөххө
Утуппатах
Дьукаах
Дьааһык киэһэ
Сылгыһыт Хабыыча
Быһаҕынан аспыт
Этэрбэскэ лэппиэскэни
Ньааньыска уйата
Ымыылаах ыт
Куоппут
Уһун олохпор көрбүтүм
Оҕо хаһыыта
Булан баран арахсыбат абааһы
Ыт абааһы
Дэриэтинньик хотоҥҥо сүөһүнү босхо ыытара
Куттаҕаһа суохтар тустарынан
Былыргы Уҥкучах ыалын мэник оҕотун кэпсээнэ
Дьикти сибиэн
Аҕам кэпсээнэ
Удаҕаттар, ойууттар
Кыһыах Кыыһа
Удаҕан
Дахха ойуун
Ойуун уҥуоҕар
Бөлүһүөк эмээхсин хомуһуна
Удаҕан кыыс харчыта
Хосхойор ойуун
Миигин ойуун үтүөрдүбүтэ
Дьикти ыалдьыт
Массыынаҕа олорор дьахтар
Киһи ынчыга
Кыыс илиитэ
Эмээхсин хайдах төттөрү тиллибитэ
Күөл иччитэ
Си буолуохтааҕар сибиэн туһунан
Тиис суола
Буолбут түбэлтэлэр
Сэлээппэлээх киһи
Суор
Эрэйдэнним даҕаны
Айманыма, аймаама
Дууһа соро-муҥа тиийэр
Сидьиҥ Босхоҥ уола
Талкы хайатын хаһаайына
Ыйдаҥалаах киэһэ
Тирии таҥастаах оҕонньор
Мас кыылын алдьархайа
Тураахтар мунньахтара
Аҕата сүгүннээбэтэх
Хара буруо
Киһи сирэйдээх көтөр
Саҥаһым өлбүтүн кэннэ
Дьикти ыалдьыт
Абааһы мунньаҕа
«Таатта Чөркөөҕүттэн чугас баар Буор Булгунньах диэн алааска үс балаҕанынан, биир ампаар дьиэҕэ олорор ыал кыстыктарыттан сайылыкка тахсыбыттарын сахсаана ааспыт, үөрүүтэ, малааһына оҕо-аймаҕы уйгуурдубут күннэрэ умнулла быһыытыйан барбыт кэмэ этэ. Киэһээҥҥи чэй кэнниттэн ынаҕы хомуйуу, ыам чугаһаан эрэрэ. Титииктэр олбуордарын иһигэр түптэ буруота унаарыйан, чуумпу халлаан диэки тардыстан өрө субуллар.
Оннук нуһараҥ киэһэҕэ тэҥкэ тыатын үрдүнэн икки атахтаах кулгааҕын таһынан киирэр ыһыы-хаһыы дуорайда. Эмиэ да сарылыыр, часкыйар. Ынах маҥырыырыгар, атыыр оҕус айаатаан мөҥүрүүрүгэр, атыыр сылгы имэҥнээхтик кистээн дьырылатарыгар ханан да маарыннаабат. Куолаһа чиҥэ-чаҥа, дуораана сүр үлүгэрэ. Айыы сирин дьонуттан адьас атын адьарай бадахтаах.
.....
Утуйан эрдэхпитинэ эмиэ кэлэр сиринэн, суол аанынан, тыаһаан барда. Идэбинэн, соҕотох буолуом диэн куттанан, суорҕаммын бүрүннүм, онтон уолаттар утуйа иликтэрин билэн, үөһэ тыынным. Үһүөн бииргэ эрэйи көрөр чэпчэки курдук эбит этэ. Тыаһаан-ууһаан, тытыгыраан-татыгыраан дьиэни эргийэ аймаан баран, оһох кэннигэр тиийэн тимири тимиргэ аалар, киһи тииһин кыйар курдук тыаһы таһаарар буолла. Кылыгыраан-халыгыраан, хатан тыаһы таһаара сырытта. Бу уруккутааҕар саҥа тыас этэ. Тыаһаан-ууһаан барарыттан биһиги куттаммат буола үөрэммиппит эрээри, утуйан биэрбэт этибит. Ону-маны кэпсэтэн ыларбыт. Ол сыттахпытына, тыас түп гына түстэ да, Тимофей: «Айа, киһини тоҕо охсоҕун?» – диэн саҥаран хабылла түстэ.
– Суох, мин охсубатым, абааһы оҕуста дии, – диэн хардарда Сергей.
.....