Реклама. ООО «ЛитРес», ИНН: 7719571260.
Молитвы о покровительстве семейного очага
Молитва Пресвятой Богородице о благополучии в семье
Молитва святой блаженной Ксении Петербургской о всякой семейной и бытовой нужде
Молитва Богородице пред иконою «Неопалимая купина» о семейном благополучии
Молитва мученице Параскеве Пятнице о покровительстве семейного очага
Молитвы Ангелу Хранителю
Молитва всем святым и бесплотным Небесным Силам
Молитва мученику Трифону
Молитвы о даровании младенца и о благополучном разрешении беременных
Молитвенное воздыхание христианской супруги во время беременности (чтобы благополучно разрешиться)
Молитвенное обращение к праведным Захарии и Елисавете, родителям святого Иоанна Предтечи
Молитвенное обращение к великомученице Анастасии Узорешительнице
Молитвенное обращение к великомученице Екатерине
Молитвы в трудных родах
Молитвенное обращение к Божией Матери пред иконою Ея «Феодоровская»
Молитвы о детях ежедневные. Утренние молитвы о чадах
Материнская молитва за чадо свое
Молитвенное воздыхание матери о чадах своих
Молитва ко святому Ангелу Хранителю
Молитвы в продолжение дня
Ежедневная молитва о чадах
Молитва матери
Молитва о детях преподобного Амвросия Оптинского
Молитвенное возношение родителей за детей своих
Божией Матери пред иконою Ея «Взыскание погибших»
Божией Матери пред иконою Ея «Нечаянная Радость»
Молитва Божией Матери пред иконою Ея «Скоропослушница»
Великомученице Варваре
Молитвы о младенце неспящем
Семи отрокам, иже во Ефесе: Максимилиану, Иамвлиху, Мартиниану, Иоанну, Дионисию, Ексакустодиану (Константину), Антонину
Ангелу Хранителю (своему или младенца)
Молитвы о болящих детях
Святому великомученику и целителю Пантелеимону
Молитвы о развитии ума у детей и просвещении разума к учению
Молитва о плохо обучающемся отроке
Молитва преподобному Сергию Радонежскому
Святому праведному Иоанну Кронштадтскому
Молитвы об успехах в учебе
Преподобному Сергию, игумену Радонежскому, чудотворцу
Молитвенное обращение к святому праведному Иоанну Кронштадтскому
Молитвенное обращение к святым равноапостольным Кириллу и Мефодию, первоучителям Словенским
Молитвы о работе и занятии для детей
Святителю Митрофану, в схиме Макарию, Воронежскому
Молитвы, когда от детей нет известий
Преподобным Ксенофонту и супруге его Марии
Молитвы о путешествующих
Молитвенное обращение к Божией Матери пред иконою Ея «Смоленская», именуемой «Одигитрия»
Молитвенное обращение к святому праведному Иосифу Обручнику
Заупокойные молитвы
Молитва родителей за детей
Молитва детей за родителей
Владычице Преблагословенная, возьми под Свой покров семью мою. Всели в сердца супруга моего и чад наших мир, любовь и непрекословие всему доброму; не допусти никого из семьи моей до разлуки и тяжкаго расставания, до преждевременныя и внезапныя смерти без покаяния. А дом наш и всех нас, живущих в нем, сохрани от огненнаго запаления, воровскаго нападения, всякаго злаго обстояния, разнаго страхования и диавольскаго наваждения. Да и мы купно и раздельно, явно и сокровенно будем прославлять имя Твое Святое всегда, ныне и присно и во веки веков. Аминь. Пресвятая Богородице, спаси нас!
О святая блаженная мати Ксение! Под кровом Всевышнего жившая, ведомая и укрепляемая Богоматерью, глад и жажду, хлад и зной, поношения и гонения претерпевшая, дар прозорливости и чудотворения от Бога получившая и под сению Всемогущаго упокоившаяся, днесь же, от славнаго тысящелетия Крещения Руси, Церковь Русская прославляет тя, яко благоуханный цвет. Предстояще на месте твоего погребения, пред образом твоим святым, яко живей ти сущей с нами, молимся ти: приими прошения наша и принеси их ко Престолу Милосерднаго Отца Небеснаго, яко дерзновение к Нему имущая; испроси притекающим к тебе вечное спасение, на благая дела и начинания наша щедрое благословение, от всяких бед и скорбей избавление. Предстани святыми твоими молитвами пред Всемилостивым Спасителем нашим о нас, недостойных и грешных. Помози, святая блаженная мати Ксение, младенцы светом Святаго Крещения озарити и печатию дара Духа Святаго запечатлети, юныя в вере, честности, богобоязненности и целомудрии воспитати и успехи в учении им стяжати. Болящия и недугующия исцели, супругом любовь и согласие низпосли, монашествующим подвигом добрым подвизатися помози и от поношения огради, пастыри в крепости духа утверди, Церковь и страну нашу сохрани и всех боголюбивых чад в предсмертный час причащения Святых Христовых Таин сподоби, ты бо еси наше скорое услышание и избавление, тебе благодарение возсылаем и с тобою славим Отца и Сына и Святаго Духа, ныне и присно и во веки веков. Аминь.
.....
Премудрая и всехвальная Христова мученице Параскево, мужескую крепость приемши, женскую же немощь отвергши, диавола победи и мучителя посрами, вопиющи и глаголющи: приидите, тело мое мечом иссецыте и огнем сожгите, аз бо радующися иду ко Христу, жениху моему. Тоя молитвами, Христе Боже, спаси души наша.
Святая невесто Христова, многострадальная мученице Параскево! Вемы, яко от юности твоея ты всею душею твоею и всем сердцем твоим возлюбила еси Царя славы, Христа Спасителя, и Ему единому уневестилася еси, раздавши имения твоя неимущим и бедным. Ты силою благочестия твоего, твоим целомудрием и праведностию, яко лучами солнечными, просияла еси, живши свято среди неверных и безбоязненно проповедавши им Христа Бога. Ты, от дней юности твоей, наученная твоими родителями, всегда благоговейно чествовала дни искупительных страстей Господа нашего Иисуса Христа, Егоже ради и сама добровольно пострадала еси. Ты, десницею Ангела Божия от неисцельных ран дивно исцеленная и восприявшая неизреченную светлость, изумила еси неверных мучителей. Ты именем Господа нашего Иисуса Христа и силою молитвы твоея в капище языческом всех идолов долу повергши, в прах сокрушила еси я. Ты, опаляемая свещами, единою молитвою твоею ко Всесильному Господу угасила еси огнь естественный, и темже пламенем, чудесне возженным чрез Ангела Божия, попаливши неистовых беззаконников, мног народ привела еси к познанию Истиннаго Бога. Ты, во славу Господа приявши мечное главы твоея усечение от мучителей, доблественно скончала еси страдальческий твой подвиг, восшедши душею твоею на небеса в чертог вожделеннаго твоего Жениха Христа, Царя славы, радостно сретшаго тя сим небесным гласом: «Радуйтеся, праведнии, яко мученица Параскева увенчася!» Темже и мы, днесь сошедшеся в храм, посвященный имени твоему святому, приветствуем тя, многострадальная, и взирающе на святую твою икону, со умилением вопием ти, всечестная Параскево: вемы, яко велие имаши дерзновение ко Господу, умоли убо Его, Человеколюбца, и о нас, предстоящих и молящихся ти, да подаст Он и нам, якоже тебе, терпение и благодушие в бедах и скорбных обстояниих, да дарует Он, ходатайством твоим и заступлением, радостное, благоденственное и мирное житие, здравие и спасение и во всем благое поспешение всем православным христианом. Отечеству же нашему да низпослет святое Свое благословение и мир, и всем нам да подаст твоими святыми молитвами утверждение в вере, благочестии и святости, преспеяние же в христианской любви и всякой добродетели, да очистит нас грешных от всякия скверны и порока, да оградит нас святыми Своими Ангелами, да заступит, сохранит и помилует всех святою Своею благодатию и соделает наследниками и причастниками Небеснаго Своего Царствия. И тако улучивше спасение твоими святыми молитвами, предстательством и заступлением, всеславная невесто Христова Параскево, прославим вси Пресвятое и Великолепое имя дивнаго во святых Своих истиннаго Бога, Отца и Сына и Святаго Духа, всегда, ныне и присно и во веки веков. Аминь.
.....