La terrible et merveilleuse vie de Robert le Diable

Оглавление

Unknown. La terrible et merveilleuse vie de Robert le Diable

¶ Cy commence la terrible & merveilleuse vie de Robert le diable / lequel aprés fust nommé l'homme Dieu

¶ La declaration du nom de Robert le diable

¶ Comme aprés que le Duc de Normandie eut espousé la fille du duc de Bourgongne l'emmena triumphamment a rouen

¶ Comme le Duc en venant de l'esbat se complaignoit a la duchesse de ce qu'ilz ne pouoient avoir enfant

¶ Comme Robert le diable fut engendré. Et comme sa mere le donna au diable a son concepvement

¶ Comme robert le diable fut né et de la grand douleur que sa mere eut a l'enfantement

¶ Des terribles signes qui furent ouys et veuz au naissement de Robert le diable

¶ Comme les enfans tous d'un commun accord le nommerent Robert le diable

¶ Comme Robert le diable tua son maistre

¶ Comme Robert le diable fut fait chevalier

¶ Comme Robert s'en alla au pays de Normandie robant & pillant tout le pays / forçant et destruisant femmes et violant pauvres filles pucelles

¶ Comme le duc de Normandie envoya gens pour prendre son filz Robert: ausquelz Robert creva les yeulx

¶ Comme le Duc de Normandie fist faire un commandement par tout son pays que robert fust prins et mis en prison luy et ses compagnons

¶ Comme robert le diable fist faire une maison en un grand boys tenebreux et obscur & la fist des maulx sans nombre

¶ Comme Robert le diable tua sept hermites qu'il rencontra dedans le boys

¶ Comme Robert le diable s'en alla au chasteau D'arques devers sa mere la Duchesse: laquelle estoit la venue disner

¶ Comme la Duchesse mere de Robert luy requist que il luy coupast la teste / & puis luy compta comme elle l'avoit donné au diable

¶ Comme Robert print congé de sa mere: laquelle demena grand dueil de sa departie

¶ Comme Robert assomma tous ses compagnons

¶ Comme Robert envoya la clef de sa maison a son pere le duc de Normandie

¶ Comme robert s'en alla a Rome pour avoir de ses pechez pardon

¶ Comme Robert vint a Rome

¶ Comme le Pape envoya Robert a trois lieues de Rome vers un sainct Hermite pour avoir penitence de ses pechez

¶ Comme l'ange de dieu annonça a l'hermite la penitence qu'il devoit enjoindre & donner a robert pour le salut de son ame

¶ Comme Robert print congé de L'hermite: & s'en retourna a Rome faire sa penitence

¶ Comme Robert fist baiser le cul de son chien a un juif lequel disnoit avec L'empereur

¶ Comme le seneschal de L'empereur assembla grand nombre de sarrazins pour faire guerre a L'empereur pour ce qu'il ne luy vouloit donner sa fille en mariage

¶ Comme dieu envoya par son bon ange a robert un cheval blanc et armes blanches: et luy commanda qu'il allast secourir l'empereur et les Romains

¶ Comme aprés que Robert eut desconfit les sarrazins il s'en retourna a la fontaine dessusdicte

¶ Comme robert gaigna la tierce bataille / a laquelle furent mis a mort tous les sarrazins

¶ Comme l'un des chevaliers de L'empereur mist le fer de sa lance en la cuysse de Robert

¶ Comme le seneschal se mist un fer de lance en la cuisse pour cuider avoir la fille de l'empereur

¶ Comme L'ange vint annoncer a L'hermite que la penitence de Robert estoit accomplie et qu'il allast a Rome le chercher

¶ Comme la Fille de L'empereur par la grace de dieu commença a parler

¶ Comme l'hermite trouva Robert auquel il commanda qu'il parlast & que la penitence estoit acomplie

¶ Comme par le commandement de Dieu Robert retourna a Rome pour espouser la fille de l'empereur

¶ Comme Robert avec sa femme arriverent a Rouen a grand honneur

¶ Comme un messager arriva devant le noble duc robert lequel luy dit que L'empereur luy mandoit qu'il l'allast secourir a l'encontre du Seneschal

¶ Comme aprés que le duc Robert eut fait escorcher le seneschal il s'en retourna a Rouen en Normandie

Отрывок из книги

Il est vray qu'en la cité de rouen au pays de normandie nasquit un enfant lequel fut nommé Robert le diable: qui est un nom fort terrible & espouentable: mais la cause pourquoy il fut ainsi nommé je la vous vueil declarer. En celuy temps y avoit un noble duc en Normandie: vaillant / sage & chevaleureux doux & aussi courtoys a merveilles: lequel craignoit & aymoit dieu de bon cueur: & si faisoit faire bonne & droicte justice a un chascun: hardy: Preux / puissant & plaisant a Dieu & au monde / lequel Duc estoit appellé Hubert de ses beaulx faitz & vaillances en plusieurs cronicques anciennes est faicte mention. Tant avoit de biens & de vertu en luy que a les racompter seroit chose trop longue & quasi impossible. Or advint que un jour de Noel celuy Duc tint court ouverte a Vernon sur seine: a laquelle vindrent tous les nobles Barons & chevaliers de la duché de normandie. Et pource que le duc Hubert n'estoit point encores marié les nobles barons du pays qui la estoient luy prierent que ce fut son plaisir de se marier a fin qu'il augmentast sa lignee: & aussi qu'il eust successeur aprés luy. Ausquelz barons le duc voulant obtemperer a leurs prieres respondit & dit que ce qu'il leur plaisoit il feroit mais tant y a qu'il ne pouoit trouver femme ce que a luy apartient car de prendre femme de plus hault lieu que je ne suis a moy n'apartient & aussi de moy abaisser je feroye honte a tout mon lignage / parquoy me semble soubz vostre correction qu'il vault mieulx demourer ainsi que faire chose que a moy n'apartienne / de laquelle chose me porrois repentir lesquelles choses ouyes par les barons qui la estoient le plus ancien se leva & dist. Seigneur Duc vous avez parlé sagement: mais se vous me voulez croire je vous diray chose dont serez joyeux. Parlez dit le Duc. Sire dit le baron: le Duc de Bourgongne a une belle fille: sage / honneste & benigne: qui est chose informee a vostre estat & au moyen de ce pourrez acroistre vostre honneur & puissance: & si aurez alliance a plusieurs haulx & puissans hommes se vostre plaisir estoit de la faire demander: je suis seur que vous l'auriez voluntiers & ne vous la reffusera len point. Adonc respondit le duc que cela luy plaisoit bien & que c'estoit sagement parlé au baron. Adonc sans plus attendre le duc fist demander la damoyselle / laquelle par le duc de Bourgongne son pere luy fut octroyee / & furent faictes les nopces triumphantes.

Le Duc & la duchesse vesquirent long temps ensemble / sans pouoir engendrer enfant jusques a dixsept ans par leur faulte / pour ce qu'il ne plaisoit pas a dieu estre fait car aucunesfois c'est grand profit a L'homme et a la femme / de non avoir enfant. Et seroit plus profitable aux peres et aux meres / de n'avoir jamais engendrez ne conceu: que par faulte de doctrine et enseignement de Parens enfans estre damnez. Pourquoy je dy que L'homme ne doibt demander a Dieu sinon ce qu'il luy plaist & qui est necessaire au proffit de l'ame. Comme le Duc et la Duchesse feussent gens devotz craignans et aymans Dieu: souventesfoys en oraison confessez et repentans de leurs pechez: grands ausmoniers et faisant grand secours a pauvres gens / doulx humains & begnins au monde & tant misericordieux & tant charitables aux pauvres: que c'estoit chose merveilleuse / tant que tous biens et toutes vertus en eulx habonderent Quand il advenoit que le Duc vouloit habiter avec la duchesse sa femme / il faisoit priere a Dieu: qu'il luy pleust donner & envoyer lignee & enfans: par lesquelz Dieu peust estre servy & honnoré / & aussi pour prendre plaisir & soulas. Mais pour oraison ne pour prieres que ilz sceussent faire ne pouoient avoir nulz enfans.

.....

Le Duc & la duchesse vesquirent long temps ensemble / sans pouoir engendrer enfant jusques a dixsept ans par leur faulte / pour ce qu'il ne plaisoit pas a dieu estre fait car aucunesfois c'est grand profit a L'homme et a la femme / de non avoir enfant. Et seroit plus profitable aux peres et aux meres / de n'avoir jamais engendrez ne conceu: que par faulte de doctrine et enseignement de Parens enfans estre damnez. Pourquoy je dy que L'homme ne doibt demander a Dieu sinon ce qu'il luy plaist & qui est necessaire au proffit de l'ame. Comme le Duc et la Duchesse feussent gens devotz craignans et aymans Dieu: souventesfoys en oraison confessez et repentans de leurs pechez: grands ausmoniers et faisant grand secours a pauvres gens / doulx humains & begnins au monde & tant misericordieux & tant charitables aux pauvres: que c'estoit chose merveilleuse / tant que tous biens et toutes vertus en eulx habonderent Quand il advenoit que le Duc vouloit habiter avec la duchesse sa femme / il faisoit priere a Dieu: qu'il luy pleust donner & envoyer lignee & enfans: par lesquelz Dieu peust estre servy & honnoré / & aussi pour prendre plaisir & soulas. Mais pour oraison ne pour prieres que ilz sceussent faire ne pouoient avoir nulz enfans.

Безопасно оплатить книгу можно банковской картой Visa, MasterCard, Maestro, со счета мобильного телефона, с платежного терминала, в салоне МТС или Связной, через PayPal, WebMoney, Яндекс.Деньги, QIWI Кошелек, бонусными картами или другим удобным Вам способом.

.....