In hierdie lank verwagte vierde bundel kortverhale word vistas met diere telkens geplaas teenoor ’n komplekse emosionele landskap: in die kamer van ’n meisie wat wag op die terugkoms van haar pa hang die reuk van ’n likkewaan; ’n emosioneel verguisde man hurk met sy rewolwer by ’n hond in die pad. Figure doem op uit herkenbare sosiale en politieke landskappe sodat ’n beeld van die Suid-Afrikaanse samelewing gevorm word, maar deurentyd met die skrywer se vingers op die polsslag van gevoel.
Оглавление
Welma Odendaal. Landskap met diere
Landskap met diere
1961
Mister Universe
Vreemdeling
Slagoffer
Johannes gaan huis toe
Landskap met diere
Connie vermoed verraad
Goodwood
Uithaal en wys
Mooinooi
Wag ’n bietjie
Bosvarke
Sportdag
Noot vir noot
Отрывок из книги
Welma Odendaal
En erkenning aan al die wonderlike vriende
.....
Sy het agter die klippe probeer induik en op haar maag weggeseil, maar die vrouens se harde gelag het haar agternagesit lank nadat sy buite hulle sig was. Saans het sy uitgekyk na die sagte kerslig in hulle kamers en met die gorrelende klanke van hulle geklets en hulle vrolike gelag aan die slaap geraak.
In die somer van 1961 is sy by die nuwe skool ingeskryf. Die skool was groot met tennisbane en hoë bome en die klaskamers was in ’n ou sandsteengebou. Daar was net meisies in haar nuwe skool, en aan die begin het sy haar eenkant gehou. Mettertyd het sy dit al hoe moeiliker gevind om die aansteeklike opgeruimdheid van alles en almal om haar te weerstaan. Sy het al hoe minder aan die buitekringe rondgehang en pouses meer by speletjies en bedrywighede betrokke geraak. Maar smiddae het sy alleen die groot pad voor die skool oorgesteek en deur die parkie na hulle woonstel teen die heuwel gestap. Daar het sy haar eie toebroodjie en tee gemaak en in haar kamer gaan eet terwyl sy oor die oerwoudavonture van Tarzan lees en soms die bedrywighede in die buitekamers van die woonstel langsaan dophou.
