Tweegevreet

Оглавление

Zirk van den Berg. Tweegevreet

I

II

III

IV

V

VI

VII

VIII

IX

Erkennings

Inhoudsopgawe

Отрывок из книги

Kwela Boeke

Miskien is dit die gesig in die spieël, dink hy terwyl hy skeer, en draai om ’n driekwartaansig van sy seepgesmeerde wang te kry, en skraap dit met die skeermes skoon. ’n Sterk kakebeen, gebeitelde gelaatstrekke, hoewel die vlees kwesbaar is vir die lem, met ’n snytjie of twee om dit te bewys. Yl wenkbroue laat hom ietwat weerloos lyk, soos ’n bokser wat al te veel houe in die gesig gekry het. Donkerblonde hare met ’n natuurlike krul; oë so donker dat sy pupille onsigbaar is, behalwe wanneer die son hulle teen ’n sekere hoek tref en die irisse soos mahoniehout gloei; ’n koperkleurige bokbaard en bypassende snor met opgekrulde punte; lenige lyf, ’n aks groter as die gewone. Menige man sou wat wou gee om in sy skoene te staan, maar hy is nie seker hy kan dit met homself uithou nie.

.....

Hoewel daar geen manier is waarop hy van haar fantasieë kan weet nie, voel sy ’n stuwing van verleentheid toe sy die ruiter herken wat padlangs aankom, na haar huis toe. Sy vat haar rok se los voue in haar een hand saam, lig dit ’n ent en loop doelgerig na die huis se kant toe om hom te ontvang. ’n Maer rooi hond kom van die werf af en sluit by haar aan, volg op haar hakke, en dan kom ’n paar ander ook by. Hulle jaag mekaar soos ’n maalkolk om haar voete totdat sy gaan stilstaan omdat sy bang is sy gaan oor hulle struikel.

Die honde maak die perd ook senuagtig, en Stempsky het skynbaar sy hande vol om die dier te beheer. Hy ry die groot geswete dier in ’n kring om haar voordat hy afklim.

.....