»Unter der kleinstn Steppdeckn, kann der größte Depp steckn!« – Gereimte Geschichten über vermeintliche Struwwelpeter in und außerhalb von Franken, fränkische und außerfränkische Kalauer von Werner Rosenzweig in fränkischem Dialekt geschrieben.
Werner Rosenzweig
Der Struwwelpeter
muss a
Franke
gwesn sei
100 Gedichte aus Franken
Engelsdorfer Verlag
Leipzig
2017
Bibliografische Information durch die Deutsche Nationalbibliothek: Die Deutsche Nationalbibliothek verzeichnet diese Publikation in der Deutschen Nationalbibliografie; detaillierte bibliografische Daten sind im
Internet über http://dnb.dnb.de abrufbar.
Lektorat: Barbara Lösel, www.wortvergnügen.de
Copyright (2017) Engelsdorfer Verlag Leipzig
Alle Rechte beim Autor
E-Book-Umsetzung: Zeilenwert GmbH
1. Die Gschicht vom bösn Friederich
2. Die goar trauriche Gschicht mit dem Feierzeich
3. Die Gschicht vo die schwarzn Bubn
4. Die Gschicht vom wildn Jächer
5. Die Gschicht vom Daumalutscher
6. Die Gschicht vom Suppnkasper
7. Die Gschicht vom Zappel-Philipp
8. Die Gschicht vom Hans Guck-in-die-Luft
9. Die Gschicht vom fliegenden Robert
12. Wie der „Aischgründer“ seinen Buckel gricht hat
14. Des Tote Meer licht in Franken
16. Der Biber und der Silberreiher
17. Dorfdialog: Werd scho widder wern
23. Karpfenzeit im Frankenland
25. Dorfdialog: Was an Frangn ausmachd
36. In Nürnberg auf der Kaiserburg
38. A Preiß, a Bayer und zwa fränkische Madli
43. Der Geißbock von Nivenstat
45. Dees Viech im Kreisverkehr
47. Uehlfeld, das Storchendorf
49. Hoppe, hoppe Reiter, der klane Bu, etz speit er
51. Edzerdla, nacherdla, soderla, hobberla
57. Schlaue Sprüch ausm Aischgrund
60. Die Antoniuskapelln aufm Lauberberch
61. Der Osterhos, der Nikolaus und des Christkindla
64. Lied der fränkischen Hausfrauen
78. Kummi heit net, kummi morgn
87. Freiheit süßer Hoffnungsfunken
88. Chinesische Tierkreiszeichen
Der amerikanische Struwwelpeter
92. Die Gschicht vom Donald Dramp
93. Die goar trauriche Gschicht vo der Hillary
94. Die Gschicht vo dem schwarzn Bubn
95. Die Gschicht vom wildn Wahlkampf
96. Die Gschicht vom amerikanischen Senat
97. Die Gschicht vom Steuersünder
98. Die Gschicht vom Lügenbaron
Wenn die Kinner brav sen gwesn,
Dregg wegkehrn mit Mudders Besn,
dann kummt zu der Weihnachtsstund
des Christkind aus gutn Grund.
In der Schull da haßts aufpassn,
Taschngeld net schnell verprassn,
Kokain net schniefn, rauchn,
suwas sollt mer goar net brauchn.
Is mer höflich, glabt an Gott,
bringt des Christkind an iPod.
Der Friederich, der Friederich,
der woar scho a weng widerlich.
Der hat die Katzn so gern quält
und hat des a no rumerzählt.
Sein Wellnsittich hat der killt,
Sacht, is er net a bös Mannsbild?
Hört mer zu, ich muss eich sogn,
er hat sugoar sei Schwester gschlogn.
Am Brunna steht a mordsdrum Hund,
zur Mittagszeit, zur zwölftn Stund.
Da kummt der Friedrich um die Eckn,
in seine Händ an großn Stecken.
Den haut dem Tier er um die Goschn
und scho is des Blut geflossn.
„Wart na, du Berschla, etz gehts rund“,
hat sich drauf denkt der mordsdrum Hund.
Tut schnell no an an Bamm hiepissn
und dann hat er zugebissn.
Ins rechte Baa vom Friederich,
dem gottverdammten Wüterich.
Der hat gschria, der hat gjammert
und sich an den Brunna klammert.
Im Gsicht da woar vor Schmerz er grau,
sei rechtes Baa hat blud wia Sau.
Hat nach an Dokter lauthals brüllt,
der hat ihm seine Wundn gstillt.
Der mordsdrum Hund, der is weggrennt.
Den Wech zum Friedrich-Haus er kennt.
Und als er woar dort eingetroffn,
hat er a Flaschn Schampus gsoffn.
Des woar net gnuch, er fraß sugoar
nua ganze Dosn Kaviar.
Paulinchen sucht nach ihrem Kamm,
ihr Altn, die sen net daham.
Rumgstöbert hats und hat gsucht,
nix hats gfunna, tüchtich gflucht.
A Streichholzschachtl, die hats gfundn,
nach fimbf Minutn und zwa Stundn.
„Ui“, hats gsacht, „ob des wohl brennt?“
Und hält die Schachtl in der Händ.
„Es geht doch nix übers Studiern,
des werd ich etz gleich ausprobiern!“
Doch Hinz und Kunz, die Kater,
die machen a Theater.
Sie hebn ihre Pratzn
und machen blede Faxn.
„Miau! Mio! Miamma!
Hör auf, sunst stehst in Flamma!“
Des Hölzla, des brennt lichterloh,
Paulinchen is da drüber froh.
Des brennt so schee, des brennt so heiß,
die Mudder sacht halt aa bloß Scheiß,
dass so a Hölzla gfährlich sei.
„Des geht mer doch am Orsch vorbei!“
Doch Hinz und Kunz, die Kater,
Die machen a Theater.
Sie hebn ihre Pratzn
Und machen blede Faxn.
„Miau! Mio! Miamma!
Werfs weg, sunst stehst in Flamma!“
Achgoddlanaa, des Feier springt,
Aufs Klaad, die Scherzn, vo dem Kind.
Es brennt des Hoar, es brennt die Haut,
die Flamma knistern scho ganz laut.
Und Hinz und Kunz, die schreia,
die Uhr zeicht halba dreia.
Wer hullt etz schnell die Feierwehr?
Weil des Paulinchen brennt scho sehr.
„Miau! Mio! Miamma!,
Des Kind, des steht in Flamma!“
Aa wenn die Katzn gschria ham,
am End do brennt doch alles zam.
Des Madla, des hat brennt wie Zunder,
drum is a gstorbn, is eh ka Wunder.
Und Hinz und Kunz, die arma,
die greina vor Erbarma.
„Miau! Mio! Mensch Meier,
Etz ham mer des Geseier!“
Sie greina sich die Seele aus
und scho is die Geschichte aus.
A Necher woar im Stadtpark gsessn
und hat a Budderhörnla gessn.
Die Sunna scheint ihm auf den Bauch.
Wers wissen will: Des derf sie auch.
Da kummt der Michl aa vorbei.
Den Michl sucht die Polizei.
Der Metzgers Schorsch licht in der Wiesn
und tut die Sunna aa genießn.
Und aa der Sepp, der alte Schlack,
hat ghört zu diesem Lumpenpack.
Der Necher aus Absurdistan
hat dene drei fei nix getan.
Und doch fangas des Stänkern an.
Der Niklas hat des alles gschnallt
und hätt die drei am liebstn knallt.
Dann har er ganz laut gschria: „Stopp!
Ihr Gschwerdl, Bagasch, Gsindl, Mobb!
Der Flichtling kann doch nix dafier,
hat flieha gmisst, drum is er hier.“
Die drei Krüppl ham net ghört,
was Niklas sacht, hat sie net gstört.
Ham weiter gstänkert. Unerhört!
Der Niklas holt sei Tintnfass,
etz hört si nämli auf, der Spaß.
Die drei Kotzbrockn wern etz nass.
Er packt den Michl bei seim Krogn,
der traut si plötzli nix mehr sogn.
Der Schorsch hat si im Gros versteckt,
den Sepp, den hat er aa entdeckt.
Im festn Griff hat er die drei,
und scho gehts nei, in Tintenbrei.
Ausgschaut hams, a wahre Pracht,
zum Necher hams etz nix mehr gsacht.
Durchn Stadtpark sens all drei ham gloffn,
die Tintnbum woarn tief betroffn.
Der Jächer hat sei Gwehr umghängt,
hat an an Hosnbratn denkt.
Ins Feld er seine Schritte lenkt,
dabei scho an den Bratn denkt.
Sei Brilln, die hockt er auf ganz schnell,
sicht nimmer gscheit, so is halt, gell.
Dann tut er no a Liedla summa,
drum hern die Hosn ihn scho kumma.
Nu immer pfeift der Depp sei Lied,
da werd der Förschter plötzli mied.
Er haut si hie, ins waache Moos,
doch des hat gsehn a großer Hos.
Und als der Jächer schnarcht und sächt,
der Hos sich goar net lange frächt,
ob er des Gwehr net klaua könnt,
hat si des ganze Joahr nix gönnt.
Der Hos setzt si die Brilln auf
und macht si an die Knarre drauf.
An alle Hebl drückt er rum.
Des Gwehr geht los und es macht: WUMM!
Grod alles woar voll Dampf und Rauch
und aa der Jächer wacht drauf auf.
Nimmt seine Baa ganz schnell ind Händ,
is wie der Blitz davon gerennt.
Der Hos, der rennt ihm hinterher
und lädt scho widder des Gewehr.
Die Fraa vom Jächer hockt im Gartn
und tut auf ihren Moo grod wartn.
Da kummt er um die Eckn gwetzt,
von einem großn Hosn ghetzt.
An einem Gwehr des Viech rumspielt
und mittn auf ihrn Busen zielt.
Des macht: KRAWUMM! Scho blitzt der Lauf,
es quelln Hitze und auch Rauch.
Am Gartntisch, heiliche Anna,
zerreißt es grad die Kaffeekanna.
„Konrad“, hat die Mudder gsacht,
„ich geh etz zur Mai-Andacht.
Bleib sche do, verlass mi drauf,
mach die Tier zum Haus net auf.
Tu schee lerna, sei net faul,
steck dei Dauma net ins Maul!
Wenn du an die Dauma saugst,
du di net beklogn brauchst,
wenn der Schneider hinterher,
abschneid sie mit seiner Scher.“
Mudder weg, und unterdessen
steckt er an Dauma in sei Fressn.
Dunnerkeil, an Schloch tuts drauf
und die Haustier, die fliecht auf.
„Hast dein Dauma in der Goschn!“,
schreit der Schneider unverdrossn,
als er in die Wohnung springt
und sei große Scher mitbringt.
Es macht
und scho sen die Dauma ab.
Als die Mudder widder kummt,
nach der Andacht, nach zwa Stund,
woar die Arme gscheit erschreckt,
weil ihr Konrad, der woar gfreckt.
Der Kasper hat a Wampn ghabt,
des Fett is aus der Husn gschwappt.
An Kupf wia Ochs, an Orsch wia Gaul,
hat alles nei gstopft in sei Maul.
Da tuts an Schloch und er schreit: „Schluss!
Die Suppn ich net essn muss!
Die Suppn, na, die schmeckt mer net,
hat kane Kalorien net!“
Am nächst Tooch, ihr glabts mer net,
da woar er scho gscheit abgespeckt.
Und trotzdem schreit er widder: „Schluss!
Die Suppn ich net essn muss!
Die Suppn, na, die schmeckt mer net,
hat kane Kalorien net!“
Dann, zwa Tooch später in der Wochn,
da kummt er bloß no angekrochn.
Ach, is der Kasper schwach zu Fuß
und dennoch blägt der Doldi: „Schluss!
Die Suppn ich net essn muss!
Die Suppn, na, die schmeckt mer net,
hat kane Kalorien net!“
Am ieber-ieber-nächstn Tooch,
es is net glogn, wenn ich eich soch:
Da woar der arme Kasper gfreckt,
Was hat er aa su abgespeckt?
„Dunnerwetter, bleib ruhich hockn,
Himml-Herrgotts-Teiflsbrockn!“,
hat am Tiesch der Vadder brüllt,
dass es vo den Wänden schrillt.
Und die Mudder hat bled gschaut,
hat si goar nix sogn traut.
Doch dem Philipp des nichts macht,
was zu ihm der Vadder sacht.
Schaukelt sehr,
Gaukelt mehr,
Kreuz und quer.
Horch, der Stuhl knarzt aa dabei,
Hundsverreg, er bricht entzwei.
Siehcht ihr aa, was ich grod seh?
Dort am Tiesch, herrjemineh?
Schaut ner, wie der Stuhl zambricht
und der Vadder macht fier Gsicht.
Wie der Philipp, völlich wirr,
Hintrisch purzelt samt dem Gschirr.
An der Deckn hat er zogn,
Drum is alles runter gflogn.
Gebn hats a Sauerei
und der Vadder hockt dabei.
Aa die Mudder hat bled gschaut,
hat si goar nix sogn traut.
Was am Tiesch woar angericht,
alles etz am Bodn picht.
Schäufala mit Bratnsoß,
Sauerkraut mit rohem Kloß,
Des Seidla Bier, selber braut,
schwimmt mittn drin im Sauerkraut.
A des Kriegla is kaputt,
alles ghört etz aufn Schutt.
Vadder, Mudder glotzn bled,
ka Essn mehr am Tiesch dort steht.
Hans, der Bu, tut auf der Straß,
odder in der enga Gass,
allweil bloß zum Himml schaua,
weil dem Wetter kannst net traua.
Auf sein Wech, egal wo hie,
schaut der Doldi meistens nie.
Trödelt rum in seiner Kluft,
schau, der Hans Guck-in-die-Luft.
Kummt a alter Köder grennt,
Hans, der hat mal widder pennt.
Blick weit weg,
Hundsverregg.
Hat den Hund glatt übersehn!
Was is gschehn?
Bridscherbraad do haut sies hie,
Hund aufs Maul, Hans auf die Knie.
Amol woars am Weiher gwesn,
in der Händ a Buch zum Lesn.
Broddsld leise, broddsld laut,
widder mal zum Himml schaut.
Gricht nix mit, auweierla!
Is dem Wasser scho so nah.
Zum Ufer schwimma rieber,
drei Fisch und aa a Biber.
Nu an Schritt, scho hautsn nei,
in den grüna Algen-Brei.
Drei Fisch und aa der Biber,
die schwimma widder nieber.
Zwa Dullnraamer in der Näh,
sehn was zappeln in dem See.
Net lang gschaut und net lang gfracht,
hams ihn an des Ufer bracht.
Schaut ner hie, a traurigs Bild,
wies Wasser aus seim Hemmerd quillt.
Gwaggern tuts in seine Schuh,
batscherdnass is etz der Bu.
Friern tutsn, huscherla,
an die Arm und an die Baa.
Und die Fischli, alle drei –
aa der Biber woar dabei –
ham gschaut, was der Doldi macht.
Könnst grod maana, sie ham glacht.
Nix is mit dem Lesn worn,
weil des Buch, des woar verlorn.
Wenns donnern tut und draußn schifft,
der Blitz dich goar beim Scheißn trifft,
dann blabst daham, gehst net naus,
verkriechst di halt da drinn im Haus.
Aber na, der Robert denkt:
„Des is schee, wenns draußn rengt!“
Hat sein Scherm gleich aufgespannt
und rennt naus, aufs Ackerland.
Draußn maanst die Welt geht unter,
Blitze hauts vom Himml runter.
Ui, der Sturm entfacht an Lärm
und scho packt er Roberts Scherm.
Ab die Post, zum Himml nauf,
und der Robert hängt am Knauf.
Scherm und Robert stoßn bald
durch die Wolkn mit Gewalt.
Brunzverregg, wo hat der Wind
Hingetragn des arme Kind?
Um den Scherm, da wärs net schad,
wer hilft etz mit Rat und Tat?
Doch um den Bu is aa net gschissn,
wär er doch net ausgerissn.
Den Aischgrund, sacht des Internet,
durchfließt die Aisch in ihrm Flussbett.
Bei Schwebheim kummt sie aus der Erdn
und möcht a scheener Flusslauf werdn,
an dessen Ufern es sich lohnt,
dass mer sich wohlfühlt und dort wohnt.
Ganz viel scheene, alte Mühlen,
ihre Wasser sanft umspülen.
Vo den Hängen grüßn Burgen,
oft zerstört von bösn Schurken.
Brunna aus vergangnen Zeitn,
liegn aa in ihren Breitn.
Die Franknhöh, der Steigerwald,
machn an ihren Ufern Halt.
Bad Windsheim licht am Oberlauf
und fällt durch seine Gschichte auf.
Viel Fachwerkhäuser in der Stadt,
der scheene Ort zu bieten hat.
Außerdem fühlst du die Wärme,
im Kur-Bereich der Franken-Therme.
Freilandmuseum haßt zudem
a fränkischs Dorf, schee anzusehn.
Und mach der bittschön aa die Müh,
schau ruhich amol zum Marktplatz hie.
Ipsheim licht a Stückla weiter
und die Aisch is aa scho breiter.
Weintraubn in jeden Mengen,
hoch im Berch am Rebstock hängen.
Und jedes Joahr, da gibts a Fest,
wo mer den Wein sich mundn lässt.
Weit drobn schaut Burch Hoheneck
gelassn übers Aischtal weg.
Folgst du der Aisch, wies weiterfließt,
in Neustadt/Aisch du bald einziehst.
Scho bald beginnt des Karpfenreich,
ab Diespeck liegn Teich an Teich.
Studentn ham die Weiher zählt,
damit am End aa kaner fehlt.
Siebentausend langa fei net,
allaa des Zähln woar a Gefrett.
Seis wie es sei, ’es is wies moch,
des ane steht ganz außer Froch:
Des Alte Schloss, des is a Wucht,
Sucht aner was zur Karpfenzucht.
Willst du was wissn zum Aischtal,
Gehst nei ins Kulturareal.
Karpfenmuseum haßt der Ort,
geh ner hie, da lernst was dort.
Doch net bloß Karpfn gibt es, horch!
Im Aischgrund brütet aa der Storch.
Wo es dem Storch am bestn gfällt,
na dees is kloar, des is Uehlfeld.
Achtzeha Nester wern bebrütet,
Weil die Störch fühln sich behütet.
In den Wiesn, in den Auen,
dort nach fettn Fröschn schauen.
Folgst du dem Flusslauf weiterhin,
Dann kummst scho bald nach Höchstadt hin.
Dort hockt in einem Kreisverkehr
der größte Karpfn, dick und schwer.
Der Fridolin, so haßt der Schalk,
is gmeißlt aus an Muschelkalk.
Drei Tonna, ja, des is sei G’wicht,
schwimma kann der aber nicht.
Des Karpfenzentrum is die Stadt,
weil die die meistn Weiher hat.
Doch neben Weihern gibt es auch
am Kellerberch an schena Brauch.
Dort hat mer in den alten Tagen,
Keller in den Fels neigschlagn,
Hat den gebrauten Gerstnsaft
zum Lachern in den Berch neibracht.
Auf den Kellern kann mer feiern
die größte Bier-Anlach in Bayern.
Weiter fließt die Aisch ganz munter
in des Untre Aischtal nunter.
Dort, wo der Fluss hin weiterfloss,
steht heutzutach a Wasserschloss.
Es licht in trauter Einsamkeit,
sein Zwiebelturm siehgst scho vo weit.
Rund umgeben is vo Teichen,
Spiegelkarpfen darin laichen.
Fimbfhundert Meter da voraus,
an Weihern steht a alts Fischhaus.
A Fischereimuseum heit
is dort entstandn mit der Zeit.
Da kannst lerna, wie besessn
Kormoran die Karpfn fressn.
Kumma die Vögl angeschwirrt,
dann is der Teichwirt meist verwirrt.
Rambazamba in die Weiher,
für die Teichwirt wird des teier.
Und weiter fließt die Aisch dahin,
auf ihrem Wech zur Regnitz hin.
Bald scho is in Oberfranken,
Leut scho immer Bier dort tranken.
In Hallerndorf, dort braut man Bier,
der Brauereien gibt es vier.
Der Kreuzberg, der is ganz bekannt,
bei Wallfahrern im Büßergwand.
A Kapelln steht dort obn,
wo Gläubige Maria lobn.
Net bloß a Kergn gibts am Berch,
des ganze Joahr herrscht dort a Gwerch.
Auf den Kellern, an den Bänken,
Wirte ihr Gebräu ausschenken.
Betn, Wallfahrn, des macht durstich,
Bier zu saufn, des macht lustich.
Bist besoffn wie a Reiher,
Kotzt du nei, in Karpfnweiher,
wie die allermeisten Franken,
wenn den Berch sie runterwanken.
Der Wech der Aisch nimmt sei Ende
Hinter Trailsdorf, im Gelände.
Da fließt sie in die Regnitz nei
und ihre Reise is vorbei.
Gnauer gsacht und aa konkreter,
fimbfaachtzich Kilometer
is sie durch den Aischgrund gflossn,
hat ihrn Wech bestimmt genossn.
Hechte, Waller in den Fluten,
Zander an den Angelruten.
Mittel- und auch Oberfranken
links und rechts an ihren Flanken.
Die fühln si wohl im Aischtalgrund,
des kann mer sogn als Befund.
Touristen kumma immer mehr,
schwärma vo ihrer Wiederkehr.
Alle, die hier lebn, wohna,
Möchtn noch amal betona:
Um Himmls Willn, mier wolln net fort,
der Aischgrund, des is unser Ort.
Des Wienerle, des kennt a jeder,
net länger als an achtl Meter.
A dünne Wurscht is, recht schee schlank,
gibts meist als Päärla, Gott sei Dank.
Hast großn Hunger, isst sie kalt,
wennsd Zeit hast, na dann wärmst sie halt.
Im haßn Wasser, des soll net kochen,
sunst is die Haut gleich aufgebrochn.
Hast du Bodaggn aa daham,
dann misch dir an Salat halt zam.
Hast ka Bodaggn in deim Keller,
dann werf a Weggla auf dein Teller.
Haust Senf und Kätschap aa mit drauf
und isst die Wurscht unds Weggla auf.
Beim Kaua kumma dir Gedankn,
des is amol a su in Franken.
„Wo kommt des Werschtla eigentlich her?
Kummt des aus Wien? Wer waß do mehr?“
Du frägst dein Nachbern, frägst dein Freind,
weils der vielleicht zu wissen scheint.
A jeder zuckt nur, waß net weiter,
die andern Leit sen aa net gscheiter.
Dann schaust du in dein Läptop nei,
ob „Wienerle“ zu finden sei.
Der Läptop fängt an zu rotiern,
tut die Ergebnisse summiern.
Dann machts PING und PLING und PIEP,
viel hundert Treffer, mehr als lieb.
Wirst schließlich fündich nach ner Stund
und dei Computer tut dir kund:
Aus Oberfranken der Johann Lahner,
is eh kloar, des waß doch kaner,
hats Wienerle allaa entdeckt,
die dünne Wurscht, die jedem schmeckt.
Da siehgst, was eben dann und wann,
so a schlauer Franke alles kann.
Und die Moral vo der Geschicht:
Unterschätz die Franken nicht.
Im Mittlalter woars suweit:
Nach Bamberch kam die Geistlichkeit.
Weil dort, in dera scheena Stadt,
ein Bistum man errichtet hat.
Der Bischof, gut zwahundert Pfund,
der woar zwoar klaa, doch kugelrund.
Und aa des Gnack, dick wie beim Stier,
na ja, des kam vom vieln Bier.
Drum woar halt aa die Fastenzeit
sei Schwachpunkt, sei Befindlichkeit.
„Wenn bloß die Fastenzeit net wär,
dann wär mei Amt nur halb so schwer.“
Des hat er immer widder gsacht,
hat man des Essen zu ihm bracht.
Fisch gabs meist zur Fastenzeit,
Des hat den Bischof aa net gfreit,
weil der Karpfn, su a Schand,
ghängt is übern Tellerrand.
„Des passt goar net“, hat er denkt,
„wenns Essn übern Teller hängt.
Passt halt net zur Fastenzeit,
net zu meiner Frömmichkeit.
Wie schaut des aus, wenn so a Fisch,
am Teller licht, auf meinem Tisch?
Nach Fasten schaut des fei net aus,
mer sacht ich leb in Saus und Braus.
Der Fischzuchtmaster muss des richtn,
er soll den Karpfn kürzer züchtn.
Vielleicht so lang wie an halbn Hecht,
und aa a Buckel wär net schlecht.
An Buckel soll der Karpfn kriegn,
braucht wenicher ja net zu wiegn.
Was vorne fehlt, kommt oben hin,
sonst werd der Fisch ja viel zu dünn.
Kürzer einfach, hab ich denkt,
dass der net übern Teller hängt.
Soll grad schee aufs Geschirr drauf passn,
an gutn Eindruck hinterlassen.
A gute Optik, die wär wichtich,
A scheener Karpfn, grod so richtich.
Drei Summer derf der dann rumschwimma,
die Größ soll schließli scho nu stimma,
weil, wenn der goar nix an sich hat,
dann werst vielleicht net richtich satt.
Mit leerem Mogn kannst net beten,
und aa net zu deim Heiland reden.
Drum Fischzuchtmaster schick di, schnell,
und zücht an scheena Karpfn, gell.“
Der Fischzuchtmeister, der hats gricht
und hat an Spiegelkarpfn zücht,
der nimmer übern Teller schaut –
der Bischof, der woar hoch erbaut.
Der Fisch woar kürzer als vorher,
hat trotzdem ausgschaut, als wärs mehr.
Weil der hat etz an Buckl ghabt,
des hätt vorher a kaner glabt.
Und wir im scheena Aischgrund heit,
wir freun uns auf die Karpfenzeit,
wenns im September widder haßt:
„A Kärpfla uns probiern lasst!“
Die Franken, des sen fromme Leit,
was hierzuland die Pfarrer gfreit.
Die Meiers Kunni und ihr Frieder
knien in der Kergnbank darnieder.
Sie kaua no auf der Obladn
und mana ihre Sündentaten
der Herrgott scho verzieha hat,
des schlechte Herz vom Frieder lacht.
Zwa Bänk davor, da kniet der Toni
mit seiner Fraa, der Gumbmanns Froni.
Die Froni hat a schlechts Gewissen,
da sollt sie eigentlich beichtn müssen.
Ihr Sohn, der Bernd, des is a Wahn,
hockt ganz weit vorn, gleich beim Dekan.
Der Bernd, der is heit Ministrant
und hält a Kerzn in der Hand.
Wiea Engerla schaut er heit aus,
ghört do net nei, ins Gotteshaus.
Tut Frösch aufblasen, bis sie platzn,
is sprachbehindert, kann bloß gatzn.
Gleich in der Kergn, vorn erschte Bank,
da hockt der Kergnvorstand Frank.
Sei Fraa, die Anna, sitzt dabei
und aa no ihrer Kinder drei.
Der Pfarrer vorn, der hält sei Red,
wie schlecht es in der Welt zugeht.
Da werd gemordet, werd gesündigt,
Leiharbeitern werd gekündigt.
Dann spricht er vo den vielen Kriegen,
Betrug, Gewalt und all den Lügen,
die herrschen halt auf dieser Welt,
und dass sich alles dreht ums Geld.
Am End vo seiner langa Predicht,
da sieht er sich a no genöticht,
seine Schäflein hinzuweisen,
sich von den Sünden loszureißen.
Dann fordert er drauf alle auf,
die Meiers, Frankens, Gumbmanns auch,
mit voller Innbrunst etz zu beten,
für ihren Wech zum Garten Eden.
Zum Schluss erteilt er seinen Segen,
solln alle gehn auf rechten Wegen,
sich mit Sünden nicht beladen,
meiden alle schlechten Taten.
Mögen alle Guten, Frommen,
möglichst bald schon wiederkommen.
Es is halt so, dem Meiers Frieder
is seine Kunni längst zuwider.
Die will nix mehr, werd immer fetter
und red allweil nur no vom Wetter,
weils ständich ihr Migräne hat,
den Klimawechsel hats aa satt.
Die Gumbmanns Froni schaut gut aus,
heiligs Blechla, des is a Maus!
Hat stramme Baa und was fürn Busen,
den sicht mer ja durch ihre Blusn.
Ihr Alter macht ihr aa kan Spaß,
Kreizdunnerkeil, da geht doch was!
So hat der Meiers Frieder denkt,
und hat sei Herz ihr da drauf gschenkt.
Wers nunni waaß, der werds etz wissen,
der Frieder möcht die Froni küssen.
Vielleicht aa mehr, da schaut er erscht,
was da für Stimmung bei ihr herrscht.
Die Meiers Kunni, die is schlau,
ganz schee durchtriebn is die Frau.
Derweil die goar ka Kopfweh hat.
Was die bloß hat: ihrn Frieder satt!
Hockt nur vorm Fernseh und tut glotzn,
die Meiers Kunni, die könnt kotzen.
Möcht vo der Welt a weng was sehgn
und net bloß aufm Sofa legn.
A Zufall woars, na Gott sei Dank,
da triffts den Kergnvorstand Frank.
A Joahr is her, es rast die Zeit,
des Treffn hat sie nie bereut.
Der Georg Frank, der kennt die Welt
und hat der Kunni viel derzählt,
wies draus in dera Welt zugeht,
die Zeit vergeht und es wird spät.
Die Kunni tät den Frank gern küssn
und möcht derweil no mehra wissen.
Vom Kamasutra hats scho ghört,
ob ihr der Frank des aa erklärt?
Der Kergnvorstand, ganz hiegerissn,
der tut sei Anna net vermissen
und zeicht der Kunni manche Stellung,
nachdem des klappt hat mit der Schwellung.
Drauf denkt die Kunni an ihrn Frieder,
ach Gott, is ihr der Frieder zwieder.
A Gschäftsmann is der Gumbmanns Toni,
was goar net gfreit sei Fraa, die Froni.
Ihr Moo is ständich unterwegs,
des geht der Froni aufn Keks.
Hockt mit ihrn Sohn allaa daheim,
in an klan Kaff bei Uffenheim.
Ihr Sohn, der Bernd, macht, was er will,
gatzt bloß rum und is net still.
Erschd gestern hat er, zum Teifl na,
a Scheibn eigworfn mit an Sta.
Vorgestern woars, des hat ihr gstunkn,
hat er a Flaschn Wein austrunkn.
Bsuffn woar er, rumgemotzt,
und hat den Teppich vollgekotzt.
Gott seis gepriesen und gepfiffn,
hat sie drauf ihre Chance ergriffen:
Der Meiers Frieder, dieser Schlack,
des is a Mo, der is auf Zack.
Woar ganz allaa beim Kergnfest,
sei Kunni er zuhause lässt..
Hat Komplimente ihr gemacht
und so a Feier drauf entfacht.
A inners Feier woar des gwesn,
sie hat no denkt: „Ich fress an Besn,
dass solche Sehnsücht ich no kenn
und lichterloh wie a Kerzn brenn.“
In Wald sens grennt, in weitem Bogen,
ham sie sich naggert ausgezogen.
Der Gumbmanns Toni, außer Haus,
der kennt in Bangkok sich gut aus.
Des Rotlichtviertl kennt er gut,
wo niemals nie des Leben ruht.
Da geht er ein, da geht er aus,
da fühlt er sich fast wie zu Haus.
Dort hocken Madli hinter Scheiben,
mit aner wills der Toni treiben.
Schee zierlich is die Nummer acht,
die aa so freindli zu ihm lacht.
Is vielleicht die zwölf no besser?
Ihr Busen is a Stückla größer.
Na, die schaut scho älter aus,
der Toni möcht a junge Maus.
Dann fällt sei Blick auf Nummer vier,
du lieber Gott is die a Zier!
A Waggerla, so klaa und zart,
die Nummer vier dort auf ihn wart.
Schaut ihn mit dunkle Augn an,
der Toni sich net satt sehgn kann.
Wie alt könnt denn des Madla sei?
Der Toni schaut zum Fenster nei.
„Ach pfeif doch drauf, wie alt die is,
da mach ich etz doch ka Geschiss.
Soll froh sei, dass ich sie bezahl,
die hat doch eh ka andre Wahl.
Mit Bumsn muss ihr Geld verdiena,
ich zahls ja gut, des is doch prima.“
Der Georg Frank und aa sei Anna
tun anderweitig gern entspanna.
Im Swingerclub sind sie oft Gast,
da gibts ka Eile, gibts ka Hast.
Vo all die Leit, die mer dort trifft,
aa kaner übern Zaun was bricht.
Die Anna is a rechter Fecher,
sie moch so gern die schwarzn Necher,
weil die halt meist do untn rum,
mit sich führn a ganz scheens Drum.
Ihr Moo, der Gerch, der schaut gern zu,
lässt dabei seiner Fraa ihr Ruh,
wenns gfundn hat an so an Schwarzn
und rumgewälzt si auf der Matratzn.
Und in dem Durchanander, Gwerch,
sein Foto zückt der Frankens Gerch.
Er stellt sein Foto extra scharf,
so wie ers braucht, je nach Bedarf.
Dann macht es KLICK, des Blitzlicht zuckt,
richtig troffn, nix verruckt.
Die Anna stöhnt und kreischt und lacht,
es gfällt ihr, was der Necher macht.
Sie gfreit si aufn nächstn Bsuch,
dann stehn zwaa Necher mal zu Buch.
Vereint in später Osternacht
ans Leiden Christi werd gedacht.
In aner Bänk, da knieas nieder,
der Toni, Gerch und aa der Frieder.
Ihr Weiber, die sen aa dabei,
a jede hält a Osterei.
Weil später dann, bei dera Feier,
der Pfarrer segnet Ostereier.
Die Anna, Kunni und die Froni,
der Gerch, der Frieder und der Toni,
die singa Lieder mit Bedacht
und obn am Kreiz der Jesus wacht.
Als die Kollektn kummt vorbei,
Do steckt der Gerch an „Grüna“ nei.
Hunnert Euro, dass jeder sicht,
und macht dabei a frommes Gsicht.
Is halt a Vorbild fier an jedn,
will stets a gutes Beispiel geben.
Der Herr wird damit sich befassen,
werd seine Sündn ihm erlassen.
Unterm Kreiz, net weit entfernt,
da hockt der dicke Gumbmanns Bernd.
Vor aner Weil der Pfarrer sacht:
„Mei lieber Bernd, etz gib schee acht,
vom Keller gehst den Messwein hulln!“
Da hat er gleich a Flaschn gstuhln.
Drauf woar er dann im Klo verschwundn
und hat die Flaschn leer getrunkn.
Etz hockt er da und ihm is schlecht,
die Welt, die dreht si, Gott Allmächt!
Der Pfarrer will die Eier weiha,
da fängt der Bernd scho an zu speia.
Kotzt Wein und Essn an die Wänd,
dazu da spielt die Kergn-Band.
Im Aischgrund licht des Tote Meer,
und wers net glabt, der horcht etz her:
In Windsheim, in der altn Stadt,
a Therme man errichtet hat.
Gleich nebern Kurpark hat mers baut
und hat aa net aufs Geld geschaut.
Wellness, Spa und Badehallen,
Saunen, wo die Hüllen fallen,
des alles gibts und nu viel mehr.
Es gibt sugoar des Tote Meer.
Nach Israel brauchst nimmer fliegn,
um auf dem Wasser längs zu liegn.
Tief in der Erdn, da is gricht,
dort unt a dicker Salzstock licht.
Milliona Joahr is der scho alt
und sorcht aa für den Salzgehalt
in dem Wasser, in der Sole,
für die Gäst, zu ihrem Wohle.
Zum Salzsee-Feeling du drauf neigst,
wennst dort du in des Wasser steigst.
Schee bitzln tuts dir auf der Haut,
dei ganzer Stress werd abgebaut.
Legst du dich in des Wasser nei,
gehst du net unter, schwebst ganz frei.
Weil der Auftrieb durchs Salzwasser,
der erscheint dir deitlich krasser,
als wennst a Bad wo anders nimmst,
laut platschend in der Ostsee schwimmst.
Pass auf, bei siemazwangst Prozent
des Wasser in die Augn dir brennt.
Weils salzich is, grad aus dem Grund,
brings aa net nei in deinen Mund.
Kann Kratzer auf der Haut derfst ham,
sunst brennsts dir dort gleich alles zamm.
Tauchn, Schnorchln unterdessn,
ja, des kannst du aa vergessn.
Seis wies sei, in dera Therme,
angenehm is dort die Wärme
vo dem Wasser in den Hallen,
ja, des is mir aufgefallen.
Ich kumm da immer widder her,
ich muss sogn: Dort gfällts mer sehr.
Die Baggers, die sen zweifelsfrei
verwandt mit dem Kartoffelbrei.
Bodaggn nehm ich meistens sieben,
die wern vo mir schee fein geriebn.
Alsdann hau ich in diesen Brei
mindestens zwaa Eier nei.
Pfeffer, Salz, drei Löffl Mehl
fehln noch, bei meiner Seel.
Dann werd der Brei gscheit rumgerührt,
dass mer im Arm des aa no spürt.
A Pfanna, die werd dann erhitzt,
dass aa des Fett da drinna spritzt.
An Löffl nehm ich vo dem Brei
und tu ihn in die Pfanna nei.
Ich drück ihn platt, schee dünn verteil,
so schmeckt der Baggers alleweil.
Des Fett is haß, des Fett des sprutzlt,
Der Baggers in der Pfanna brutzlt.
Des dauert net lang, des kannst sehgn,
dann musst den Baggers mal umdrehn.
Sonst werd er schwarz und ganz verbrutzlt,
a Baggers schmeckt net, wenn verhutzlt.
Im Weiher schwimma nieber, rieber,
zwölf Karpfen und a klaner Biber.
Am Ufer steht a Silberreiher
und glotzt aufs Wasser vo dem Weiher.
„Etz schau ner hie, was sen des Faxn,
etz is dem Fisch a Pelz scho gwachsn?“,
denkt sich der Vogl und schaut bled,
wie er am Rand vom Weiher steht.
So an Karpfn, na, den kennt er net,
So haarich, klaa und doch schee fett.
„Des wär a Festmahl“, hat er denkt
und sich sein langa Hals verrenkt.
„Du müsst a Stückla näher kumma.
Etz kumm doch zu mir her geschwumma!“,
denkt sich der Reiher an dem Teich.
„A Stückla nu, ich pack dich gleich.“
Des Pelztier in dem Karpfenweiher
hat längst scho gsehgn den Silberreiher,
der wie a Götz am Ufer steht
und dort sein langa Hals verdreht.
„Wia Statue, so steht der dort,
am Weiherrand, fliech bloß net fort“,
hat sich der Biber überlecht
und woar dabei ganz aufgerecht.
„Mit dir könnt ich mein Damm verstopfn,
du wärst a schener waacher Pfropfn.
Tätst schee neipassn, in mein Damm,
a Lückn fülln an einem Stamm,
mit deinem dichtn Federkleid.
Etz warts ner ab, gleich is soweit.
Gleich bin ich bei dir, ziech di rei
und tauch di unter, eins, zwei, drei.“
Im Weiher schwimma äußerst munter
die Karpfn plötzlich nauf und runter.
Erst schauas zu dem Reiher nieber
und folglich drauf aa hin zum Biber.
„Da tut sich was“, die Karpfn denken
und ihren Wech zum Ufer lenken.
Noch immer stiert der Silberreiher
aufs Wasser von dem Karpfenweiher.
Den Pelzkarpfn, den sicht er nimmer.
„Wo is er etz?“ Kan blassen Schimmer.
Ganz außer sich und voller Zorn
der Vogel reckt sein Hals nach vorn.
Des hätt‘ er besser unterlassen,
so kricht der Biber ihn zu fassen,
Der abtaucht war, zum Grund vom Weiher,
beobacht hat den Silberreiher.
Doch irgendwann wurds ihm zu bunt,
etz taucht er auf vom Teichesgrund,
packt sich den langa Hals vom Reiher
und ziehchtn nei in Karpfenweiher.
Der Reiher waß net, wie ihm gschicht,
an ihm hängt etz a mordsdrum Gwicht.
Er zappelt hin, er zappelt her,
der Biber ist ihm viel zu schwer.
Der lässt net los, hat sich verbissn
und hat den Vogl mit sich grissn.
Hinein ins Wasser vo dem Weiher
plumpsen Biber und Silberreiher.
Dem Reiher drehts die Augn raus,
dann haucht er drauf sei Leben aus.
Dersuffn is er in dem Weiher,
der arme, stolze Silberreiher.
Etz steckt er in dem Biber-Damm
und füllt a Lückn an am Bamm.
Im Weiher schwimma nieber, rieber,
zwölf Karpfn und a klaner Biber.
Eingeschworen is die Clique,
zum Himml wandern ihre Blicke.
Dort fliecht a andrer Silberreiher
und landet drauf am Karpfnweiher.
„Hoffendli werd des widder mid dera Woar!“
„Du di na ned oo, des werd scho widder!“
„Maansd?“
„No fraali, warum soll des ned widder was wern? Bei der Fraa
Horn is doch aa widder worn!“
„Und bei der Fraa Kern?“
„Do werds aa widder was wern!”
„Und wenns doch nix werd, bei der Fraa Kern?“
„Dann werds hald nix. Is doch aa ned so schlimm. Is doch
wurschd, odder?“
„Da soll ich mi ned aufregn, wenns am End bei der Fraa Kern
ned widder was werd! Schau fei!“
„Was dusdn dich die ganz Zeid so oo? Was solln ieberhabd
widder was wern?“
„Wie? Was soll widder was wern?“
„Na, des mid deiner Woar!”
„Was fier a Woar? Wieso mei Woar? Ich hab doch ieberhabds
ka Woar!“
„Du hasd doch gsachd:
„Dees sachd mer hald so bei uns.“
„Und was is mid der Woar vo der Fraa Kern?“
„Was fier a Fraa Kern? Ich kenn ieberhabds ka Fraa Kern. Der
Noma is mer vorhin bloß so eigfalln. Hädd aa Fraa Dingsbums
sogn kenna.“
„Abber die Fraa Horn kennsd?“
„Aa ned, du hasd doch vo der Fraa Horn derzähld, dass mid
dera widder worn is. Ich maan mid dera ihrer Woar.“
„Woar, Woar, dauernd gehds um a Woar, und dass damid scho
widder was werd. Ieber was fier ane Woar red mer ieberhabds?“
„Woher solln ich des wissen. Es gibd so viel Zeich, des nix is
und dann doch widder was werd.“
„Dann ham mer die ganz Zeid ananander vorbei gred! Des
haßd, es gibd goar nix Agduelles zu beredn!“
„Scheind su!“
„Dann fang hald aa ned mid so an Gwaaf o!“
„Du hasd doch ogfangd, wiesd gsachd hast, dass i mi ned so o
tu soll. Was waß denn ich, was du ieberhabd gmaand hasd!“
„Zur Ehrenbürg steig ich hinauf,
eine Maß Bier mir oben kauf“,
der Preuße spricht am ersten Mai.
„Das ganze Jahr ich drauf mich freu.
Walburgifest ist angesagt,
Was dies ist? Bin überfragt.“
Ein Oberfranke aus dem Orte
vernimmt des Preußens fragend Worte.
Er spricht ihn an und klärt ihn auf,
erzählt mit klugen Worten drauf:
„Walberla, so haßt der Berch,
Anfang Mai herrscht da a Gwerch,
weil mier im scheena Oberfranken
der Heilgen Walburga danken.
Sie schützt vor Hexen und Dämonen,
die da auf diesem Berch drobn wohnen.
Schützt unsre Heiser, Viecher, Wälder,
vertreibt die Hexn vo die Felder.
Bloß ane Nacht die Hexnbrut
am Walberla no spukn tut.
Des is die Nacht zum erschtn Mai
und alle Hexn sen dabei.
Dann reitens auf ihrm Reisichbesn,
im Zauberbuch tuns fleißig lesen.
Drobm am Berch herrscht ein Gestank,
der kummt vo ihrem Zaubertrank.
Hexen tuns und gröln ganz laut,
mein Gott, da kriegst a Gänsehaut.
Da vergeht der scho der Mut,
wenns des hörst, die Hexenbrut.
Am nächstn Toch, am erschten Mai,
is all der Zauber scho vorbei.
A Grund für uns zum Späßli machen,
drum lass mer unsre Kerwa krachen,
am Walberla, am Berch da drobn,
wo sunst Dämonen, Hexen toben.
Mir feiern des Walburgifest,
Walburga uns schee grüßn lässt.
Hat uns beschützt die Nacht davor,
vor Zauberei, Hexenterror.
Und jedes Joahr zum erschtn Mai,
da seid ihr Preißn aa dabei.
Foahrt mitn Auto den Berch da rauf
und führt eich wie die Hexn auf.
Fresst unser Bratwerscht, sauft unser Bier,
etz sacht amol, was wollt ihr hier?
Habt ka Ahnung vo der Geschicht
und doch an gscheitn Rausch im Gsicht.
Lasst eiern Dreck und Müll da obn,
da müssn ja die Hexn tobn.
Schee is nemmer auf dem Berch,
mit dem ganzn Preißn-Gwerch.
Bleibt doch daham in Nemberch, Färdd,
dees is der Platz, wo ihr hieghört.
Mountainchurchweih is the best
and the oldest Frankenfest.
On Pfingsten-Thursday, every year
wird angezapft a barrel beer.
The Erlangen mayor then verkünd:
„Ozapft is, you can now drink!”
Then it begins, the Fest called
is everywhere a big Gewerch.
The ox on Spieß smells really lecker,
and Brezn sells the Meyer-Bäcker.
So mancher guest genüßlich kaut,
On Franken-Bratwurst, Sauerkraut.
In front of smudgy Kellertür
the people wait for their Maß Bier,
dressed in Dirndl, Lederhosen,
and then with their Maß Bier anstoßen.
Left davon die Schaschlig brutzeln,
right some men am Rettich zuzeln.
Also the music plays recht laut,
the drummer on the Trommel haut.
A Prosit of Gemütlichkeit,
a drunken man on street hin speit.
Meanwhile the people tun scho schunkeln,
the golden stars vom heaven funkeln.
All streets are full, and in den Gängen
die Leute hin zur toilet drängen.
The beer rumort im Unterleib,
zum toilet house is ganz schön weit,
and außerdem recht overcrowed,
therefore the Motto sometimes lautet:
Keep cool, brich nothing overs Knie,
if urgent you must go for pee,
stand up with Ruh from your Biertisch,
and have a look for a Gebüsch.
Of course officially not allowed,
if someone das Gebüsch zamsaut.
Sometimes nach elf Uhr in der Nacht
police appears ganz ruhig und sacht.
And höflich sagt die Polizei:
„The festival is now vorbei!”
Then many thousands of the guests,
which kamen zu dem churchweih-Fest,
are going down town in die Kneipen
and want a little länger bleiben.
They have their Kragen not yet voll,
cause furthermore it is quite toll,
to trinken Bier and Schnaps and wine,
as no one stands auf einem Bein.
Twelfe days and nights the Fest goes on,
since seventeen fifty five nun schon.
And every year Gemütlichkeit,
die people zu dem „Berch“ hin treibt.
Almost a jeder churchweih guest
sagt: „Much better than Oktoberfest!“
Der Teichwirt hasst den Kormoran,
dabei hat der ihm nichts getan.
Er frisst ihm nur die Weiher leer
und das erzürnt den Teichwirt sehr.
Dies wusste auch der Florian,
ein stolzer, großer Kormoran.
Die Karpfen fraß er reihenweise,
die waren seine Lieblingsspeise.
Im Aischgrund, da war er zu Haus,
hier lebte er in Saus und Braus.
In diesem weiten Teichgebiet
ein Weiher nach dem andren liegt.
Drin schwimmen Spiegelkarpfen stumm
verlockend in dem Wasser rum.
An einem Montag im August,
da wurde Florian bewusst,
dass bald schon kommt die Karpfenzeit.
Wenn Nebel aus den Wiesen steigt,
wenn Monate das „R“ geerbt,
das Laub sich herbstlich gelb verfärbt,
wenn kürzer werden dann die Tage,
wenn der Teichwirt, keine Frage,
abfischt seine Karpfenweiher,
so ein Frevel, hol’s der Geier,
dann schauts mau aus mit dem Fressen,
Karpfen kannst du dann vergessen,
weil dann sind alle Weiher leer,
nein, Karpfen gibts dann keine mehr.
Und Florian, der Kormoran,
hielt Rat mit dem Familien-Clan.
„Des is a Scheiß, des is a Mist!
Was machen wir, wenn dem so ist?“,
sprach drauf der Ober-Kormoran.
„Das wirft uns alle aus der Bahn.
Net lang dauerts, kummt der Winter,
was gebn wir dann unsre Kinder?“
Der Florian, ganz aufgeregt,
hat sich die Sache überlegt.
„Weit weg fliegn, Richtung Südn?
Nächstes Joahr wo anders brütn?
Odder doch im Aischgrund bleibn,
des fällt mir do ei beizeitn.“
Dann hat er glächelt, hat gscheit glacht,
und einen Freudentanz gemacht.
„Wir brauchn net nach Südn fliegn,
wenn wir zum Fressn hier gnuch kriegn.
Wie mach mer des? Was fällt uns ei?
A eigne Karpfnzüchterei!“
„Hast du an Patscher, Florian?“,
sprach drauf der Ober-Kormoran.
„An Patscher net, bloß a Idee,
ich find fei den Gedankn schee.
Ich wüsst aa scho, wie wir des machen,
des is ganz einfach, ihr werd lach’n.
A Ärwert wärs die nächstn Wochen“,
des hat der Florian darauf gsprochn.
„Net weit vo hier, im Wald versteckt,
hab ich drei Weiher letzt entdeckt.
Ich glab, die ghern kan Teichwirt net,
da geh ich ei a jede Wett.
Da gibts bloß Wildsäu, Füchs und Hosn,
Rehböck ihr Gehörn abstoßen.
Im Winter gfriern die a net ei,
do derfts im Wald aa zwarm zu sei.“
„Etz Florian, etz mach scho, mach,
und kumm doch endlich mal zur Sach“,
hat Ober-Kormoran gesagt
und Florians Vorschlag hinterfragt.
„Ich hab dein Vorschlach nunni gschnallt,
drei Weiher, mittn drin im Wald?“
„Was des wern soll, willst du wiss’n?
Denkst, mir hams ins Hirn nei gschissn?“,
empörte sich der Florian
und hörte sich beleidigt an.
„Halt dein Schnabl und hör mer zu,
pass etz schee auf und gib a Ruh.
Zu die drei Weiher in dem Wald,
da fliegn mier die Karpfn halt,
die mier dann fanga und net fressn,
sunst kannst die ganze Sach vergessn.
Mier legn uns an Vorrat an,
a jeder den gebrauchn kann,
weil bald sen alle Teiche leer,
Karpfn gibts dann kane mehr.
Und wenns im Winter is oarschkalt,
dann fliegn mer hie zu unserm Wald.
Dann sterzn mier mit Energie
von oben auf die Karpfn hie.
Die Bäuch, die hau mer uns dann voll.
Des werd a Spaß, des werd ganz toll.
Und kaner wird dann hungern müssn,
Des wollt ich sogn, des sollt ihr wissn.“
„Mei is des super, Florian!“,
sprach drauf der Ober-Kormoran.
„Bist und bleibst doch unser Gscheiter,
immer denkst an Schritt du weiter.
Mier nehma deinen Vorschlag an,
ich sprech für den Familien-Clan.
Gleich ruf ich a Versammlung ei,
verkünd, was drauf zu machn sei.“
Am nächstn Toch, zur Mittagsstund,
dort bei Neuhaus im Aischesgrund,
da steckn auf an großen Bamm
viel Vögl ihre Hälse zam.
„In drei Wochn, im September,
ziecht sis hie bis zum November“,
verkündeten der Florian
und auch der Ober-Kormoran.
„Do wern die Weiher abgelassn,
a großes Unglück, kaum zu fassn.
Weil mier nix mehr zum Fressn ham,
drum kumma mier heit alle zam,
um zu beratn, zu entscheidn,
Was machn mier da drauf beizeitn?
Des is die Frach in dera Not,
drum mach ich eich a Angebot:
Kormorane, etz horchts schee her,
scho bald sen alle Weiher leer!
Naa, des lass mer uns net bietn,
des kummt goar net in die Tütn,
dass mier am End nu hungern müssn,
des soll a jeder Teichwirt wissen.
Drum klaua mier die nächstn Wochen
ihr ganzn Karpfn, is versprochn.
Mier fanga alle, ja verregg,
und fliegns hie in a Versteck.
Drei Weiher liegn da versteckt
im Wald nu gänzlich unentdeckt.
Da werfn wir die Karpfn nei,
dann sen die Karpfn widder frei.
Wenn er kummt, der kalte Winter,
ham mer Fisch für unsre Kinder.
Seid ihr alle einverstanden?
Väter, Mütter und auch Tanten?
So müss mer net nach Südn fliegn,
weil wir zum Fressn hier gnuch kriegn.“
„Ja, was is dees für a Gewimmel,
schwarze Schwärme sen am Himml,
sterzn runter auf die Weiher,
mier is des fei net geheier.
Tauchen unter und widder auf
Und fliegn gleich weiter, kurz darauf.
Des sen doch lauter Kormoran,
Was is bloß in die Vögl gfahrn?“,
fracht si der Teichwirt Bruno Schmidt,
der unter Fischraub eh schon litt.
Daham in seiner Gastwirtschaft,
er backne Karpfn gern verkaft.
Im nächstn Monat is soweit,
is widder da, die Karpfnzeit.
Im Herbst, do geht sei Gschäft net schlecht,
s gibt aa Waller, Zander, Hecht.
Des Butterschmalz, des wird bald zischn,
zwa Wochn nu, um abzufischn.
Die Reiher und die Kormoran,
die ham dem Bruno nix getan.
Die fress’ bloß sei Weiher leer
und das erzürnt den Bruno sehr.
Es war August, die letzte Wochn,
des Tageslicht grad angebrochn.
Am Ufer stand der Bruno Schmidt
und brachte seine Helfer mit.
Kescher, Netze, Plastikwannen,
Brotzeit, Bier und Kaffeekannen,
die standen allerorts bereit,
doch leider wars noch nicht so weit.
Noch stand das Wasser gar zu tief,
der Mönch nicht schnell genug ablief.
Die Luft schon warm, voller Mücken,
und kein einzger Karpfenrücken,
der sich auf dem Wasser zeigte,
das sich nun zu Ende neigte.
Auf einem Baum mit viel Geäst,
da war versteckt ein großes Nest.
Ob ihr’s nun glaubt oder auch nicht,
das Nest, das bot ne gute Sicht
auf die Männer, Schlimmes ahnten
und die Welt nicht mehr verstanden,
wo die Karpfen abgeblieben,
suchen wollten nach den Dieben.
Im Nest da woarn zwa Vögl ghockt,
Die woarn all zwa ganz abgezockt.
„Des ham mier gut gmacht, Florian“,
meinte der Ober-Kormoran.
Aus Wolfenbüttel, Hans-Jörg Krause,
verbracht in Franken eine Sause.
Im ICE der Deutschen Bahn,
da fuhr er direkt Nürnberg an.
Wollt sehn die Burg, das Haus von Dürer,
und bucht sich einen Fremdenführer.
„Um halba zehna im Hotel,
und wenns geht, sens pünklich, gell“,
am Telefon der Führer spricht.
„Vergessns Ihren Scherm auch nicht,
skönnt renga heit, in dera Nacht,
a ganz klaans Tief is angesacht.“
Hans-Jörg die Hälfte nur versteht,
besonders was die Zeit angeht.
Am nächsten Tag im
der Führer sitzt ne Stunde schon
im Hotel, gleich beim Empfang,
dann kommt Herr Krause, Gott sei Dank.
Um zehn Uhr dreißig er auftaucht,
Gemütlich eine Pfeife raucht.
Auch Bamberg ist ne schöne Stadt,
so einiges zu bieten hat.
Das Alte Rathaus, Klein-Vendig,
ein Kurzbesuch, der lohnt sich stetig.
Auch den Dom nicht zu vergessen,
Im
Und wenn man dann die Zeit noch hat,
spaziern zu gehen durch die Altstadt.
Das wusste auch Herr Hans-Jörg Krause
und meint: „In Bamberg mach ich Pause,
bevor ich dann nach Würzburg fahr,
denn Bamberg ist so wunderbar.
Auf sieben Hügeln ist’s erbaut,
und auch ein gutes Bier man braut.“
Vom
zum Bahnhof ist’s ein kleines Stück.
Am Haupteingang, da steht ein Mann,
hat eine blaue Jacke an.
Trägt eine Mütze auf dem Kopf,
und Krause denkt: „Ich pack‘s beim Schopf!“
„Entschuldigung, können Sie mir sagen,
dann brauch ich nicht mehr weiterfragen,
wann denn ein Zug nach Bamberg fährt?
Dann wär ich auch schon aufgeklärt.“
Der Mann mit Mütze höflich drauf,
ein dickes Buch schlägt sogleich auf.
„Um viertel elfa geht a Zuch!“
Schlägt wieder zu, sein dickes Buch.
„Des is die S-Bahn auf Gleis drei,
da werns scho bald in Bamberch sei.“
Dann schaut Hans-Jörg auf seine Uhr,
von Eile war da keine Spur.
„Noch mehr als eine Stunde Zeit,
da nutz ich die Gelegenheit,
nen kleinen Happen noch zu essen,
hab’s Frühstück heute eh vergessen.“
Um elf Uhr fünf, da kam er dann,
am Gleis drei mit Ruhe an.
Nach Bamberg war nichts ausgewiesen,
der nächste Zug, der fuhr nach Gießen.
In Würzburg, in der Stadt am Main,
gibt’s schönen, trocknen Frankenwein.
Herr Krause ließ sich inspirieren,
wollt diesen Wein gern ausprobieren.
Weinlokale gabs in Massen,
in der Altstadt, in den Gassen.
Als die Altstadt tat erkunden,
hat er auch ein Lokal gefunden.
„Ich möcht zum Abend reservieren,
Essen und den Wein probieren“.
Dann fragt er höflich, wie’s denn sei,
„Ist abends noch ein Plätzchen frei?“
„Dreiviertl achta, tät des passen?
Dann könnt ich reservieren lassen“,
meint drauf der Wirt hinter der Theke,
erwartet Antwort auf die Rede.
„Dreiviertel acht? Ja wunderbar,
Ja, das passt mir. Alles klar.
Dann werd ich in den nächsten Stunden,
noch ausgiebig die Stadt erkunden,
bevor ich abends wiederkomme,
in Ihr Lokal
Hans-Jörg Krause entschwand sachte,
unterwegs er daran dachte:
„Dreiviertel acht – kurz vor neun,
hab noch Zeit, kann mich drauf freun,
noch so viel von der Stadt zu sehen,
da werd zur Burg ich gleich hoch gehen.
Ich denke gar, ich hab heut Glück,
Da oben gibt’s nen tollen Blick
auf die Stadt und auf den Main,
wie schön kann es in Franken sein!“
Verschwunden war des Tages Sonne,
ein Mann stand vor der
Hungrig, durstig und auch wütend,
außerdem im Kopf hin brütend,
stand er trotzig in der Straße,
und es drückte seine Blase.
Kein Platz mehr frei in der Gaststätte,
da er sich wohl verspätet hätte.
Neun Uhr ist’s, die Turmuhr bimmelt,
am Himmel es von Wolken wimmelt.
Gar finster ist die Franken-Welt,
der Regen schwer hernieder fällt.
Keinen Schirm und keine Mütze,
tritt Krause in die nächste Pfütze.
Und schon ist er pudelnass,
nein, so macht das keinen Spaß.
Als er dann sein Hotel erreicht,
da war er auch schon durchgeweicht.
Und wieder tönt ein Glockenschlag,
Hans-Jörg auf fränkisch zu sich sagt:
„Kann dees scho viertl zehna sei?
Jesses, rast die Zeit vorbei!“
Wer strolcht da so spät durch die Gassen der Stadt,
einen schweren und dunklen Umhang an hat?
Er zerrt einen Knaben mit seinem Arm,
lieber Gott, seiner Seel dich erbarm.
Der arme Junge verbirgt sein ängstlich Gesicht,
doch dieses stört den Nachtgieger nicht.
Der Nachtgieger mit Schnabel und Schweif,
der arme Bub ist vor Angst schon ganz steif.
„Du böses Kind, du musst nun mit mir,
ich werd dich schon lehren, ne gute Manier.“
Schon zieht er den Jüngling mit sich geschwind,
mit ihm in der finsteren Nacht drauf entschwind.
„Nachtgieger, Nachtgieger, hörest du nicht,
auf strenge Strafe, ich bitt dich, verzicht“,
so bettelt der Knabe im heulenden Wind.
„Ich werd nunmehr sein ein artiges Kind.“
„Jammer du nicht, du musst mit mir gehen,
ob artig du wirst, werden später wir sehn.
Du warst schrecklich bös, drum Strafe muss sein,
Ich glaube dir nicht, ist alles nur Schein.“
„Nachtgieger, Nachtgieger, an welch finsteren Ort,
was hast du denn vor, wohin schleppst du mich fort?“
„Du böser Knabe, du weißt’s doch genau,
ich bring dich jetzt hin zur Nachtgieger-Frau.“
Sie ist eine strenge und graue Gestalt,
wird austreiben dir deine rohe Gewalt.
Willst du nicht bereuen, was du hast getan,
dann schürt sie sofort den Kochkessel an.“
„Hat oft schon verschlungen so mach böses Kind.
Du wirst dich noch wundern, das geht ganz geschwind.
Jetzt mach schon, komm mit!“, der Nachtgieger droht.
„Sonst werd ich noch sauer, und schon bist du tot.“
Текст предоставлен ООО «ЛитРес».
Прочитайте эту книгу целиком, купив полную легальную версию на ЛитРес.
Безопасно оплатить книгу можно банковской картой Visa, MasterCard, Maestro, со счета мобильного телефона, с платежного терминала, в салоне МТС или Связной, через PayPal, WebMoney, Яндекс.Деньги, QIWI Кошелек, бонусными картами или другим удобным Вам способом.