Читать книгу Къакъа–жужула дурхIнас. ГIямруличила. ГIямрула гIяхдIешуначила, ва дяглIичила - Дика Кара - Страница 2
ОглавлениеБархIи ахъиб.
ХIерила буцIардеш бархIехъла пяхIудешли барсбариб. Лерилра мицIирти секIайс гьаммадбиуб.
МицIираг ва кьар-шин, лерилра хIядурдиублири дусес, жибинти биалли чула дугила хIянчиличи хIядурдиублири.
Бухъна къакъа-жужуни дурхIнала дурхIначил гъайбухъес пикрибарилри.
– Бухъна къакъа-жужуни бурулри, бегIлара гIяхIси секIал – вегIла ихтияр вегIлизиб лебни саби. Ну хIушази бикIулра, илди бурни хIясибли сари. БегIлара г1яхIси саби, неш – дудешла хъали.
ДиштIати къакъа-жужуби тамашадиуб ва цаличи ца хIердизур.
– Хала дудеш, бура ил, се сабил бегIла дурхъаси?
– Хьарбаиб биштIаси къакъа-жужули.
– Гьанна ил гIягIнили ахIен, замана бакIибхIели балада!
– Хъутурдяхъиб хала дудешли.
– ХIуша гьачамлис диштIалира, – пикрибухъи, къакъа-жужуни ахъли иб:
– Дусес кадихьеная! Кьанси замана саби.
Хала дудешла гъай бекIлизирад аркьули ахIенри биштIаси къакъа-жужула, пикрумазиб бускаэсхIебирулри:
– Хала дудеш, бура гьари, бура, селичила викIусирил хIу, сегъуна мягIна саби ил секIа? Сегъуна мяг1на бухIнабуцили илди гъайли?
– МягIна …мягIна агнив…? – хIулби гьаргхIедарили иб хала дудешли.
– Буриду? – хьарбикIулри биштIаси къакъа-жужу хала дудешлизи.
– ЛехIбизи х1ебиалли, – гьагьбуршули, багьлали иб хала дудешли, бехIбирхьули хабар. Жагаси мерличир хIердирулри къакъа-жужуби. Илди умуси гьавали ва неш берхIила ванадешли вайбяхъдарилри.
Апрель базличиб, дяхIи бацIили гIергъи, къакъа-жужуби лерилра гьардакIиб ва берхIила ванадешличи разили лерри. Илдачи лебилра разибикIулри: адамти, миц1ираг, арцанти ва гьункьяби. Къакъа-жужуби берхIиличи зуздикIулри ва алавти разибирулри.
