Читать книгу Кому молиться в болезнях. Рассказы о святых целителях - Тимофей Веронин - Страница 2

О́тче Святы́й, Врачу́ душ и теле́с, посла́вый Единоро́днаго Твоего́ Сы́на, Го́спода на́шего Иису́са Христа́, вся́кий неду́г исцеля́ющаго, и от сме́рти избавля́ющаго, исцели́ и рабо́в Твои́х (имена́) от обдержа́щия их теле́сныя и душе́вныя не́мощи, и оживотвори́ их благода́тию Христа́ Твоего́; моли́твами Пресвяты́я Влады́чицы на́шея Богоро́дицы и Присноде́вы Мари́и; предста́тельствы честны́х Небе́сных Сил безпло́тных; си́лою Честна́го и Животворя́щаго Креста́; честна́го сла́внаго проро́ка, Предте́чи и Крести́теля Иоа́нна; святы́х сла́вных и всехва́льных апо́столов; святы́х сла́вных и добропобе́дных му́чеников; преподо́бных и богоно́сных оте́ц на́ших; святы́х и исцели́телей безсре́бренников Космы́ и Дамиа́на, Ки́ра и Иоа́нна, Пантелеи́мона и Ермола́я, Сампсо́на и Диоми́да, Фо́тия и Аники́ты; святы́х и пра́ведных богооте́ц Иоаки́ма и А́нны и всех святы́х. Я́ко Ты еси́ Исто́чник исцеле́ний, Бо́же наш, и Тебе́ сла́ву возсыла́ем, со Единоро́дным Твои́м Сы́ном, и Единосу́щным Твои́м Ду́хом, ны́не и при́сно и во ве́ки веко́в. Ами́нь.