Чандар – дерево жизни

Оглавление

Арбен Кардаш. Чандар – дерево жизни

Чандар – уьмуьрдин тар. Повесть

Чiарав. Гьикая

Гурар. Гьикая

Гибе. Гьикая

Чуьлдин цуьк. Гьикая

Жив. Гьикая

Муаллимдин ихтилат «ВачӀе-хваяр» романдай чӀук

Гьа икӀ садра… «ВачӀе-хваяр» романдай чӀук

Хукац-Ханум. Max

1-перде

2-перде

3-перде

4-перде

Ахцегь Мирзе-Алидин геж муьгьуьббат. Кьуд пердедикай ибарат тамаша

Сад лагьай перде

Кьвед лагьай перде

Пуд лагьай перде

Кьуд лагьай перде

Чандар – дерево жизни. Повесть

Чарав

Лестница. Рассказ

Ковёр. Рассказ

Полевой цветок. Рассказ

Снег. Рассказ

Рассказ учителя. Отрывок из романа «Сыны Ваче»

Итак, как-то раз. Отрывок из романа «Сыны Ваче»

Хукац-Ханум, или Приключения красавицы-обжоры с участием джиннов (Сказка)

Поздняя любовь Мирзы-Али. Драма в четырёх действиях

Об авторе

Отрывок из книги

Тарлан Мияхов, вичин уьмуьрдин йисар яхцIурни цIувадав агакьнавай итим, ахварай аватайла, сятдин пакаман цIуд хьанвай. Ахъа дакIарда рагъ гьатнавай. Амма кIвале авай михьи, икьи, чIугуналди тух тежедай гьавади ам ахварин сархушвилин кIемяй са акьван регьятдиз ахъайзавачир. Яргъал Кеферда, фадлай вичин муг хьанвай Сургутда гьар юкъуз пакаман сятдин ругудаз (армияда къуллугъдайла вердиш хьайивал) къарагъун адет хьанвай ам, хуьруьз хтайла, къе хьиз, идалай виликрани хтана ина хьайи гьар юкъуз вич икI геж ахварай аватуни мягьтелардай, ва ам «вучиз икI жезватIа?» лугьуз фикиррик акатдай.

Накьни, аял чIавалай вердиш чкадал, пуд стхани кьве вах авай хзанда бубадини дидеди рухвайриз аял чIавалай тайинарнавай кIвале авай вичин каравутдал ксанвайтIани, адаз беден меселай хкаждай гьяз авачир, мадни, вилер акьална, гъил-кIвач гадарна, вич ахварин ихтиярда хутаз кIанзавай.

.....

КIвенкIв алай пел гъвергъверрини гъурун цуьквери кьунвай. «ТIебиатди и чкадал икI жумартдиз ва баркавандиз цуькверив экъечIиз тун чандар тарцин хатурдай ийизвайди я», – садлагьана фикир атана Тарланан кьилиз, пелел фенвай къекъвей гуьтIуь жигъирдай винелди хкаж жез-жез.

КIунтIал агакьайла, ада чандардал вегьей вил садлагьана тарцин агъадихъай, булахдив, хуьр галай патахъ элкъвена, ацукьнавай дишегьлида акьуна. Тарланан рикIи гупа-гуп авуна. Вучиз икI хьанатIа ада вичин кьилни акъатначир. Ихьтин гупа-гуп адан рикIиз танишди тир, адан рикIел сифте яз Дилбер классдиз атай легьзе хтана. Гьа чIавуз адан рикIи гьа икI адан хур гатайди тир.

.....