Читать книгу The Bruce - Barbour John - Страница 20

Table of Contents

Now agayne to the King ga we, 50

That on the morn, with his barne,

Sat in-till his parlement;

And eftyr the lord the Bruys he sent,

Rycht till his in, with knychtis kene.

Quhen he oft tyme had callit bene,

And his men eftir him askit thai, 55

Thai said that he, sen yhytirday,

Duelt in his chambyr ythanly,

With a clerk with him anerly.

Than knokyt thai at his chamur thar;

And quhen thai hard nane mak ansuar 60

Thai brak the dur; bot thai fand nocht,

The-quhethir the chambre hale thai socht.

Thai tauld the King than hale the cas,

And how that he eschapyt was.

He wes off his eschap sary; 65

And swour in ire, full stalwartly,

That he suld drawyn and hangit be.

He manausyt as him thocht: bot he

Thoucht that suld pas ane othir way.