Читать книгу Dr Marko isch nit eläi / Marko ist nicht allein - Dunia Idoya Eglin - Страница 7

Äntlig isch s Flooss fertig. Jetz baue d Kanoniier voorne uff em Flooss iiri Kanoone uff.

Denn kömme die beide Dambuure mit iire Drummle, die beide Faanedrääger mit iire groosse Banner und am Schluss no d Eeregescht.

Zletscht springt dr Wild Maa uffs Flooss.

Immer schnäller und schnäller triibe alli dr Rii durab.

D Selina und dr Lukas renne em Uufer nooch. «Schnäll, schnäll!», rieffe sii. Aber baidi hän fascht kai Schnuuf me. Bumm! Bumm! So knalle d Kanoone und Rauch stiigt in Himmel uffe. Es isch soo lutt, ass es in de Oore nur so dröönt. Die beide Kinder luege em Wild Maa zue. Är danzt und schwingt sii Dännli.

Do kömme au scho die beide Fründe, dr Marko und dr Darius! «Schnäll, mir überhoole s Flooss, denn gseen mir, wie dr Wild Maa bim Glaine Klingedaal lande duet. Dört trifft är denn dr Leu und dr Vogel Gryff!», riefft d Selina.