Читать книгу The Grammar of English Grammars - Goold Brown - Страница 34

"5. In the dayes of Eroude kyng of Judee ther was a prest Zacarye by name, of the sort of Abia: and his wyf was of the doughtris of Aaron, and hir name was Elizabeth.

6. And bothe weren juste bifore God, goynge in alle the maundementis and justifyingis of the Lord, withouten playnt.

7. And thei hadden no child, for Elizabeth was bareyn; and bothe weren of greet age in her dayes.

8. And it befel that whanne Zacarye schould do the office of presthod in the ordir of his course to fore God,

9. Aftir the custom of the presthood, he wente forth by lot, and entride into the temple to encensen.

10. And al the multitude of the puple was without forth and preyede in the our of encensying.

11. And an aungel of the Lord apperide to him, and stood on the right half of the auter of encense. 12. And Zacarye seyinge was afrayed, and drede fel upon him.

13. And the aungel sayde to him, Zacarye, drede thou not; for thy preier is herd, and Elizabeth thi wif schal bere to thee a sone, and his name schal be clepid Jon."

Wickliffe's Bible, 1380.

English.—17th Century.