Читать книгу Платон Ламутскай. Нимкакич - Группа авторов - Страница 55

Ийэтэ сөҕө-махтайа,

Түүннэри, күнүстэри түбүйдэ,

Үйэҕэ да тэстибэт гына

Уллуҥнаан бүтэрдэ:

Мэнээх киһиэхэ анала суох,

Арай бухатыыр кыайыа.

Кырдьык даҕаны биһи уолбут

Ааттыын ааттаах бухатыыр,

Сүдү атаҕар кэтэн,

Санаата дьэ ситэн

Сэбин-сэбиргэлин иилиннэ,

Ыраах бултуу аттанна.

Арай

Үрэх уҥуоргутугар түбэҕэ

Аарыма кыылы өлөрөн

Сүлэн астыы олордоҕуна,

Кэлин өттүттэн киһилии

Саҥа дорҕооно иһиллибит.

Ол хоту өҥөйөн көрбүтэ,

Батыйанан дайбаары гыммыта,

АнарааҥІыта киһилии саҥалаах

Хагдаҥ эһэ энэлийбитэ,

Аҥаар мааны атаҕынан

Муннун саба туттан,

Кырыытынан кылыылаан

Саҥа саҥалаах буолбута.

Эһэ:

Һэ! Һа! Дьаа, абыраа!

Миигин өрүһүй, харыһый!

Саатар өһөҕү да бэрсиий!

Ыран өлөр кэллэ дии,

Ас көрдөөн булбакка дьүүкэрдим,

Абыраа, өрүһүй! Ар-ар!