Читать книгу Платон Ламутскай. Нимкакич - Группа авторов - Страница 7

Ити Эвэскэн биис тарҕаһан,

Сир устун барыах эбиттэр.

Онуоха

Үҥүү-батас күүһүнэн

Омуктарга кыайтаран,

Сир устун үүрүллэртэн,

Наматкан удьуора биир уол —

Сэрииһит хоһуун Чибдэбил

Эвен удьуорун түмпүтэ,

Биир сойууһу тэрийбитэ,

Ону Сяньби3 диэн ааттаабыта.

Ол биис уустарын ааттара

Төрүт түөрт бырааттыы эбиттэр:

Улахан уус – Эвэскэн,

Үгүс аймах – Намасхаан,

Кыахтаах – Увань Отласив,

Амартан симиэстээх – Орогон.

Ити ааттара үйэлэргэ

Омугун көрдөрө иҥпитэ.

Кинилэр ыаллар көс аймах

Жуан сойууһун тэриммиттэр.

Инньэ гынан чугаска

Кырыктаах ыал баар буолта.