Читать книгу Soete verleiding - Helena Hugo - Страница 3

Koeksisters en kolwyntjies, melktert en rosynebrood, suikerbolletjies, lallimala, tameletjies – dís wat Sharise van Harte se teekamer, Soete Verleiding, jou bied. Want Sharise het met kos in die Maleiertradisie grootgeword. Ná die dood van haar man was sy verplig om uit te spring en iets te doen.

Dat haar jeugliefde, Jacques du Plessis, ná jare se verblyf in Frankryk na die De Doorns-vallei sou terugkeer, kon Sharise nie voorsien nie. Hulle het destyds aan mekaar trou beloof, maar nou, jare later, lyk dinge heeltemal anders. Sy is seker daarvan dat hy nie meer in haar belangstel nie, al kom hy gereeld in die teekamer. Want die gerugte loop dik dat hy en die beeldskone internasionale model wat hom vergesel, op trou staan.