Читать книгу Fier immer jung (eBook) - Helmut Haberkamm - Страница 16

Mama, ich hobb an dich dengd

Mama You’ve Been On My Mind

Villeicht woorns die Strohln vo der Sunna ihrm Licht

Doo an der Greizung, wies grood reischeint in mei Gsicht

Villeicht lichds am Wedder odder aana ganz annern Gschicht

Wall Mama, ich hobb an dich dengd

Ich maans bloß gut, butzmi net so runter, reechdi net auf

Ich will nix hoom vo dir, doo gibbi goor nix drauf

Ich bin net drauri, wall mei Leem, des langdmer vollauf

Ach Mama, ich hobb an dich dengd

Mei Kopf is durchernanner und auf mei Meinung braucht kanns horng

Wu du woorsd, ismer worschd, doo machermer goor ka Sorng

Mich kimmerds net, wosd maggsd und wusd hiegehst morng

Obber Mama, ich hobb an dich dengd

Ich willder nix vorschreim, dassd Ja saggsd odder Naa

Glaabmers, ich verstehdi, du bist a freia Fraa

Ich maan bloß so fier mich, ich sinnier mudderseelnallaa

Wall Mama, ich hobb an dich dengd

Wennsd aufwaggsd na in aller Frieh und schausd in Spiegl nei

Na wassd, ich bin weit fort vo dir, ich kann net beider sei

Ich waaß net, obsders siggsd wie ich, odder schaust etz grandi drei

Ach Mama, ich hobb an dich dengd