Читать книгу Всех обидимых Покровительнице. Акафисты Божией Матери разные - Игорь Храмов-Тесёлкин - Страница 7

Сила Вышнего дана Тебе, МатиДево, быти всех обидимых Защитницей и Покровительницей, да все вернии, к Твоему заступлению прибегая и помощь Твою получая, всегда поют сице:

Имуще икону Твою, Матери Господа своего, как Спасительницу и Всемилостивую Сострадательницу в узах своих, блаженный страдалец Христов благоверный князь Игорь всю скорбь и печаль свою пред нею изливал есть. Мы же подражая ему, вопием к Богородице:

Радуйся, В скорбях и печалях Утешение!

Радуйся, скорбей в Нечаянную Радость обращение!

Радуйся, исполненная сострадания ко всем страждущим, обремененным и во узах заключенным!

Радуйся, последнее прибежище надежды и утешения лишенным!

Радуйся, всяческих печалей и болезней Утоление!

Радуйся, всех скорбями и печалями обремененных радование!

Радуйся, не отвергающая моления самых падших и отверженных!

Радуйся, и нас убогим сострадатинаучающая!

Радуйся, Всемилостивая Владычице, всех обидимых Покровительнице!