Читать книгу Boer kry ’n Vrou - Jan van Staden - Страница 11

Juan en Marissa maak die res van die week allerhande plannetjies om ongesiens by mekaar uit te kom, want haar pa-hulle kom eers volgende week terug. Sy speel die speletjie nog voluit en hulle geniet mekaar en vry en spyker vir ’n vale terwyl hulle nog kan. Hy het haar vertel dat hy by Stoffeltjie gehoor het haar pa het die polisie gevra om haar op te pas, daarom bly sy die res van die tyd eerder by Yvonne, want dit sal dinge makliker maak. Wanneer Juan kom kuier en hulle wegglip plaas toe, lê sy tot buite die dorp plat op sy kar se agtersitplek. Dit word ’n prettige speletjie om die skinderbekke van die dorp te fnuik.

Juan en Marissa benut elke oomblik en dit maak hulle nogal moeg. Hulle slaap maar min. Toe die naweek aanbreek, besluit hulle dat sy tot Sondagoggend by hom sal kuier, want haar ouers kom Maandag terug. Hulle jaag die wêreld vol met die 4x4, swem, eet en maak liefde, alles in die wete dat die einde van hul warmbloedige sessies in sig is. Toe Marissa die Sondagoggend in ’n tranedal daar wegry, het Juan ook sy hart uitgehuil. Wat die toekoms inhou, weet nugter.

Juan hoor niks weer van Janet nie. Dit voel vir hom of sy lewe sy doel begin verloor en of alles stilstaan. Hy kom min in die dorp en mis Marissa. Hulle het beloof om nie kontak met mekaar te maak alvorens hul gevoelens gekalmeer het nie.

Een oggend is hy besig om beeste te dip toe sy selfoon skielik lui. Sy hart gaan staan toe hy sien dit is Marissa se nommer. Gelukkig antwoord hy op ’n formele manier, want dit is dominee Van Graan se stem. Die dominee deel hom saaklik mee dat hy hom wil spreek. Juan se moer is onmiddellik suur; hy het nie lus vir Dominee se stront nie. ’n Mens sou sweer sy kinders is met die hand gemaak en nie met sy penis nie. Iemand het seker weer gaan staan en skinder.

Terwyl hy die aand aantrek om die afspraak om sewe-uur na te kom, begin sy selfoon skril lui. Dit is ’n baie oulike stemmetjie aan die ander kant wat sê dat sy van kykNET se admin-departement is en sê sy bel om hom in te lig dat sy aansoek suksesvol was en dat hy een van die boere is wat gekies is om aan die nuwe reeks van Boer soek ’n vrou deel te neem. Hulle sal hom weer kontak om ’n afspraak te maak vir ’n onderhoud.

Juan lui af met gemengde gevoelens en vat die pad na dominee Van Graan se huis. Op pad soontoe bel hy vir Stoffeltjie. “Hei, Hottie, het jy vir Dominee vertel van my en Marissa?” val Juan met die deur in die huis.

“Hei, my bru, ek het niks met jou eskapades uit te waai nie. En nee, dit was nie ons nie, promise,” lag hy. “Die priester gaan jou slinger strip, my broer,” vryf hy dit in.

Toe Juan om tien voor sewe voor Dominee se huis stilhou, sien hy Marissa kom na hom aangestap. Hy sien die spanning op haar gesig en klim uit. Op daardie oomblik verskyn Dominee in die deur en hulle besef hulle sal nie kans kry om met mekaar te praat voordat hulle die huis binnegaan nie. Sy groet hom en sê hy moet inkom. Hulle volg Dominee na sy studeerkamer. Met Marissa se boudjies hier voor hom kry hy ’n knop in sy keel as hy daaraan dink dat hy haar dalk nooit weer sal kan bykom nie.

Marissa gaan sit in die een hoek en Dominee beveel Juan om op die stoel in die ander hoek te gaan sit.

“Ek het vandag ’n ontstellende oproep van broer Van Schalkwyk gekry en ek wil absoluut op jou en Marissa se integriteit staatmaak,” begin Dominee die gesprek.

Juan weet dadelik hier kom groot bollie.

“Vraag nommer een: Kuier julle by mekaar?” vra Dominee en kyk reguit na Juan. “Ek het klaar Marissa se weergawe en wil hoor wat joune is.”

Fokkit, nou sal hy mooi moet dink. Hy wonder wat sy haar pa vertel het. Hy weet sy wil hom nie teleurstel nie.

“Dominee, Marissa is die rugbyspan se fisioterapeut. Ek het my rug seergemaak in die wedstryd teen Mbombela en het haar by haar spreekkamer gaan sien. Ek glo nie dit kan as kuier beskou word nie, want ons is groot genoeg om dit as volwassenes te hanteer,” sê hy saaklik.

“En wat het sy by jou op die plaas gaan soek?” gee Dominee hom nie eens kans om asem te skep nie.

“Sy was saam met my suster daar, want my rug was in spasma. Sy het my in ’n professionele hoedanigheid besoek en ons was ook nie alleen nie,” verduidelik hy en wonder of die kans wat hy hier waag met Marissa se weergawe gaan klop.

“Het sy een aand saam met jou gaan uiteet?” vra dominee Van Graan.

“Nee en ja, Dominee. Dit was ná die wedstryd teen Polokwane en ons almal het in ’n groep gegaan. Ek sal erken dat ek vir haar betaal het want, met groot respek gesê, sy is die ordentlikste mens wat ek ken,” praat hy amper die waarheid.

“Het jy haar by geleentheid in haar spreekkamer gesoen?”

Juan weet waar kom die vraag vandaan. “Ja, Dominee. Dit was net ’n soentjie op haar wang uit dankbaarheid vir alles wat sy vir ons doen.”

“Jy ry die respekstorie van jou nou holrug, broer. Marissa se weergawe is dat jy haar probeer soen het,” karring Dominee weer. Broer se moer, dink Juan.

“Ek is jammer as ek te voor op die wa was, Marissa,” sê hy en kyk na haar. Trane blink in haar oë en hy voel soos ’n hond.

“Die laaste vraag voor jy gaan, broer.” Dominee leun vorentoe. “Het julle by mekaar geslaap?”

Juan is nie bang nie en kyk hom reguit in sy oë. “Nee.”

“Ek kry die gevoel dat julle vir my iets wegsteek. Net julle twee sal weet wat die waarheid is.” Dominee kyk hulle onderlangs aan en staan op. “Juan, is jy verlief op Marissa?”

Die vraag boul Juan onderstebo. Hy kyk na Marissa. Ag, Here, help asseblief. Kyk hoe mooi is sy! Hoe kan hy nou wil staan en lieg? Sy oë skiet vol trane. “Ja, Dominee, ek is baie verlief op haar en dit is die heilige waarheid,” sê hy sonder om om te gee wat haar pa daarvan dink. “Maar ek weet sy sal nooit u wense teëgaan nie, want u haat my.”

Hy staan op en loop uit sonder om op dominee Van Graan se reaksie te wag.

Juan sit eers ’n rukkie stil in sy kar voor hy kan ry. Die volgende oomblik is Marissa langs sy deur. Hy draai die venster af.

“Ek is so jammer, Juan,” sê sy. Haar oë is ook vol trane. Sy draai om en vlug in die huis in.

Juan ry stadig weg en bid dat die Here hierdie beker by hom sal laat verbygaan. So baie mense dink as die vleeslike lus jou prioriteit in die lewe is, glo jy nie in God nie. Seks en molestering is aan die orde van die dag in die Katolieke kerke en die Vatikaan. Predikante word van hul amp onthef as gevolg van hul spykerkaskenades. Wie is dominee Van Graan om hom te veroordeel!

Daardie nag slaap hy min. Toe hy die volgende oggend opstaan, bel hy vir Naomi en vra haar om die aand saam met hom te gaan uiteet. Naomi is een van die dorp se prokureurs wat haar eie praktyk het. Sy behartig hoofsaaklik skeisake en is self so ’n jaar of wat gelede geskei. Sy maak nie ’n geheim daarvan dat sy geen stront van ’n man vat nie en nooit weer sal trou nie. Dit pas hom. Hy is verbaas toe sy die uitnodiging aanvaar.

Later die dag besluit hy om nog ’n kans te waag. Dit is mos naweek en hy is nie lus om alleen te wees nie. Hy bel haar weer en vra of sy nie lus is om sommer die hele naweek op die plaas te kom kuier nie. Sy klink baie entoesiasties en sê sy sal haar kantoor sommer vroeër sluit en dan so teen drie-uur se kant by hom wees.

Juan en Naomi was nog net een aand saam by ’n dans. Sy het in daardie tyd ’n aanrandingsaak van hom hanteer en het hom toe sommer so uit die bloute gevra of hy die aand iets doen. Sy is ’n donkerkop met groen oë en is fris en atleties gebou, want sy doen liggaamsbou en is vier tot vyf aande ’n week in die gym. Sy is egter nog steeds baie vroulik en het al ’n paar Bikini Babe-kompetisies gewen. Hy dink sy skrik van die manne ook maar af, want sy is baie goed met selfverdediging en bied ook klasse daarin aan.

Juan voel hartseer en eensaam met Janet en Marissa so skielik uit sy lewe. Daar is egter nie juis tyd vir trane nie, die tyd haal hom in, want dit is al halfdrie en hy moet nog gaan bad en sorg dat hy ordentlik lyk voor sy kom. Hy weet nie wat om te verwag nie en glo nie seks gaan op die spyskaart wees nie. Die manne sê Naomi is maar lekker hardegat. Dis miskien beter so, en Juan besluit hy sal maar ant Sannie Palm se vyf dogters inspan as sy belustigheid handuit ruk. Draadtrek is dalk die veiligste in hierdie stadium.

Naomi is reeds daar toe Juan met die Cruiser voor die huis stop. Siena het haar ingelaat en haar kamer vir haar gewys.

“Kleinbaas, hierdie vrou is mooi, maar sy kan vir jou moer! Eisj, daai muscles!” sê Siena met groot oë.

Juan stap in en kry Naomi waar sy haar agter die kroeg tuisgemaak het. Sy blaai deur ’n jagalbum. Sy het ’n minirok aan wat haar broekielyn net-net bedek. Hy voel onmiddellik jags toe sy om die kroeg stap en hom hartstogtelik soen en dankie sê vir die uitnodiging.

“Naomi, jy lyk absoluut pragtig,” sê hy. “Jy waag baie om so te lyk as ek naby is. Het jy van my reputasie vergeet?”

“Het jy van myne vergeet? Die ystervrou van Louis Trichardt.”

Juan lag lekker. “Ook weer waar, nè. Maar jammer, jong, ek het nog nie gestort nadat ek die manne gehelp draad span het nie,” sê hy, want hy ruik seker die ene sweet.

“Geen probleem nie, Juan. Dit is mos hoe ’n ware man moet ruik,” sê sy sag. Sy het hom nog steeds om die nek beet. Haar bene druk teen syne en sy voël is stokstyf. Omdat hy so ’n grote het, is dit altyd sigbaar wanneer dit styf is. “Ek voel ek doen darem iets vir jou,” lag Naomi en maak groot oë vir hom.

Hy bloos van oor tot oor en sy geniet dit. “Bloos jy? Dit is die eerste keer dat ek ’n man sien bloos. Genade, en dit nogal jy van alle manne! My hel, en jou hart klop soos ’n Lister-enjin,” lag sy hartlik, en dit breek die ys.

“Jammer, Naomi. Dit is jou skuld. Jy lyk baie sexy … en ek weet nie hoe ek my gaan inhou nie, maar ek beloof om my bes te probeer.”

“Ag toe, moet nou nie soos ’n tempeltros klink nie. Ons is lankal nie meer tieners nie,” terg sy.

“Jy moenie alles glo wat die mense van my sê nie. In hierdie dorp weet hulle meer van my as wat ek van myself weet,” sê Juan ernstig.

“En wat van Janet en Marissa? Dit gons in die dorp. Janet is bitterlik kwaad vir jou, maar verstaan hoekom jy Boer soek ’n vrou as uitweg kies.”

“My vrek, het sy op jou skouer gaan huil? Ek het nie geweet julle is op speaking terms nie,” sê hy verras. “Maar ja, ek twyfel daaroor en is baie lus om eerder ’n aanbod te aanvaar om vir ’n sekuriteitsmaatskappy in Iran vir ’n jaar te gaan helikopter vlieg.”

“Aggenee, jy is laf!” sê Naomi. “Kom ons vergeet van Janet. Ek gaan gou my kortbroek aantrek, dan wys jy my ’n bietjie die plaas.” Sy is die ene energie en Juan hou daarvan.

Sy penis gaan weer soos ’n geelslang in sy broek te kere toe sy by hom aansluit in ’n denim-sjoebroekie en ’n halflyfbloes wat haar six-pack ten toon stel. Terwyl hy vir haar gewag het, het hy solank vir hulle vleis uitgehaal om vanaand in die maanlig te braai.

“Nee o hel, Naomi, as jy die hele naweek so gaan lyk, sal jy al jou selfverdedigingstegnieke moet uithaal,” skerts hy. Hy besef dit was ’n fout om haar te nooi. Maar nou ja, hy wou mos nie alleen wees nie.

Juan besluit om Naomi eers die plaas te gaan wys voor hy stort. Hulle sien heelwat wild in die boonste twee kampe. Hy het byna al die spesies, behalwe springbokke. Sy is in ekstase toe hulle ’n draai by die leeukamp maak.

“Jy het ’n pragtige plek, Juan,” sê sy toe hulle weer by die opstal stilhou. “Ek is skoon jaloers.” Sy kyk hom skerp aan en druk haar vinger teen sy bors. “Weet jy, jy sal ’n goeie vangs wees as jy jou hart aan net een vrou kan gee.”

Hy vat haar saggies in sy arms en druk haar teen hom sonder dat sy teëstribbel. “As ek net die regte vrou kan ontmoet,” fluister hy in haar oor. Sy wikkel haar los en hulle stap die huis binne.

Hy sê hy gaan gou stort. Sy volg hom na sy slaapkamer waar hy eers skoon klere wil kry. Hy wonder wat nou aangaan. Wil sy saam stort?

“En dit?” vra hy en beduie na haar tas wat langs sy bed staan. “Het Siena nie vir jou jou kamer gewys nie?”

“Het sy jou dan nie gesê nie? Ek het haar gevra om my goed in jou kamer te sit, want ons gaan saam slaap,” boul sy hom uit.

Sy knieë word lam en hy gaan sit op die kant van die bed. “Is jy nou ernstig, Naomi?” vra hy verbaas.

“Jip! Ek gaan jou opgebruik die naweek. ’n Vrou het ook behoeftes en die manne in die dorp is skrikkerig vir my. Kom, moenie so onskuldig lyk nie!” Sy kyk hom aan met tienduisend sterre in haar oë. “Take it or leave it,” sê sy dan parmantig, en hy gryp haar, druk haar op die bed vas en soen haar dat haar ore tuit.

Hy begin met haar vroetel, maar sy keer. “Kom ons gaan stort eers,” sê sy.

Hy trek haar op en hulle begin mekaar uittrek. Dit is een te veel vir hom toe sy kaal voor hom staan. Haar lyf is ferm en gespierd soos dit ’n liggaamsbouer betaam. Haar tieties is bolletjies en haar poesie vertoon klein en styf in haar mik. Hy het nou net een begeerte, en dit is om sy piel diep in haar in te druk.

“Naomi, asseblief! Ek sal later vergoed vir die voorspel, maar ek begeer jou nou met ’n brandende passie,” sê hy.

Sy gaan lê agteroor op die bed en sy voël voel of hy wil bars van lus. Sy lyk klein en sy piel is ’n boomstomp. Hy buk en vou sy mond om haar skaamlippe. Sy wil eers nie, maar sy lippe is reeds oor haar klit. Sy wil eers wal gooi omdat sy nie gestort het nie, maar die oomblik toe hy dit proe, is daar geen keer meer nie. Sy smaak na pure seks en hy begin lek en suig. Haar klit is ook nou stokstyf. Sy begin ruk en hy besef sy is baie sensitief daar. Sy een vinger gaan styf in as hy haar G-kol soek, en hy besef sy is rêrig klein. Hy skuif ná ’n rukkie op en druk sy voëlkop teen haar lieflike gleuf. Hy druk sy piel stadig in en sy maak haar bene wyd oop. Hy werk hom in en uit en al hoe dieper. Sy is gelukkig baie nat. Haar naels boor in sy skouers en sy hyg na asem. Sy maak haar oë oop.

“O vrek, Juan, dis lekker! Ek het dit baie lanklaas gevoel,” sê sy as hy hom stadig, stadig inwerk. Haar doos is fantasties styf en hy besef die wrywing gaan al sy beheer toets. Hy begin nou vinniger gaan, met kort ritmiese hale. Hulle klou mekaar vas as hulle deur die momentum meegesleur word. Hy voel hoe sy bewe en hy besef sy gaan nou enige tyd kom. Sy gooi haar bene om hom en probeer ’n gil onderdruk toe sy soos ’n vulkaan uitbars. Hy voel die krag in haar arms as sy hom vasgryp, en dan eers begin hy weer ritmies in en uit beweeg.

“Juan, ek kom baie vinnig en soms aanhoudend,” hyg sy. Hy voel hoe sy voëlkop haar G-kol vind en hy konsentreer daarop tot sy weer jubelend kom.

“Sjoe, maar jy is groot,” snak sy na asem. “Dis onbeskryflik lekker, maar jy sal saggies moet werk, anders gaan ek seer wees ná die naweek. Ek is nie gewoond daaraan nie. Gelukkig het ek ’n botteltjie KY-jellie saamgebring om te help,” sê sy half skaam.

Juan begin weer stadig en intens met kort steke. Toe hy voel sy gaan vir die vierde keer kom, laat waai hy en pomp haar so vol dat die kom by haar vagina uitborrel. Die hele deken is sopnat en haar boudjies blink van die sap. Sonder om te huiwer sak hy af en lek haar tot in haar holletjie. Sy wil keer, maar dis te lekker vir haar. Hy geniet dit ook en kan nie ophou daarmee nie. Hy soen haar van kop tot tone en sy giggel as hy haar onder haar voete soen … aha, sy is kielierig daar!

Juan moet hom van haar losskeur en hy gaan draai die stortkrane oop. Hulle klim in en hy begin haar was en soen elke plek wat hy was oor en oor. Sy vat sy ereksie vas en was dit dat dit rukkend in haar hand rondspring.

“Jy is baie erg, meneer, en ek is mál daaroor,” sê Naomi.

Juan tel haar op en sy gooi haar bene om hom. Sy druk sy piel stadig in haar terwyl sy aan hom hang. Hy druk haar in die hoek van die stort vas met sy hande onder haar boude. Hy penetreer haar weer met kort hale en sy kom drie keer voor hy voel dat hy dit ook nie meer kan inhou nie. Wanneer hulle klaar gekom het, hang hulle moeg aan mekaar en hy soen haar of hy nooit weer wil ophou nie.

“Wow, ek dink ek het ’n hele week se gym-sessie agter die blad,” hyg sy as hulle tot verhaal kom.

Hulle droog hulle af en hy vra haar of hulle kaal kan loop, want hy wil daai lyf nie met klere aan sien nie. Sy stem in en dit word ’n fantastiese aand.

Hulle braai, drink rooiwyn en sy is vol grappies. Ná ete sit hulle land en sand en gesels in die jacuzzi en geniet weer fantastiese seks. Dit is hemels as sy wydsbeen op hom sit en self die pas aangee en hy haar tieties suig dat haar tepels lank en styf staan.

Teen eenuur die oggend gaan hulle bed toe en raak heerlik in mekaar se arms aan die slaap. Dit is egter van Marissa wat hy droom … en toe hy die oggend wakker word, dink hy amper dit is sy wat by hom in die bed is.

Hy word vinnig styf toe hy Naomi se boude teen sy penis voel. Sy is verbasend nat en hy penetreer haar stadig van agter af soos hulle daar lepellê, en dan word sy met ’n glimlag wakker.