Читать книгу Святой Сергий - Группа авторов - Страница 19

Пропове́дует держа́ва Росси́йская, богому́дре Се́ргие, труды́ твоя́ и боле́зни, бде́ние же и сухояде́ние, ра́ди душе́внаго твоего́ спасе́ния подъя́тыя, его́же ра́ди просла́ви тя Госпо́дь сла́вою Свое́ю Боже́ственною. Те́мже, я́ко рай насажде́нный, в Це́ркви яви́лся еси́, иму́щи дре́во жи́зни Самаго́ Го́спода, от Него́же вкуси́вшии вся ско́ро ги́бнущая в ми́ре сем презира́ют и ра́достно в прекра́сный виногра́д вы́шний вхо́дят, иде́же ты, предстоя́ Ему́, вопие́ши: Аллилу́иа.