Читать книгу Святой Сергий - Группа авторов - Страница 31

Благода́ть, да́нную ти от Бо́га, све́дуще, тебе́, присна́го на́шего ми́лостиваго отца́, приле́жно про́сим: проле́й ны́не те́плую твою́ моли́тву о нас, гре́шных, ко Го́споду, я́ко да презре́в вся на́ша согреше́ния, да́рует побе́ды на враги́, я́ко царю́ Константи́ну на Максе́нтиа, я́ко Давиду́ на Голиа́фа; держа́ву Росси́йскую да укрепи́т, Це́рковь Свою́ Святу́ю от ра́спрей и раско́лов незы́блему да сохрани́т, оби́лие вся́ких плодо́в земли́ да да́рует и вся правосла́вныя христиа́ны да спасе́т и поми́лует, чесого́ от Него́ твои́ми моли́твами улучи́ти ожида́юще, вопие́м Ему́: Аллилу́иа.