Читать книгу Полный православный молитвослов - - Страница 26

Молитва

О, Пресвята́я Влады́чице и Богоро́дице, высшая Херувим и честнейшая Серафим, Богоизбранная Отроковице, все́х скорбящих радосте! подаждь утешение и нам, в скорби сущим: разве бо Тебе́ инаго прибежища и помощи не имамы. Ты едина еси́ радости нашея Ходатаица, и яко Матерь Бо́жия и Ма́ти милосердия, предстоящи у престола Пресвяты́я Троицы, можеш и нам помощи: никто́же бо притекаяй к Тебе́ посрамлен отходит. Услыши убо и нас ныне, в день скорби, пред Твое́ю иконою припадающих и со слезами Тебе́ молящихся: отжени от нас належащия на нас скорби и печали в сей временней жизни, не лишены же ны сотвори Твои́м всесильным ходатайством и вечныя, нескончаемыя радости в Царствии Сы́на Твоего́ и Бо́га нашего. Ами́нь.