Описание книги
Олий маълумотли ҳамширалар ва тиббиёт коллежлари талабалари учун мўлжалланган ушбу ўқув дарслиги тиббиёт ҳамширасининг бугунги кунда аҳолининг турли гуруҳларига кўрсатадиган тиббий хизмати, унинг клиник тиббиёт соҳасидаги касбий амалий фаолияти ва уни бажариш асосларини ўз ичига олган. Дарсликда ҳамширанинг асосий касбий фаолияти, унинг одамларга кўрсатадиган тиббий ёрдамини, Жаҳон соғлиқни сақлаш ташкилотининг ҳамширалик иши бўйича тавсияларини ҳисобга олган ҳолда, аниқ ўқитиладиган клиник фанлар — педиатрия, терапия, жарроҳлик, акушерлик ва гериатрияда ҳамширалик жараёнини қўллаш муаммоларини имкон даражасида ёритишга ҳаракат қилинган.