Кая бара бу дөнья? / Куда катится этот мир?

Оглавление

Наиль Шарифуллин. Кая бара бу дөнья? / Куда катится этот мир?

Зыялылык әгәр җитмәсә…

Сыер дуласа, аттан яман, яки Феминизмның кайбер нәтиҗәләре

Ирекле мәҗбүри ясак, яки Рәхәт яшәү серләре

Мең тиленең күмәк акылы, яки Гыйлемлелек «зарары» хакында

«Печелгәнлек» бәласе, яки Татарда шәхесләр булырмы?

Яңа мөгез, яки Зиһен йокысы һәм албастылар турында

Яһүд реваншы, яки Дөньяга кемнәр хуҗа?

Артыкка киткән «эшлеклелек», яки Американың күпме гомере калды?

Коелмаган һәйкәлләр, яки Тарихлы тарихсызлык

Дәүләт эчендәге дәүләт

Прокруст ятагы, яки Стандартлашу белән саташу

Михнәтле рәхәтлек, Яки «Яшел елан» ятьмәсендә

Ике сайлау арасында

Галиҗәнап һәм каһәр төшкән акча

Фидакярләр кирәк

Исәннәргә кадер булмаганда…

Сакланганны Алла саклар, яки Авылларыбыз исәнлеге – милләтебезнең исәнлеге ул

Иманга кайтканда, яки Ышанабыз икән, без яшибез әле

Автомобиль – башны сызлаткан юаныч

Без бетәбез инде, сез каласыз

Башлардагы «җимереклек»

Аерыммы, әллә бергәме?

Яраттыра белмәгәч…

Авыл һәм шәһәр – бер ил, ике дөнья

Инкыйлабка сусау, яки Пар казанында басым күпме?

Нәфес намусны җиңсә…

Затсызлану, яки Сыйфатсыз сыйфатлар артканда…

Чирлелекне саклау, яки «Дәвалана башлыйбызмы, әллә бераз яшисеңме әле?»

Бөеклек бәласе, яки Ялган кыйблалар артыннан

Арба артына җигелгән ат

Авызлар томаланса…

Чистарт безне, кризис, яки Затсыз кыйммәтләр тозагында

«Пандора тартмасы», яки Бүгенге телевидение халыкка дусмы, дошманмы?

Яңа торгынлык, яки Халык өчен, ләкин халыктан башка

Мескенлектән дәва, яки Русиядә гражданлык җәмгыяте булырмы?

Чиләгенә күрә капкачы

Ялган ялгашыннан туенганда

Хыяллану зарары, яки Бүгенге көн Маниловлары

«Дилбегә тотучылар» һәм «атлар»

Отрывок из книги

Кайсы гына дәверләрне алма, барлык милләтләрнең, халыкларның да азмы-күпме асыл ул-кызлары, затлы шәхесләре булган. Андыйлар төп массадан, гавамнан үзләренең аңлылык дәрәҗәләре, киң карашлары, киләчәкне кайгыртулары, милләт өчен олы эшләргә әзер булулары, белемнәре белән генә түгел, ә күбесенчә батырлыклары, фидакяр гамәлләре белән аерылып торганнар. Ходай Тәгалә аларны, яралтканда ук, үзләрен хәстәрләү-кайгырту өчен түгел, бәлки, милләтнең алгарышы, абруе, бөеклеге хакына яралтадыр, ахрысы. Шигърияте белән чын каһарман – бөек Тукаебыз гына булмаса да, без бүген башка халыклар арасында бер башка түбәнрәк булыр идек. Исхакыйлар, Риза Фәхретдиннәр, Батыршаларыбыз булмаса – янә бер башка. Әмма сүз үткәндәге түгел, бүгенге асыл затларыбыз, аларга булган ихтыяҗ, кытлык, шул кытлык китереп торучы бәлаләр хакында иде…

Милләтнең көче, ныклыгы, иминлеге һәм шулар белән турыдан-туры бәйләнгән даны, дәрәҗәсе нәрсәдә? Әлбәттә, дәүләтле булуда. Әлбәттә, шанлы казанышларда, икътисади уңышларда, лаеклы тормыш-яшәешне кора, оештыра белү осталыгында, милләт вәкилләренең гыйлемлегендә. Ә гомумиләштереп әйткәндә, милләтнең көче – шул милләт ул-кызларының элек һәм бүген кылган, кылачак күркәм гамәлләрендә, ул гамәлләрнең дөнья масштабындагы урынындадыр. Ул халыкның башка халыкларга һәм үз-үзенә булган ихтирамындадыр.

.....

Мин Разил Вәлиевнең ипле уңган-булганлыгына сокланам. Интернет-форумнарда кайберәүләр язганча, аның өрми генә тешләвенә мөкиббән китәм. Чын зыялы нәкъ шулай булырга тиештер дә. Акырып-бакырып йөреп, бүгенге вазгыятьтә беркемгә дә бернәрсә исбатлый алмыйсың. Эзлекле, өзлексез рәвештә эшли алу сәләте кирәк. Вакыйгалар уртасында булу, нидер эшләр алдыннан, Мәскәү ягына карап алучы хакимият тирәсендә дә кайнау кирәк. Разил абый нәкъ менә шундый урында. Бу кешегә алдарак японнарга карата әйтелгән, безнең татарда сирәк күзәтелгән тыйнак батырлык хас.

Өлкәнәйсә дә, безнең чын көрәшчебез, легендар Фәндәс ага Сафиуллиныбыз бар. Тик соңгы араларда ул «урамга» бик сирәк чыга. Интеллигентлык белән ипле агрессивлыкны үзенә сыйдырган, әйткән һәр сүзен язып барырлык милләттәшебезне бүген махсус рәвештә күләгәдә тоталармы әллә, белмим. Минем аны мөмкин булган кадәр активрак булырга чакырасым килә. Исраф ителмәгән милли зыялылык потенциалы ул кешедә, миңа калса, күп әле.

.....