Читать книгу Иван Белояр. Советы «колдуна» - Николай Николаевич Наседкин - Страница 7

Молитва есть благоговейная, смиренная беседа человека с Богом. Она умиротворяет сердце. В молитвах человек обращается с просьбой к Господу нашему Иисусу Христу, Божией Матери или ко святым, а также благодарит Всевышнего за милости и благодать. Произнося молитву, необходимо вдумываться в каждое слово, молиться нужно сосредоточенно и тогда, как сказано в Евангелии от Матфея: «Просите, и дано будет».

Особенно усердно надо молиться за усопших, ибо сами они за себя просить-молиться не могут. Далее даны тексты полных молитв за усопших, которые следует читать в дни их поминовения и в Родительские субботы.

Молитва родителей за усопших детей

Господи Иисусе Христе, Боже наш, Владыко живота и смерти, Утешителю скорбящих! С сокрушенным и умиленным сердцем прибегаю к Тебе  и молюся Ти: помяни, Господи, во царствии Твоем усопшаго раба Твоего /рабу Твою/, чадо моё /имя/, и сотвори ему /ей/ вечную память. Ты, Владыко живота и смерти, даровал еси мне чадо сие. Твоей же благой и премудрой роле изволися и отъяти е у мене. Буди благословенно имя Твое, Господи. Молю Тя,  Судие неба и земли, бесконечно любовию Твоею к нам, грешным, прости усопшему чаду моему вся согрешения его, вольная и невольная, яже словом, яже делом, яже ведением и неведением. Прости,  милостиве, и наша родительская согрешения, да не пребудут они на чадех наших: вем, яко множицею согрешихом пред Тобою, множицею не соблюдохом, не сотворихом, якоже заповедал еси нам. Аще же усопшее чадо наше, нашея или своея ради вины, бяше в житии сем, работая миру и плоти своея, и не паче Тебе,  Господу и Богу своему: аще возлюби прелести мира сего, а не паче слово Твое и заповеди Твоя, аще предравшеся сластей житейским, а не паче сокрушению о гресех своих, и в невоздержании бдение, пост и молитву забвению предавше, – молю Тя усердно, прости, преблагий Отче, чаду моему вся таковыя прегрешения его, прости и ослаби, аще и ино злое сотвори в житии сем. Христе Иисусе! Ты воскресил еси дщерь Иаира по вере и молитве  отца ея. Ты исцелил еси дщерь жены – хананеянки по вере и прошению матери ея: услыши убо и молитву мою, не презри и моления моего о чаде моем. Прости, Господи, вся согрешения его и, простив и очистив душу его, изми муки вечныя и всели е со всеми святыми Твоими, от века благоугодившими Тебе, идеже несть болезнь, ни печаль, ни воздыхание, но  жизнь бесконечная: яко несть человек, иже жив будет и не согрешит, Ты един кроме греха: да егда имаши судити мирови, услышит чадо моё превожделенный глас Твой: приидите, благословении Отца Коего, и наследуйте уготованное вам царствие от сложения мира.  Яко Ты еси Отец милостей и щедрот, Ты живот и воскрешение наше, и Тебе славу воссылаем со Отцем и Святым Духом, ныне и присно, и во веки веков. Аминь.

Детей за родителей

Господи, Иисусе Христе, Боже наш! Ты – сирых хранитель, скорбящих прибежище и плачущих утешитель. Прибегаю к Тебе аз, сирый, стеня и плача, и молюся Тебе: услыши моление моё и не отврати лица Твоего от воздыханий сердца моего и от слез очей моих. Молюся Тебе, милосердный Господи, утоли скорбь мою о разлучении с родившим /-ей/ и воспитавшим /-ей/ мя, родителем моим /матерью моею/ и м я, душу же его /ея/, яко отошедшею /ия/ к Тебе с истинною верою в Тя и твёрдою надеждою на Твое человеколюбие и милость, приими в царство Твое небесное. Преклоняюсь пред Твоею святою ролею, ею же отъят /-а/ бысть /отьяти быша/ у мене, и прошу Тя, не отыми точию от него /нея или них/ милости и благосердия Твоего. Вем, Господи, яко Ты, Судия мира сего, грехи и нечистия отцев наказуеши в детях, внуках и правнуках даже до третъяго и четвёртаго рода: но и милуеши отцев за молитвы и добродетели чад их, внуков и правнуков. С сокрушением и умилением сердца молю Тя, милостивый Судие, не наказуй вечным наказанием усопшаго /-ую/ незабвеннаго   /-ую/ для мене раба /-у/ Твоего /-ю/, родителя моего /матерь мою/ и м я, не отпусти ему /ей/ вся согрешения его /ея/ вольная и невольная, словом и делом, ведением и неведением сотворенная им /ею/ в житии его /ея/ зде на земле, и по милосердию и человеколюбию Твоему, молитв ради Пречистыя Богородицы и всех святых, помилуй его /ю/ и вечныя муки избави. Ты, милосердный Отче отцев и чад! Даруй мне, во вся дни  жизни моея, до последняго издыхания моего, не преставати памятовати о усопшем родителе моем /матери моея/ в молитвах своих, и умоляти Тя, праведнаго Судию, да вчиниши его /ю/ в месте светле, в месте прохладне и вместе  покойне, со всеми  святыми, отнюду же отбеже всяка болезнь, печаль и воздыхание. Милостиве Господи! Приими днесь о рабе Твоем /Твоей/,  им  я,  теплую молитву мою сию и воздай ему /ей/ воздаянием Твоим за труды и попечения воспитания моего в вере и христианском благочестии, яко научившему /-ей/ мя первее всего ведети Тя, своего Господа, в благовении молитися Тебе, на Тебе единого уповати в бедах, скорбех и болезнех и хранити заповеди Твоя; за благопопечение его /ея/ о моем духовном преуспеянии, за тепле приносимыя им /ею/ о мне моления пред Тобою и за все дары, им /ею/ испрошенные мне от Тебе, воздай ему /ей/ Своею милостию. Своими небесными благами  и радостями в вечном царствии Твоем. Ты  бо еси Бог малостей и щедрот и человеколюбия. Ты покой и радость  верных рабов Твоих, и Тебе славу воссылаем со Отцем и  Святым духом, и ныне, и присно, и во веки веков. Аминь.

Молитва лишившегося супруги

Христе Иисусе, Господи и вседержителю! В сокрушении  и умилении сердца моего молюся Тебе: упокой, Господи, душу усопшия рабы Твоея,  и м я, в небесном царствии Твоем. Владыко Вседержителю! Ты благословил еси супружеский союз мужа и жены, егда рекл еси: не добро быти человеку единому, сотворим ему помощника по нему. Ты освятил еси союз сей во образ духовнаго союза Христа с Церковию. Верую, Господи, и исповедую, яко Ты благословил еси сочетари и мене сим святым союзом с единою из рабынь Твоих.  Твоей же благой и премудрой воле изволися отьяти у мене сию рабу Твою, юже дал еси мне, яко помощнику и сопутницу жизни моея.  Преклоняюся пред сею Твоею волею, и молюся Ти от всего сердца моего, приими моление мое сие о рабе Твоей,  и м я, и прости ей, аще согреши словом, делом, помышлением, ведением и неведением; аще земное возлюби паче небеснаго; аще о одежде и украшении  тела своего печеся паче, неже о просвещении одеяния души своея; или аще небреже о чадех своих; аще преогорчи кого словом или делом; аще поропта в сердцем своем на ближняго своего или осуди кого или ино что от таковых злых содела. Вся сия прости ей, яко благий и человеколюбивый: яко несть человек, иже жив будет и не согрешит. Не вниди в суд с рабою Твоею, яко созданием Твоим, не осуди ю по грехом ея на вечныя муки, но пощади и помилуй по велицей милости Твоей. Молю и прошу Тя, Господи, сил  даруй мне по вся дни жизни моея не преставати молитися о усопшей  рабе Твоей, и даже до кончины живота моего просити ей у Тебе, Судии всего мира, оставления согрешения ей. Да яко же Ты, Боже, положил еси на главу ея венец от камене честна, венчая ю зде на земли; тако увенчай ю вечною Твоею славою в небесном царствии Твоем, со всеми Святыми, тамо ликующими, да вкупе с ними вечно воспевает всесвятое имя Твое с Отцем и Святым Духом. Аминь.

Молитва вдовицы за супруга

Христе Иисусе, Господи и Вседержителю!  Ты – плачущих утешение, сирых и вдовиц заступление. Ты рекл еси: призовя  Мя в день скорби Твоея, и изму тя. Во дни скорби своея прибегаю к Тебе аз и молюся Ти: не отврати лица Твоего от мене и услыши моление мое, приносимое Тебе со слезами. Ты, Господи Владыко всяческие, благоволил еси сочетати мя со едином из рабов Твоих, во еже быти нам едино тело и един дух; Ти дал еси мне сего раба, яко сожителя и защитника. Твоей же благой и премудрой воле изволися отъяти от мене сего раба твоего и оставити мя едину. Преклоняюся пред сею Твоею волею и к Тебе прибегаю во дни скорби моея: утоли печаль мою о разлучении с рабом Твоим, другом моим. Аще отъял еси его от мене, не отыми от мене Своея милости. Якоже некогда принял еси вдовицы две лепты, тако приими и сие моление мое. Помяни, Господи,  душу усопшаго раба Твоего,  и м я, прости ему все согрешения его, вольная и невольная, аще словом, аще делом, аще ведением и неведением, не погуби его со беззаконми его и не предаждь вечной муки, но по велицей милости Твоей и по множеству щедрот Твоих ослаби и прости вся согрешения его и вчини его со святыми Твоими, идеже несть болезнь, ни печаль, ни воздыхание,  но жизнь бесконечная. Молю и прошу Тя, Господи, даруй ми во вся дни жизни моея  не преставати молитися о усопшем рабе Твоем, и даже до исхода моего просити у Тебе, Судии всего мира, оставления всех согрешений его и вселения его в небесный обители, яке еси уготовал любящим Тя. Яко аще бо и согреши, но не отступи от Тебе, и несумненно Отца и Сына  Святаго Духа православно даже по последняго своего издыхания исповеда; тем же веру его, яже в Тя, вместо дел ему вмени: яко несть человек, иже жив будет и не согрешит. Ты един кроме греха, и правда Твоя – правда во веки. Верую, Господи, и исповедую, яко Ты услышиши моление мое и не отвратиши лица Твоего от мене.  Видя вдовицу, зельно плачущу, умилосердився, сына ея, на погребение несома, воскресил еси: тако, умллосердився, утиши и скорбь мою. Яко же отверзл еси рабу Твоему Феофилу, отшедшему к тебе, двери милосердия Твоего и простил  еси ему прегрешения его по молитвам святыя Церкве Твоея внемля молитвам и милостыням супруги его: сице и аз молю Тя, приищи и мое моление о рабе Твоем, и введи его в жизнь вечную. Яко Ты еси упование наше, Ты еси Бог, еже миловати и спасати, и Тебе славу воссылаем со Отцем и Святым Духом, ныне и присно и во веки веков. Аминь.

* * * 

Христианин должен молиться постоянно: утром, в течение дня и вечером, при начинании каждого благого дела и заканчивая его. Ниже приводятся основные молитвы на каждый день.

I. МОЛИТВЫ УТРЕННИЕ

Утром, проснувшись, надо прежде всякого другого дела стать благоговейно и, сотворив крестное знамение, произнести: «Во имя Отца и Сына и Святаго Духа. Аминь».

А затем произнести без поспешности, со вниманием сердечным, представляя себя пред Спасителем нашим, следующие молитвы:

– Боже, милостив буди мне грешному!

– Господи, Иисусе Христе, Сыне Божий, молитв ради пречистыя Твоея Матере и всех святых, помилуй нас. Аминь.

– Слава Тебе, Боже наш, слава Тебе.

– Царю небесный, Утешителю, Душе истины, Иже везде сый и вся исполняяй, Сокровище благих и жизни Подателю, прииди и вселися в ны, и очисти ны от всякия скверны и спаси, Блаже, души наша.

– Святый Боже, Святый Крепкий, Святый Бессмертный, помилуй нас /трижды/.

– Слава Отцу и Сыну и Святому  Духу, и ныне и присно и во веки веков. Аминь.

– Пресвятая Троице, помилуй нас; Господи, очисти грехи наша; Владыко, прости беззакония наша; Святый, посети и исцели немощи наша имене Твоего ради.

– Господи, помилуй /трижды/.  Слава и ныне.

– Отче наш, Иже еси на небесех! Да святится имя Твое, да приидет царствие Твое, да будет воля Твоя, яко на небеси и на земли. Хлеб наш насущный даждь нам днесь; и остави нам долги наша, якоже и мы оставляем должникам нашим; и не введи  нас во искушение, но избави нас от лукаваго.

Символ веры. Верую во единаго бога Отца, Вседержителя, Творца небу и земли, видимым же всем и невидимым. И во единаго Господа Иисуса Христа, Сына Божия, единороднаго, Иже от Отца рожденного прежде всех век; Света от Света, Бога истинна от Бога истинна, рожденна, несотворенна, единосущна Отцу, Им же вся быша. Нас ради человек и нашего ради спасения сшедшаго с небес и воплотившагося от Духа Свята и Марии Девы, и вочеловечшася. Рапятаго за ны при Понтийстем Пилате и страдавша, и погребена. И воскресшаго в третий день по Писанием. И возшедшаго на небеса, и седяща  одесную Отца. И паки грядущаго  со славою судити живым и мертвым. Его же Царствию не будет конца. И в Духа Святаго,  Господа, животворящаго, иже от Отца исходящаго, иже с Отцем и Сыном спокланяема и сславима, глаголавшаго пророки.  Во  едину Святую, соборную и Апостольскую церковь. Исповедую едино крещениево осталение грехов. Чаю воскресение мёртвых, и жизни будущаго века. Аминь.

Молитва Ангелу Хранителю. Святый Ангеле, предстояй окаянней моей души  и страстней моей жизни, не остави мене грешнаго, ниже отступи от мене за невоздержание мое. Не даждь места лукавому демону обладати мною насильством смертнаго сего телесе; укрепи бедствущую и худую мою руку и настави мя на путь спасения. Ей, святый Ангеле Божий, хранителю и покровителю окаянныя моея души и тела, вся мне прости, еликими тя оскорбих во вся дни сирота моего, и аще что согреших в прешедшую нощь сию, покрый мя в настоящий день и сохрани мя от всякаго искушения противнаго, да ни в коем гресе прогневаю Бога, и молися за мя ко Господу, да утвердит мя в страсе Своем, и достойна покажет мя раба Своея благости. Аминь.

Молитва Пресвятой Богородице. Пресвятая Владычице моя Богородице, святыми Твоими и всесильными мольбами отжени от мене, смиреннаго и окаяннаго раба Твоего, уныние, забвение, неразумие, нерадение, и вся скверная, лукавая и хульная помышления от окаяннаго моего сердца и от помраченнаго ума моего; и погаси пламень страстей моих, яко нищ есмь и окаянен; и избави мя от многих и лютых воспоминаний и предприятий, и  от всех действ злых свободи мя: яко благословенна еси от всех родов, и славится пречестное имя Твое во веки веков. Аминь.

Молитвенное призывание святого, имя которого носишь. Моли Бога о мне, святый угодниче Божий /имя/, яко аз усердно к тебе прибегаю, скорому помощнику и молитвеннику о душе моей.

    Песнь Пресвятой Богородице. Богородице Дево, радуйся, Благодатная Марие, Господь с Тобою; благословенна Ты в женах и благословен плод чрева Твоего, яко Спаса родила еси душ наших.

Тропарь Кресту и молитва за Отечество. Спаси, Господи, люди Твоя и благослови достояние Твое, победы на сопротивныя даруя, и Твое сохраняя Крестом Твоим  жительство.

Молитва о живых. Спаси, Господи, и помилуй отца моего духовнаго, родителей моих, сродников, начальников, наставников, благодетелей /имена везде поочерёдно/ и всех православных христиан.

Молитва о усопших. Упокой, Господи, души усопших раб Твоих: родителей моих, сродников, благодетелей /имена везде/ и всех православных христиан, и прости им все согрешения вольная и невольная, и даруй им Царствие Небесное.

Окончание утренних молитв. Достойно есть яко воистину блажити Тя, Богородицу, Присноблаженную и Пренепорочную и Матерь Бога нашего. Честнейшую херувим и славнейшую без сравнения Серафим, без истления Бога Слова рождшую, сущую Богородицу Тя величаем.

– Слава и ныне. Господи, помилуй /трижды/.

– Господи, Иисусе Христе, Сыне Божий, молитв ради Пречистыя Твоея Матере, преподобных и Богоносных отец наших и  всех святых, помилуй нас. Аминь.

II. МОЛИТВЫ В ПРОДОЛЖЕНИЕ ДНЯ

Не забывайте уделить толику вашего времени молитве, и с Божией помощью все дела ваши претворятся в жизнь успешнее.

Молитва перед началом всякого дела. Господи Иисусе Христе, Сыне Единородный Безначальнаго Твоего Отца, Ты рекл еси пречистыми усты Твоими: яко без Мене не можете творити ничесоже. Господи  мой, Господи, верою объемь в души моей и сердце тобою реченная, припадая Твоей благости: пимози ми грешному сие дело, мною начинаемо, о Тебе Самем совершити, во имя Отца и Сына и Святаго Духа. Аминь.

По окончании всякого дела. Дополнение всех благих Ты еси, Христе мой, исполни радости и веселая душу мою и спаси мя, яко един Многомилостив.

Перед учением. Преблагий Господи, ниспосли нам благодать Духа Твоего Святаго, дарствующаго и укрепляющаго душевныя наша силы, дабы внимающе преподаваемому  нам учению, возрасли мы Тебе, нашему Создателю, во славу, родителям же нашим на утешение, Церкви и Отечеству на пользу.

После учения. Благодарим Тебе,  Создателю, яко сподобил еси нас благодати Твоея, во еже  внимати учению. Благослови наших начальников, родителей  и учителей, ведущих нас к познанию блага, и подаждь  нам силу и крепость к продолжению учения сего.

Перед принятием пищи. Отче наш, Иже еси на небесех!.. /см. в молитвах утренних/.

После принятия пищи. Благодарим Тя, Христе Боже наш, яко насытил еси нас земных  Твоих благ; не лиши нас и Небеснаго Твоего Царствия; но яко посреде учеников Твоих пришел еси, Спасе, мир дая им, прииди и к нам, и спаси нас.

III. МОЛИТВЫ НА СОН ГРЯДУЩИЙ

– Во имя Отца и Сына и Святаго духа. Аминь.

– Господи  Иисусе Христе, Сыне Божий, молитв ради Пречистыя Твоея  Матере, преподобных и Богоносных отец наших и всех святых, помилуй нас. Аминь.

– Слава тебе, Боже наш, слава Тебе, Царю Небесный… (и далее – повторить все утренние молитвы вплоть до  «Отче наш»).

* * *

И, завершая первый раздел книги, хочу дать главный и основополагающий совет: обретите веру в  Господа нашего Иисуса Христа, научитесь молиться всем сердцем и вы сами почувствуете,  как легче станет вам жить, как ослабнут  тяготы повседневного бытия, отступит одиночество, в душе  упокоятся  тишь и благодать.

Обязательно надо иметь дома полный православный молитвослов и помимо ежедневных молитв, приведённых мною,  полезно для души знать все молитвы и по мере необходимости и душевной потребности произносить-читать их перед образами.

И, разумеется, надо иметь дома Библию или Новый Завет и находить время, чтобы раскрыть священную книгу и читать её.  Ещё раз повторю: с Господом в сердце любая жизнь легка!