Читать книгу The Complete Works - Роберт Бернс, Robert Burns - Страница 150
THE POETICAL WORKS OF ROBERT BURNS
CXLVIII. THE HERON BALLADS
Оглавление[BALLAD FIRST]
[This is the first of several party ballads which Burns wrote to serve Patrick Heron, of Kerroughtree, in two elections for the Stewartry of Kirkcudbright, in which he was opposed, first, by Gordon of Balmaghie, and secondly, by the Hon. Montgomery Stewart. There is a personal bitterness in these lampoons, which did not mingle with the strains in which the poet recorded the contest between Miller and Johnstone. They are printed here as matters of poetry, and I feel sure that none will be displeased, and some will smile.]
I.
Whom will you send to London town,
To Parliament and a’ that?
Or wha in a’ the country round
The best deserves to fa’ that?
For a’ that, and a’ that;
Thro Galloway and a’ that;
Where is the laird or belted knight
That best deserves to fa’ that?
II.
Wha sees Kerroughtree’s open yett,
And wha is’t never saw that?
Wha ever wi’ Kerroughtree meets
And has a doubt of a’ that?
For a’ that, and a’ that,
Here’s Heron yet for a’ that,
The independent patriot,
The honest man, an’ a’ that.
III.
Tho’ wit and worth in either sex,
St. Mary’s Isle can shaw that;
Wi’ dukes and lords let Selkirk mix,
And weel does Selkirk fa’ that.
For a’ that, and a’ that,
Here’s Heron yet for a’ that!
The independent commoner
Shall be the man for a’ that.
IV.
But why should we to nobles jouk,
And it’s against the law that;
For why, a lord may be a gouk,
Wi’ ribbon, star, an’ a’ that.
For a’ that, an’ a’ that,
Here’s Heron yet for a’ that!
A lord may be a lousy loun,
Wi’ ribbon, star, an’ a’ that.
V.
A beardless boy comes o’er the hills,
Wi’ uncle’s purse an’ a’ that;
But we’ll hae ane frae ‘mang oursels,
A man we ken, an’ a’ that.
For a’ that, an’ a’ that,
Here’s Heron yet for a’ that!
For we’re not to be bought an’ sold
Like naigs, an’ nowt, an’ a’ that.
VI.
Then let us drink the Stewartry,
Kerroughtree’s laird, an’ a’ that,
Our representative to be,
For weel he’s worthy a’ that.
For a’ that, an’ a’ that,
Here’s Heron yet for a’ that,
A House of Commons such as he,
They would be blest that saw that.
