Читать книгу Акафист Пресвятой Богородице в честь иконы Ее Феодоровская - Сборник - Страница 7

Име́в по́мысл стяжа́ти да́руемое небе́сное сокро́вище, лик Твой све́тлый, Богома́ти, второ́е простре́ держа́вный ру́ку к о́бразу нисше́дшему; у́зрев же па́ки его́ восхожде́ние, ско́ро по́йде во град и пове́да о бы́вших ему́ освяще́нному собо́ру, да прише́дше и ви́дяще ико́ны Твоея́ явле́ние возопию́т с ним ве́рнии:

Ра́дуйся, Цари́це Небесе и земли́; ра́дуйся, престо́ле Царя́ ца́рствующих.

Ра́дуйся, Пренепоро́чная Де́во; ра́дуйся, Ма́ти Непристу́пнаго Све́та.

Ра́дуйся, честне́йшая Херуви́м; ра́дуйся, сла́внейшая без сравне́ния Серафи́м.

Ра́дуйся, Небе́сными Си́лами велича́емая; ра́дуйся, от всех земноро́дных ублажа́емая.

Ра́дуйся, неизрече́нное весе́лие А́нгелов; ра́дуйся, ве́нче ца́рственный всех проро́ков и апо́столов.

Ра́дуйся, правосла́вия Христо́вы Це́ркве огражде́ние; ра́дуйся, всех суему́дрых уче́ний и ересе́й низложе́ние.

Ра́дуйся, Ма́ти Бо́жия, Предста́тельнице и Засту́пнице на́ша усе́рдная.