Читать книгу Акафист Пресвятой Богородице в честь иконы Ее «Достойно есть» - Сборник - Страница 3

Арха́нгел Гаврии́л с небесе́ по́слан бысть от Тебе́́, Богоро́дице, к смире́нному послу́шнику горы́ Афо́нския, в пусты́нней ке́лии воспева́вшему Ти хвале́бныя пе́сни пред свято́ю Твое́́ю ико́ною, да научи́т его́ пе́ти песнь небе́сную, е́юже славосло́вят Тя А́нгели в Сио́не го́рнем. Те́мже и мы до́льнии, воспомина́я таково́е Твое́́ о лю́дех благопромышле́ние, со благодаре́нием вопием Ти си́це:

Ра́дуйся, досто́йно восхваля́емая от Арха́нгел и А́нгел; ра́дуйся, ублажа́емая от всех небе́сных сил.

Ра́дуйся, присноблаже́нная и пренепоро́чная; ра́дуйся, Ма́ти Бо́га нашего.

Ра́дуйся, честне́йшая Херуви́м; ра́дуйся, сла́внейшая без сравне́ния Серафи́м.

Ра́дуйся, без истле́ния Бо́га Сло́ва ро́ждшая; ра́дуйся, вои́стину су́щая Богоро́дице.

Ра́дуйся, велича́емая на небеси́́ и на земли́; ра́дуйся, воспева́емая го́рними и до́льними.

Ра́дуйся, еди́на благослове́нная в жена́х; ра́дуйся, израсти́вшая нам Плод живота́.

Ра́дуйся, христиа́ном Помо́щнице и милосе́рдая о гре́шных Предста́тельнице.