Читать книгу Қаншыр мен бөдене - Шəкəрім Құдайбердіұлы - Страница 1

Бір қаншырға айтыпты бөдене кеп:

– Сен үшін қатты уайым қыламын, –  деп, –

Солаңдаған байғұсың ұшуға олақ,

Бір күні кетеді ғой тұрымтай жеп?

Қаншыр айтты:

– Қаупім жоқ тұрымтайдан,

Шықпаймын қалың қамыс, қопа-сайдан.

Мен сендей жалтаң жерге оттамаймын,

Тығылған соң мені алып жейді қайдан?

Бөдене айтты:

– Қамысың тыныс емес,

Босқа арықтап жүргенің дұрыс емес.

Айламен-ақ алғызбай кетіп жүрміз,

Тұрымтайың біздерге жұмыс емес.

Жүз құбылып, қуланып, жылпалақтап,

Таңырқатты қаншырды өзін мақтап: