Читать книгу Исцеляющие молитвы к православным святым - Светлана Ермакова - Страница 12

Этот образ Пресвятой Богородицы очень любим верующими, и он есть в каждом русском православном храме. На иконе перед Богоматерью с Божественным Младенцем стоит на коленях человек. Историю чудесного обретения иконы Божией Матери «Нечаянная радость» поведал в своем труде «Руно орошенное» святитель Дмитрий Ростовский. Он пересказывает древнее церковное предание, согласно которому один человек, промышлявший разбойничьим делом, перед очередным нападением всякий раз приходил в церковь и молился у образа Божией Матери, испрашивая у нее помощи в своих недобрых делах. Он всегда начинал молитву словами: «Радуйся, Благодатная!».

Однажды, читая молитву, разбойник вдруг увидел, как Богородица и Младенец ожили, тело Иисуса покрылось ранами, из которых сочилась кровь. Разбойник в страхе воскликнул: «О Владычица! Кто сделал это?». На что Богородица ответила: «Это твоих рук дело. Ты и другие грешники своими богопротивными делами распинаете Сына Моего, как это делали когда-то иудеи». Разбойник упал на колени и стал молить Пресвятую Деву о прощении и помиловании. Тогда Матерь Божия обратилась к Иисусу Христу, но получила отказ. Она встала с трона и хотела упасть перед Ним на колени, но Сын не позволил Ей этого и простил разбойника из уважения к Матери. Он повелел грешнику облобызать Свои раны. Лишь только разбойник прикоснулся губами к кровоточащим ранам, видение исчезло. Но с того момента грешник раскаялся и оставил свой разбойничий промысел.

К иконе Божией Матери «Нечаянная радость» люди приходят тогда, когда отчаяние овладевает их сердцем. Они умоляют Пресвятую Богородицу о помощи и заступничестве. Ей молятся о даровании прощения за грехи и постыдные поступки, просят об избавлении от наркомании и пьянства. Кроме того, молитвы перед этой чудотворной иконой помогают излечить болезни ушей и глухоту.

Дни празднования иконы Божией Матери «Нечаянная радость» – 14 мая (1 мая по старому стилю) и 22 декабря (9 декабря по старому стилю).

«Иные долго молятся и не чувствуют сердечной теплоты, а другие скоро сподобляются благодатного утешения. Различное действие благодати в этом отношении приводит к мысли о мудром домостроительстве Божием: если дар получается без труда, то мы не всегда ценим его и легко утрачиваем, а приобретаемое усиленными трудами храним как драгоценное сокровище».

Тропарь (глас 4-й)

Днесь вернии людие духовно торжествуем, прославляюще Заступницу усердную рода христианскаго и притекающе к Пречистому Ея образу, взываем сице: о, Премилостивая Владычице Богородице, подаждь нам нечаянную радость, обремененным грехи и скорбьми многими, и избави нас от всякаго зла, молящи Сына Твоего, Христа Бога нашего, спасти души наша.

Молитва (вариант 1)

О, Пресвятая Дево, Всеблагого Сына Мати Всеблагая, града сего покрове, всех сущих во гресех, скорбех, бедах и болезнех верная Предстательнице и Заступнице! Приими молебное пение сие от нас, недостойных рабов Твоих, Тебе возносимое; и якоже древле грешника, на всяк день многажды пред честною иконою Твоею молившагося, не презрела еси, но нечаянную радость покаяния тому даровала еси, и усердным к Сыну Твоему ходатайством Сего ко прощению грешника преклонила еси, тако и ныне не презри моления нас, недостойных раб Твоих, но умоли Сына Твоего и Бога нашего, да и всем нам, с верою и умилением пред цельбоносным образом Твоим покланяющимся, по коегождо потребе нечаянную радость дарует; да вси на небеси и на земли видят Тя, яко твердую и непостыдную Предстательницу рода христианского, и сие ведуще славят Тя и Тобою Сына Твоего со Безначальным Его Отцем и Единосущным Его Духом ныне и присно и во веки веков. Аминь.

Молитва (вариант 2)

О, Пресвятая Дево, Всеблагого Сына Мати Всеблагая, града сего Покровительнице, всех сущих во гресех, скорбех, бедах и болезнех верная Предстательнице и Заступнице! Приими молебное пение сие от нас, недостойных рабов Твоих, Тебе возносимое, и якоже древле грешника, на всяк день многажды пред честною иконою Твоею молившагося, не презрела еси, но даровала еси ему нечаянную радость покаяния и преклонила еси Сына Твоего многим и усердным к нему ходатайством ко прощению сего грешнаго и заблудшагося, тако и ныне не презри моления нас, недостойных рабов Твоих, и умоли Сына Твоего и Бога нашего, да и всем нам с верою и умилением покланяющимся пред цельбоносным образом Твоим, дарует нечаянную по коегождо потребе радость: пастырем церковным – святую ревность о спасении пасомых; грешником, погрязшим во глубине зол и страстей, – вседейственное вразумление, покаяние и спасение; сущим в скорбех и печалех – утешение; обретающимся в бедах и озлоблениях – совершенное сих избытие; малодушным и ненадежным – надежду и терпение; в радости и довольстве живущим – непрестанное Благодетелю Богу благодарение; бедствующим – милосердие; сущим в болезни и долгонедужии и оставленным врачами – нечаянное исцеление и укрепление; иждившим от недуга ум – ума возвращение и обновление; отходящим в вечную и нескончаемую жизнь – память смертную, умиление и сокрушение о гресех, дух бодр и твердую на милосердие Божие надежду. О, Госпоже Пресвятая! Умилосердися ко всем, чтущим Всечестное имя Твое, и всем яви всемощный покров Твой и заступление; во благочестии, чистоте и честнем жительстве пребывающия до последняго их скончания во благости соблюди; злыя благи сотвори; заблудшия на путь правый настави; всякому делу благому и Сыну Твоему угодному споспешествуй; всякое дело злое и богопротивное разруши; в недоумении и трудных и опасных обстояниих обретающимся незримую помощь и вразумление с небесе низпосли; от искушений, соблазнов и погибели спаси; от всех злых человек и от врагов видимых и невидимых защити и сохрани; плавающим сплавай; путешествующим спутешествуй; сущим в нужде и гладе буди Питательница, неимущим крова и пристанища буди Покров и Прибежище; нагим подаждь одеяние; обидимым и от неправд страждущим – заступление; клевету, поношение и хуление терпящия незримо оправдай; клеветники и хулители пред всеми обличи; ожесточенно враждующим нечаемо подаждь примирение, и всем нам – друг ко другу любовь, мир и благочестие и здравие с долгоденствием. Супружества в любви и единомыслии сохрани; супруги, во вражде и разделении сущия, умири, соедини друг ко другу и положи им союз любве неразрушимый; матерем, дети родящим, скорое подаждь разрешение; младенцы воспитай, юныя уцеломудри, отверзи ум к восприятию всякаго полезнаго учения, страху Божию, воздержанию и трудолюбию настави; от домашния брани и вражды единокровных миром и любовию огради. Безматерних сирот буди Матерь, от всякаго порока и скверны отврати я и всему благому и богоугодному научи; прельщенныя же и во грех и нечистоту впадшия, скверну греха отъявши, из бездны погибели изведи. Вдов буди Утешительница и Помощница, старости буди жезл. От внезапныя смерти без покаяния всех нас избави, и всем нам христианскую кончину живота нашего, безболезненну, непостыдну, мирну и добрый ответ на страшном судищи Христове даруй. Преставльшияся в вере и покаянии от жития сего со ангелы и всеми святыми жити сотвори; скончавшимся внезапною смертию милостива быти Сына Твоего умоли и о всех усопших, иже не имут сродников, о упокоении их Сына Твоего умоляющих, Сама буди непрестанная и теплая Молитвенница и Ходатаица; да вси на небеси и на земли ведят Тя, яко твердую и непостыдную Предстательницу рода христианскаго, славят Тя и Тобою Сына Твоего со Безначальным Его Отцем и Единосущным Его Духом ныне и присно и во веки веков. Аминь.

Молитва (вариант 3)

Пресвятая Владычице моя Богородице, святыми Твоими и всесильными мольбами отжени от мене, смиренного и окаянного раба Твоего, уныние, забвение, неразумение, нерадение и все скверныя, лукавыя и хульныя помышления от окаяннаго моего сердца и от помрачненнаго ума моего; и погаси пламень страстей моих, яко нищ есмь и окаянен; и избави мя от многих и лютых воспоминаний и предприятий, и от всех действ злых освободи мя. Яко благословен от всех родов, и славится пречестное имя Твое во веки веков. Аминь.

Величание (самогласен)

Величаем Тя, Пресвятая Дево, Богоизбранная Отроковице, и чтим образ Твой святый, имже точиши исцеления всем с верою притекающим.