Читать книгу Blywende woorde - Sylvia de Kock - Страница 17

13. Een mens kan baie uitrig

13

Een mens kan baie uitrig

Ek is net een, en tog is ek iemand. Ek kan nie alles doen nie, maar ek kan iets doen.

– HELEN KELLER

Komende van Helen Keller behoort hierdie kragtige woorde enige Christen te vertroos en te bemoedig wat probleme het met gestremdheid en hindernisse. Ons almal ondervind in ’n stadium groot hindernisse. Helen Keller was gestrem, en tog het sy hoopvol en vrugbaar gelewe. ’n Mens dink soms jy is so erg in die minderheid dat jy in elk geval niks aan die toedrag van sake kan doen nie. Helen Keller, blind en doofstom, het egter almal in die wêreld gewys dat sy iets kon doen in verband met die toestand van die wêreld. Deur haar geloof en haar moed het sy dinge vermag wat baie mense wat kan sien, hoor en praat net van kan droom. Daarom moet ’n mens dit wat jy doen tot God se eer laat strek, al voel jy jy is die enigste een op aarde wat met God wandel. Leef dus in die krag van God, wat hoop gee, en nie met hopeloosheid, wat jou van jou krag ontneem nie.

Om te leef soos die Here dit wil, is die krag van die opregte.

– SPREUKE 10:29