Читать книгу Come Hither: A Collection of Rhymes and Poems for the Young of All Ages - Various - Страница 73

One king's daughter said to anither,

Brume blumes bonnie and grows sae fair,

"We'll gae ride like sister and brither,"

And we'll neer gae down to the brume nae mair.

"We'll ride doun into yonder valley,

Brume blumes bonnie and grows sae fair,

Whare the greene green trees are budding sae gaily.

And we'll neer gae down to the brume nae mair.

"Wi hawke and hounde we will hunt sae rarely,

Brume blumes bonnie and grows sae fair,

And we'll come back in the morning early."

And we'll neer gae down to the brume nae mair.

They rade on like sister and brither,

Brume blumes bonnie and grows sae fair,

And they hunted and hawket in the valley thegether.

And we'll neer gae down to the brume nae mair.

"Now, lady, hauld my horse and my hawk,

Brume blumes bonnie and grows sae fair,

For I maun na[53] ride, and I daur na[54] walk,

And we'll neer gae down to the brume nae mair."

"But set me doun be the rute o' this tree,

Brume blumes bonnie and grows sae fair,

For there ha'e I dreamt that my bed sall be."

And we'll neer gae down to the brume nae mair.

The ae king's daughter did lift doun the ither,

Brume blumes bonnie and grows sae fair,

She was licht in her armis like ony fether.

And we'll neer gae down to the brume nae mair.

Bonnie Lady Ann sat doun be the tree,

Brume blumes bonnie and grows sae fair,

And a wide grave was houkit[55] whare nane suld be.

And we'll neer gae down to the brume nae mair.

The hawk had nae lure, and the horse had nae master,

Brume blumes bonnie and grows sae fair,

And the faithless hounds thro' the woods ran faster.

And we'll neer gae down to the brume nae mair.

The one king's daughter has ridden awa',

Brume blumes bonnie and grows sae fair,

But bonnie Lady Ann lay in the deed-thraw.[56]

And we'll neer gae down to the brume nae mair.

65