Читать книгу Слова-лекари от душевных и телесных недугов - Вера Куликова - Страница 14

О преподобне и богоносне отче наш Мароне! Назирай свыше милостивно и молися Владыце Милостивому и Всещедрому всех благ Подателю Богу о соблюдении страны нашея от неверия и развращения. Буди молебник и о нас, грешных! Ко Владыце Господу честнии твои руце в час сей простри и от Него милость и щедроты испроси, и приими ны (назвать имена родственников, сродников и знакомых, о здравии которых молятся), во свое ходатайство и заступление, от всех бед и лютых болезней сохрани и от всяких страстей свободи, и от нестерпимыя и неутешимыя огневицы, и трясовицы молитвами твоими избави нас, и от нападения бесов, от видимых и невидимых врагов соблюди, и согрешением нашим прощения испроси, и спасены Христу нас представи, во еже, в день Страшнаго суда, с радостию предстати нам пред лицем неизреченныя славы Его, и милостивное призвание в Царство Небесное от Него услышати, и в неизреченней радости зрети преславную Его лица доброту сподоби благодатию и человеколюбием Господа Бога и Спаса нашего Иисуса Христа. Яко держава Его благословенна и препрославлена, со Безначальным его Отцем и Пресвятым и Благим и Животворящим Его Духом, ныне, и присно, и во веки веков. Аминь.